كل وحدة متزوجة قريب أو مملكة تدخل

اعرفي عريسك بدري بدري من طريقة اكله
طبعا ماتصدقوا الكلام هذاوتخربوا حياتكم
والله يسعدكم 1- إذا كان عادي يعني لا بياكل بسرعة ولا ببطء ولا دايمًا شبعان
ولا مفجوع على طول.. يبقى شخص معتدل في عواطفه وقراراته
ويبقى ده آخر الرجال المحترمين..
كلبشي.. واستعجلي الزفاف والحياة هتبقى بمبي 2- إذا كان بيحب الأكل زي عينيه.. وأول ما يدخل من الباب
وقبل ما يقول لك ازيك يقول لك ريحة التقلية تجنن ياروحي
إنتوا عاملين ملوخية على أرانب؟؟..
أموت أنا.. ويقعد ياكل ويحشر لحد ما يغمى عليه..
يبقى إنسان طفس.. وهوائي..
وطايش.. وأوعي تتجوزيه أحسن ياكلك وانتي نايمة.... ؟؟ 3- أما إذا كان مش مهتم بالمرة.. لايقولك ده حلو ولا ده عادم
ولا مالح ولا مستوي ولا لسه ني ولا بيعلق أي تعليق..
وعمره مايقولك جعان أو شبعان
يبقى إنسان مالوش لزمه.. وزي قلته.. وأنصحك بدل ما تتجوزيه إتبنيه..
وهاتعيشي إنتي الراجل والست في وقت واحد
واعملي حسابك هاتركبي وتدلدلي رجليكي . 4- أما إذا كان بياكل زى مايكون حد بيجري وراه وساعة الأكل
بيجيله حالة صرع معوي.. ويقوم من على الأكل قبل أي حد تاني.
يبقى متسرع.. ومتهور في اتخاذ قراراته وممكن بعد الجواز يكتشف إنك
لستى ملهمته..ولستى فتاة أحلامه ولستىِ حلمه.. ويروح مطلقك بالتلاتة..
إخلعي إنتي بدري أحسن لكرامتك. 5- أما إذا كان بياكل على مهله.. ويمزمز.. ف كل صنف لوحده.. ويسأل
عن كل صنف إيه مقاديره ومعمول إزاي ويقعد يستطعم ف الأكل من العصر
للمغرب .
حاسبي منه يا اختي ده النوع اللي له مخ.. وبيوزن الأمور بطريقه تفقع
المرارة.. ولو في يوم طلبتي منه يقولك كلمة حلوة هايقولك مش عامل
حسابي ويقعد يفكر 3 سنين وبعدين يقول لك بحبك
ويقعد يشوف وقعها عليكي إيه؟؟
نظام شلل رعاش
بدري.... بدري....
إخلعي يا أمي...6- أما إذا كان بيقعد يقطع ف الأكل زي مايكون ف خناقة ويخبط ف الطبق
من الغل.. ويقطع حتة اللحمة زي ما يكون بيدبحها.. ويتفتف.. ويتكلم..
طول ماهو بياكل لما يغرق وشك أكل..
ده شخص عصبي جدًا.. ومع أول خناقة هايروح مناولك بالكرسي ف راسك أو
بالسكينة ف عينك يعمل لك عاهة مستديمة وبعدين.. يهدى.. ويقول لك:
"سوري يا روحي هي جت فيكي.. ماعاليش"
""ماعاليش برَّه يا حبيبي وخد الباب في أيدك "" 7- أما إذا كان دايمًا قرفان دايمًا مش عاجبه العجب ولا الصيام في
رجب..
الملوخية تقيلة.. ياي.. السمنة كتيرة على وش الشوربة.. ياساتر.. دا
محشي ولا صوابع موز.. أوف.. الرز محصويل.. يامَّه المكرونة
معجنة..
إذا كان كده توكلي على الله وهاتي أحمى ساطور عندك وأنا أعرف لك
واحد محامي هايطلعك منها زي الشعرة من العجين
والأحسن من ده كله.....
مالها القعدة ف بيت أبوكي؟؟ للأمانة منقول
مع خالص تحياتي