كل وحده تقول ايش سوت في زوجهها

بنات فين ردودكم اول مره اكتب موضوع لاتحطموني من بدايتها

خ احسن قهرتيه
انا كمانه زوجي فاكر نفسو حلو وهوا مو حلو ...
اكره اروح المولات في الويكند عشان زحمة الحريم
اقول البنات اعاكسوه واعملولو حركات ..قلت في نفسي ايش فيلك عشان اعاكسوك !!
يوم انفجرت فيه وصارحتو وقلتلو اصلا انت مو حلو ودبه وعندك كرشه دقنك طالع كأنك خريج سجون ..انا لو مكانهم ما راح اطالع فيك ابدا ههه<<< طبعا قلتها بمزح
جوزي سكت انحرج شوي من نفسو خ
مسكين اخد مقلب على نفسو اقولي (( ليه طيب البنات اطالعولي واعاكسوني )) قلتلو مو منهم منك انت عينك يمين يسار ..وقتها حشرتو حشره بطاله ههه

عادي ترى كل رجال يحب يغيض زوجته مو لغرض انه يغيضها لا عشان يشوف قد ايش اهي تحبه..
يحبون ان زوجاتهم يغارون عليهم..
بس ترى صعبة ان المرأة تسوي لزوجها كذا..لانه ممكن يشك فيها وراح يسبب مشاكل كثيرة..
فاللي انتي سويتيه يمكن يسبب لج مشاكل انتي في غنا عنها..
انا زوجي يحب يجنني..يجي يقولي بنت تطالع فيني والا شوفي ذليك البنات ماشالوا عيونهم عني والا ميتين فيني.
انا في البداية قمت اغار بس بعدين حسيت ان السالفة باخت وقمت ماهتم فترك هالحركة عنه..

زين سويتي فيه يالغلا
اذا جلس يمدح نفسه وان الكل طايح عليه امدحي نفسك

ياعيني ياعيني
طيب ياستي انا زوجي ولله الحمد وحش وعارف نفسو وعارف انه البنات مايطالعو فيه
والحمد لله مطمنه
بس هوا عارف اش اللي يموتني
فكره انه ياخد عليا وحده تانيه
واليوم لسا اليوم طازاا
ولدي تعباان عشان طعمته امس ومسخن ومرره انشغلت معاه كمادات وادويه وكدا
ونسيت اكوي له الثوب عشان هوا بيروح الدوام
واليوم لما صحينا عااد انا اعصب لو مانمت كوويس اتشاحناا على شي تافه وانا كنت مكبرتها شويا
قلت له هياا شف من يكوي لك ثوبك ويحضرلك ملابسك
وهاتيك يا قال وقيل وتنطيح بالكلام
بس طاح لسانه وقال جهزي بورقه الشغل اللي ماتقدري عليه عشان اتزوج ثانيه تخدمني
بس قالها من هنا وياكلمه مانقالت
قمت انفلت عليه
اصلا انت قادر تفتح بيت عشان تفتح الثاني .. لسا ماخلصنا السنه وتقول الكلام دا .. شف من يتحملك غيري .. اتحدى بنت امها تصبر عليك زيي .. ولك لك لك بالكلام وحسيت انه ساكت
بعد ماطلعت اللي بخاطري حسيت اني زعلته بس برضه كملت عليها قلت له قسما ماراح انسي لك الكلمه ذهه بقلبي لين اموت
قام سلم على راسي وقال لي والله امزح وبس كنت ابغا اغيظك وكداا
من جد الرجال مايبغالهم الا العين الحمرا
وقمت زي البسسه كويت الثووب ههه
الحمد لله على كل حال

انا تصير معي مرات انا اعصب واجن واطلع بلا عقلي واقله اه عجبتك يعني يلا الله يهنيك روحلها ليش مستني وهو ما يطولها فورا يقلي وشو بدي منها عندي الي احلى منها والي محترمه اكتر منها والي تسواها وتسوى نساء العالم كله بكفي اني بحبها وتنحل القصة بكل بساطه لانه يعرف اقول كلامي وانا مقهورة ومضايقه واني غيرانه
ومرات بكون بدي ابينله انه عادي واني مو مقهورة بس انا اعرف انه الرجال يحب زوجته تغار عليه فبخلي ياخد راحته

انا زوجي حييل حلو
خلي بنت بالغلط تجي عينها عليه تجلس تبلم عيونها وهو يطالعني ويضحك
بس رديتها له امس واطييح له بالهواش وانت وانت والي فيك والي ما فيك لما احترم نفسه
وقام يضحك وانا معصبه
بس بعدين رجع وقالي انه يبي يشوف قد ايش غلاته عندي
وبصراحه انا صرت امشي الموضوع لانه صار جدا بايخ
والحمدلله على كل حال

زوجي مرره وسيم ماشاء الله عليه لكن مايحب الاسواق
بس يروح معي المجمعات ومره وهو واقف يختارله جزمه رياضيه
جاءت وحده طويله وعريضه ودبدوبه اشوي اتعمدة بتلزق فيه
لكن انا كنت وراءه مايمديها حكت فيه الشنطه بس التفت عليها
قالها وجع جلست اضحك عليها ولابرمت ولاكلمه مالها عين\\