كل وحده وشعورها

قصدج من بعد الملجه خ
انا عن نفسي ما شفته الا يوم الملجه
<<<<<<<<<<<<<<<<<<<<<<<<<<<<<<<< وين عايشين "العصر الحجري من سنين مخلص خ
المهم .. القصه واللي فيها احم احم " خليصينا اف "
انزين انا قالولي والله اخو مرت اخوج "بل بل من وين طلع " ياي يخطبخ شو رايج
والله خواتي مب قصدهم يسألوني عن رايي يبوني اوافق وبس لكن اونه من الذوق
وطاحن فيني وافقي وافقي والله اونه اختي اللي اصغر عني بسنه "انا شفته والله وايد حلو ومؤدب وخلوق وماله مشاكل وانسان متفتح ومنها الرمسه <<<<<<<<<<< تسكتني اونه عشان اوافق
شكيت فيها تعرفه من زود ما مدحت فيه خ فديتها والله حبيبتي هذي ومامات بنتي الثانيه بعدي طبعا
المهم الحبيبه تولول " اوليه و اوليه" ومابا اعرس مابا وحده منكن تاخذه انا مابا<<<<< اتغلى وياليت حد مسولي سالفه طاف :(
ويقولكم وافقت بعد عناء " اي عناء حبوبه خل عنج اول يوم خ"
انزين والحبيب مستعيل داش حامي خ يبي الملجه نفس الاسبوع "بل بل بل بطير شو"
ويوم الملجه اتريا ودقات قلبي واصله الدكان خ "اجرب شي" <<<<<< ماتحب تبالغ الاخت
وطبعا اخوي جان بيدخل وياه ويقولون يالله المعرس بيدخل وانا ميته زيغه ياربي كيف بيكون شكله واذا مب شي شو اسوي <<<<<<<<<<< الشكل اهم شي الحين متوهقه
ثواني ويدخل وعيوني طار الحيا عندها "من بعد ان كانت في الارض من شدة الخجل والحياء"خ
وعيوني مبققه ع الباب ويدخل الشيخ اخير وفديته من شيخ يعق الطير من السما وانزل راسي بسرعه " الحين نزل عليها الحيا الحبيبه" <<<<<<<<<<< بنات آخر زمن
وانا عاد الحين ادعي واحمد الله طول الوقت وساكته ما ارمسه واخواتي وامي وامه وخواته " اختصري وقولي الاهل كلهم" المهم كل شوي سولفوا سولفوا شفيكم خ يعني اشفينا اول مره نقعد ويا بعض اي رمسه هذي اللي تبونها تطلع <<<<<<<<<<<<< عبط لاحول
وعقب دخلنا الميلس سولفنا شوي ودشت امه <<<<<<< اللي هي عمتي تقوله عيبتك السالفه قوم خلنا نروح لاحق عليها خ وجان استحي
وعدا اليوم على خير وتحلمت فيه طول الليل
" استحي شوي البنات تعبوا من القرايه بتسويها روايه ولا بتنشرين القصه" ههه
السموحه بنات الجواب كان يطلب اني افصل لكم السالفه خ
خلاص خلصت شفيكن
يالله الحين طالعه
سي يو
تيك كير
خ
تحيااتي
أم ماماتي
ريموتي

موضوع محرج كلش....
أذكر شفت زوجي في يوم الملجة وأنا بموت من الخجل.. وراسي في الأرض ما رفعتة كلش إلا يوم أهلي وأهله خلونا شوي نقعد مع بعض نسولف... كنت أحس بحر وبرد في وقت واحد.. وكلش إحراج.. بس الحمدالله الوضع كان أوكي.. وإجتزناه........................

والله يوم شفت زوجي طبعا في الملكه راسي في الأرض من الخجل لا ونشف ريقي ولي صوره بملكتي محتفظه فيها وأنا مطلعه لساني أرطب شفائفي عاد زوجي يقول هذي أحلى صوره ههه ولا من الخجل كبيت العصير فوق ثوبه ضيعت فمه من الحياء عشان مأطالع فيه فهمتم قصدي يعني هو يشربني وأنا أشربه في نفس الوقت وأنا أنحوليت من فلاش الكاميره وجبت العيد ههه وهو مسالم ياحليله يقول ماغسل ثوبه مخليه ذكرى يومين ههه لا ولا أطالع فيه طفش آخر شيء قال لأخته طلعي الحريم خليني أجلس معاه لوحدنا شوي ويوم طلعت الحريم بغيت أبكي زي الأطفال ههه وماسكه ثوب أخته ماخليتهعا تروح وهي تضحك والحين بعد الزواج ب10سنوات أدور الخجل ما لقيته ههه

هلا خواتي..
انا ريلي قبل الملجة شايفتنه وايد
لا تشكون فيني ...حرام عليكم(ان بعض الظن اثم)
انا وريلي نشتغل في ادارة وحدة.. بس كل واحد منا في قسم.. لكن شغلنا كان وايد مرتبط ببعض
المهم في يوم الملجة انا قاعدة في الحفلة .. يوم قالوا بيدخل تمنيت الارض تنشق وتبلعني <<< عن العياره
بصراحة وايد استحيت .. كأني اول مرة اشوفه.. وما حطيت عيني بعينه
يلسنا شوي (ما نتكلم).. وبعدين قالوله يلبسني الشبكة.. ومثل كل الرياييل ما عرف يلبسني وساعدوه خواته..وفي نفس الوقت هو يسولف ويطنز ويعلق على خواته.. وأنا ميته من الضحك .. بس ما ابي اطلع ضحكتي<<< مستحية..شو بيقولون عني الناس.. !!!
المهم يلسنا شوي وتصورنا.. وهو يكلمني شوي وانا ما ارد عليه الا بابتسامة رقيقة <<< حلوة رقيقه
وبعدين طلعوا الحريم حق البوفيه .. وتمينا انا وياه..
وشوي شوي بدينا نسولف.... لين ما يا اخوي ودق علينا الباب .. واعلن انتهاء الزيارة
وهاي كل السالفة

مواقفكم حلوه
انا بعد الملجه
كان زوجي في بيتنا وثاني يوم طلب شوفتي وانا رحت للغرفه وطبعا كنت راح اصيح من الخجل
و ريقي كان ناشف وحاسه بحر مو طبيعي
يوم رهيب خ

بصراحه أن يوم الملكة ماقدرت أركز فية 00000 ميته خجل
بس شفته زين من الصور 0000000
بس بصراحة رهبة قوية 0000

انا اول مره شفته بالشوفة السنه
م اول مادخل بصراحه قعدت اطالع الباب ابي اشوف وينه اللي بيصير زوجي بس
بعدين لما جلس جنبي مارفعت عيوني وقعدت كله ساكته وصايره مؤدبه
اما يوم الملجه مااستحيت واجد بس جنب الناس بس لما صرنا بروحنا صار عادي لاني كنت اكلمه بالتيلفون
ومشكوره على الموضوع
تذكرينا بذكريات تهبل

انا عن نفسي اول مررة شفت زوجي في الزواج
كنت مره خايفه

عن نفسي اهو دخل وجلس تالي انا جيت وكنت بطيح حتى خالتي كانت ماسكتني من ظهري
والصراحه اول مره شفته خفت اشوي لان عيوني اول ماطاحت على عضلاته
شفتهم كبار