لا يفلت لسانگ على انسانة ربتگ أنا بنيتگ وماني عاجزة أهدمگ

>> الفصل الاول <<
((في الحديقه في بدايه الاجازه الصيفيه ))
بالحديقه كانوا جالسين الشباب على الطاوله
جاسم وبندر و سعود
جاسم : ياربي والله مره طفش
بندر : قوموا نطلع
سعود : وين بالله كل مكان فرفرناه
جاسم :اووف مرره طفش
مرت يارا من عندهم وهي معصبه ومطرطعه وتسب وتلعن كانت لابسه برمودا جينز وتيشيرت اسود وجزمه رياضه سودا
سعود وجاسم استغربوا اول مره يشوفونها مرره معصبه
سعود بصراخ : يارا
يارا تمشي ومطنشه مالها خلق احد
قام بندر ولحقها ومسكها ورا الحديقه
بندر وهو حاط ايدينه على كتوفها
بندر: يارا وشبك
يارا وهي معصبه : ابعد عني ترا مالي خلقك
بندر : افا
يارا وهي تحاول تهدي: سوري بندر بس وربي معصبه
بندر: قولي وش فيك يمكن اقدر اساعد
يارا بعصبيه : تخيل نادي الكراتيه ما قبلني يقول عندنا اكتفاء و منتداي تهكر وايميلي انسرق ياجعلهم المرض
بندر ببتسامه : افا عليك هذا الي معصبك ولا يهمك اذا على النادي انا ادورلك غيره و المنتدى انا ارجعه لك وايميلك نسرقه من الي سرقه
يارا: ههه الدعوه كلها سرقه
بندر: ايه اهم شي تروقين
يارا مبتسمه : ايه روقت
بندر :يله اجل نرجع
................
سعود :شفيها يارا مو العوايد تطنشنا
جاسم : راحلها بندر الحين يقولنا وش فيها
سعود: والله يارا لو تكون معصبه جيبلها عمر ولا بندر تروق
جاسم: ههه
جاء بندر مبتسم ومعاه يارا
يارا : سلام
سعود يناظر جاسم :سبحان مغير الاحوال قبل شوي معصبه محد يكلمك
بندر: افا عليكم انا اروقها
جاسم : اموت واعرف وش تقولها
يارا : مالكم دخل اسرار بين الاخوان
الكل:ههه
سعود بجديه : يارا مره ثانيه لما اناديك تردين علي مو تمشين ولا كأنك تسمعيني
يارا سمعت سعود بس طنشته وسوت نفسها ما تسمعه وسعود مره انقهر بس سكت ومشا الموضوع بكيفه
طب عليهم رائد
رائد :سلام يا شباشب
يارا: شباشب بخشمك
الكل: ههه
رائد : افا
يارا تقلده وبمسخره: افا
الكل فطس ضحك
رائد : اقول انقلعي
يارا : انت الي جاي انت الي انقلع
رائد يكلم الشباب : تكفون ابعدوها عني لا اتوطى ببطنها
الكل: ههه
يارا بعربجه : جرب يله يله جرب والله لا اتوطى بحوض بطنك
رائد ما قدر يمسك نفسه وضحك
جاء عمر هو و طلال : السلام عليكم
الكل : وعليكم السلام
عمر: مجتمعين عند النبي وش عندك
يارا: ماعندنا الا الدجه تبي
طلال: لا عمر عنده بزياده اذا عندك ركاده عطيه
بندر: لا انسى الفكره ان عندها ركاده
الكل: ههه
يارا: شباب وش رايكم نطلع والله طفش
جاسم : وين تبون نروح
طلال: تعالوا نروح تشيليز الي على الكورنيش
رائد : طيب صعبه ندحل معانا يارا
جاء خالد : السلام عليكم
الكل: وعليكم السلام
جاسم : لاهي صعبه ولا شي
خالد : وشي الي صعبه
يارا: نقول نبي نلطلع نتعشى بتشيليز و رائد يقول صعبه اروح معاكم
خالد: لا صعبه ولا شي ندخل قسم العوائل و ولد ابوه الي يتكلم
طلال: هاه الكل موافق
عمر وبندر: موافقين بس يله
يارا: بس حنا 8 وش بيفكينا
عمر بنظرات خبث لجاسم : سياره اخوي حبيبي
جاسم : نعم نعم تبون اركبكم انتم بسيارتي وش بتشيل
طلال: عن الهرج الفاضي وقلي سيارتك بأي قراج
جاسم يتصنع الحزن : بقراج عمي ابو خالد
خالد : اجل يله نروح نجيبها ونتحاشر
يارا: اجل نتفرق وعند صلاه العشا نتقابل بقراج عمي خالد
طلال: يارا استأذني من جدي ما نتحمل مسؤليتك
يارا: ايه طيب
بندر: يله اجل سي يو بروح اتروش
عمر: ايه تكفى عشان لا تصرعنا بالسياره
الكل: ههه
(( سياره جاسم همر صفراء مره كبيره من جوا ))
دخلت يارا وما لقت جدها اتصلت عليها
الجد : هلا وغلا ومرحبا
يارا: هلابك زود كيفك يبه
الجد : بخير دامك بخير انت شخبارك من اليوم ما شفتك
يارا: انا بخير ياجعلك دوم بخير والله من اليوم وانا بالحديقه العب كوره
الجد : ايه
يارا: يبه بطلبك
الجد : امري
يارا: مايامر عليك عدو الشباب بيطلعون يتعشون وابي اروح معاهم
الجد : مين بيروح منهم
يارا : خالد و طلال و رائد وبندر و جاسم و عمر و سعود
الجد : اها ما تحسين شكلك بيسير غلط بينهم
يارا: تكفى مهي اول مره اطلع معاهم
الجد : طيب بأي سياره بتروحون
يارا: بسياره جاسم الهمر
الجد : طيب بس لا تطولين
يارا : اوكي يله باي قلبي
وسكرت الخط
وقعدت تتجهز
............
الحين خلونا نشوف الشباب وش سوو
خالد بغرفته وطلال عنده قاعد يصلح شعره و يسولفون
دق جوال خالد وشاف الرقم وارتبك
خالد: الو
الجد : هلا والله
خالد: هلابك
الجد :شخباركم
خالد: الحمدلله
الجد: انتم بتطلعون صح
خالد :ايه
الجد : طيب لا اوصيك انت وطلال انتبهوا ل (يارا ) تراها امانه عندكم لا تكدرون خاطرها
خالد: لا تطمن يا جد يارا بعيونا ولا يهمك ارقد وامن
الجد : خلاص لا تطولون
خالد : تامر
الجد : مع السلامه
وسكر الخط
طلال مستغرب: وش عنده جدي
خالد: يوصينا على يارا
طلال: وهو كل مره بنطلع يوصينا خلاص البنت زي اختنا اكيد بننتبهله
خالد: لا تلومه مره متعلق فيها
طلال: ياحليلها والله هي الي مخليه للبيت حس
خالد: ايه والله
...........................................
دق الجد على رائد وبندر وقالهم نفس الكلام ودق على جاسم وعمر وسعود وقالهم نفس الكلام
على العشاء كانوا كل الشباب بالقراج
الحين بوصفلكم كل واحد وش لابس
خالد : بنطلون جينز وتيشيرت ازرق
طلال: بنطلون بيج وتيشيرت جيشي
رائد : شورت جينز و تيشيرت كت أبيض
بندر: بنطلون اسود و تيشيرت رمادي
جاسم : برمودا جينز و تيشيرت كحلي مع اسود
عمر: بنطلون جينز و تيشيرت اصفر
سعود : برمودا اسود وتيشيرت ابيض كت وطالع مرره حلو مع جسمه المعضل
اجتمعوا الشباب
جاسم : اقول وين يارا
طلال: مدري عنها دقوا عليها
عمر: لحظه اتصل عليها
طلع عمر جواله بس يارا كانت جايه وشافها وقفله
يارا : سوري بس كنت ادور الجزمه خ
يارا كانت لابسه بنطلون جينز ضيق مره حلو وتيشيرت مرسوم عليها اشياء بالالوان الفسفوريه وتاركه شعرها على وجهها مرره خطر وحاطه مكياج مره خفيف
طبعا الشباب مرره اعجبهم شكلها بس ماحد علق
ركوا السياره
جاسم يسوق وجنبه خالد
و ورا طلال ورائد وسعود
وبالمرتبه الاخيره الثلاثي المرح بندر و عمر ويارا
طبعا كان ابو الفله وناسسه رقصه وهبال مرره جو
وصلوا للمطعم ودخلوا طبعا الكل يناظر فيهم اعدادهم كثيره وما معاهم الا بنت وحده شكلهم كان مره تحفه
قعدوا على الطاوله طبعا الكل يناظر فيهم
يارا جلست بنص بين عمر وبندر وما خلوا احد ما حشوا فيه قطعوا خلق الله
المهم بينما يارا وبندر وعمر منهمكين بالحش
صوت وحده من بعيد
البنت : يارا
لفت يارا لقت بنت ما تواطنها بعيشت الله
يارا بدون نفس قامت سلمت
يارا: هلا نوره
نوره : هلابك
يارا : .........
نوره بلقافه : مين المزايين الي معاك
يارا: اخواني
نوره : ما خبر عندك اخوان
يارا: نوره حبيبتي انا مره جوعانه بروح اتعشا باي
راحت يارا بسرعه وقعدت مكانها
سعود : يارا مين هالحلوه الي قبل شوي
يارا وهي تاكل : وحده غثه تبيه اروح اخطبها لك بس على شرط
عمر : وشو
يارا: تسكنون برا السعوديه افتك منك ومنها
سعود : افا تفتكين مني الي يسمعك يقول جالس على قلبك
يارا: ههه والله امزح الله لا يحرمني منك وانا مجنونه ازوجك هالخبله عشان ترفع لك ضغطك ما عفتك
الكل: ههه
يارا: ممكن ازوجها رائد
رائد كان يشرب ببسي وشرق
رائد : اخ يا الظالمه وهذا وانا ما اطفشك روحي انقلعي
عمر وبندر ماتوا ضحك
كملوا عشاهم وضحكوا وطبعا كل العشاء استهبال وضحك
يارا: شباب بروح الحمام سي يو
الشباب: اوكي
طلال: انتبهي واذا احتجتي شي دقي على أي واحد فينا
سعود : انتبهي
جاسم : خل جوالك معاك
يارا فكت عيونها: ترا انا مني بزر ما بقى الا تجون معاي
الكل: ههه
يارا اصلا ماراحت الحمام راحت عند المحاسب وحاسبته وقالتله اذا سألوك قلهم ان الشخص واحد منكم بس ماراح اقول مين هو قال الفلبيني اوكي
رجعت يارا وكملوا سوالفه وبعد ما خلصوا قعدوا الشباب هواش عشان مين يسدد الفاتوره
خالد : انا اكبركم وانا الي بسدد
طلال: لا انا الي بسدد
رائد: انا انعمكم شعر وانا الي بسدد
الكل: ههه
سعود: انا احلاكم وانا الي بسدد
وقعدوا حلوف وهواش واخر شي استقروا ا سعود يدفع هو وجاسم
جاسم : فاتوره
الفلبيني : الفاتوره تسددت >>مترجم
طلال فتح عيونه : مين الي سددها
الفلبيني : واحد منكم بس ماراح اقول مين >> مترجم
جاسم يناظر الشباب: مين الخايس المعفن الي سددها
الشباب كلهم يناظرون بعض ويارا مسويه نفسه بريئه واصلا محد شك فيها ابد البرائه تنقط من وجهه راح جاسم واخذ الفلبيني وكلمه على جنب ورجع وباين على وجهه انه زعلان
رائد : مين الي سددها
جاسم : واحد الله يستر علينا وعليه
طلال: بالله قلي مين
خالد: ايه مين
يارا: ايه قل مين
جاسم قعد يطالع ب يارا الي ما قدرت تمسك نفسها وفكت ضحك
جاسم: لا وبعد لك وجه تسألين مين وانت الي مسددتها
يارا: ههه شسوي كل مره انتم تسددون عني وش بيضر اذا انا مره سددت ترا عادي
عمر: وانت وش لقفك انت مالك دخل تدفعين
يارا : والله زي زيكم
المهم انتهى الموضوع ورجعوا البيت وهو مستانسين هع>> اهم شي تكونون مستانسين
...................................
رجعت يارا لبيت جدها لبست بيجامتها وكانت برمودا ابيض وتيشيرت طويل لنص الفخذ احمر ولابسه شرابات حمرا كان شكلها مره بريئه وطلعت للحديقه كانت الساعه حوالي 3 الفجر والكل نايم وبكرا خميس وجمعت عمانها في بيت جدها ماكان لها خلق احد قعدت تناظر بسماء وتتأملها فتحت جوالها تقرا الاسامي وقرت الرسائل وسرحت شوي كذا حست بشي يمشي على ظهرها على طول لفت لقت عمر يبي يخوفها بس شكله هو الي خاف
عمر: وش عندها الحلوه لحالها
يارا: ماجاني نوم
عمر: تصدقين لا انا ولا سعود نمنا
يارا: وش دراك عن سعود
عمر: نايم عندنا اليوم
يارا: اها
عمر: اصبري شوي وهو طاب علينا
يارا: ياحليله
عمر: ايه واخر انجازانتك
يارا: والله ما عندي شي
فجأه وبكل هدوء جاء سعود وجلس جنبهم
يارا: بسم الله الرحمن الرحيم الله يفجعك فجعتني
سعود ببتسامه حزينه : اسف
يارا حطت يدها على كتفه : وشبك وش فيك
سعود: مافيني شي
يارا: الا فيك شي
عمر: انا بروح اسوي شاهي تبون
يارا : لا سعود تبي
سعود: لا
راخ عمر وجلست يارا تكلم سعود
يارا: سعود قلي وشبك منت اخوي الي اعرفك دائم
سعود: فيه شغله بتأكد منها ويارب تطلع غلط
يارا: طيب ايش
سعود : بعدين تعرفين انا ودي افضفض بس ابي اتاكد
يارا: الي يريحك بس تاكد اني مستعده اسمعك بأي وقت
سعود: الله لا يحرمني منك
يارا: وانت وش عندك صاحيه
يارا: ماجاني نوم
سعود : ليش
يارا: قعدت افكر بأمي و أبوي واخر شي مليت وقلت خلني اقوم
سعود : اها الله يرجعهم بسلامه
يارا: امين
عمر رجع ومعاه الشاهي تقل شاهي صعايده اسود
سعود: هذا شاهي ولا ببسي
يارا: والله شكله شي ثاني
سعود: ههه
عمر : وجع بلا قرف
سعود: انا جاني النوم بروح انام
يارا: حتى انا
عمر: انقلعوا بروح اقعد على النت ابرك منكم
راحوا وتفرقوا
.................................................. ..............
يوم الخميس بالليل الكل مجتمع ببيت الجد
طبعا كانوا الرجال بمجلس والحريم بمجلس
دخلت يارا سلمت على الكل
كانت لابسه بنطلون جينز وبلوز كت مرسوم عليها كلب مرره كانت كيوت وماكانت حاطه مكياج وشعرها مخليته على طبيعته المهم
جلست تسولف عليهم وتستهبل وجننتهم وطيرت عقولهم الكل يحبها لان شخصيتها مرره جنان
ناداه الجد وراحت لعندهم عشان تسلم على عمانها دخلت
يارا: السلام عليكم
الكل: وعليكم السلام
يارا تكلم ابو خالد
يارا: شخبارك ياعم عساك بخير
ابو خالد: بخير دامك بخير
يارا: وانت عمي ابو رائد شلونك عسى بصحه وسلامه
ابو رائد : اانا بخير انت كيفك
يارا: انا بخير دامك بخير
ابو رائد: دوم
يارا: دام عزك وحليب عنزك
الكل: ههه
يارا تناظر عمها ابو جاسم
يارا: شخبارك ياعم وشخبار الشغل ان شاء الله تمام
ابو جاسم : تمام وانت اخبارك يا بطه
يارا: انا بطه والله لو انك منت عمي كان وريتك
الكل: ههه
ابو سعود: انت متى تبطلين عبط
يارا: متى ما مت
الجد : سم الله عليك من الموت ياجعل يومي قبل يومك
يارا قامت قعد عند جدها
يارا: لا ياجد انا من بعدك اضيع يعني لو بتموت انا وراك
بندر: تكفون قفلوا سيره الموت تراها تجيبلي حساسيه
الكل: ههه
وقعدوا يسولفون ويستهبلون بس سعود ماكان معاهم كان بعالم ثاني جت يارا وجلست جنبه
يارا بهمس: سعود وشبك
سعود: ..................
يارا: سعود
سعود :هلا
يارا: وشبك من يوم ما قعدنا وانت ساكت
سعود بعصبيه خفيفه : يعني وش تبيني اقول
يارا ناظرته وقامت عنه وخلته
سعود :يارا
مشت وطنشته وراحت عند رائد وجاسم وجلست تسولف معاهم
راح سعود عندهم وجلس ورا يارا ويهمس لها بصوت وااطي: معليش سامحيني بس عندي مشاكل وشاغلتني لا تزعلين
يارا لفت وبكل حنان : سعود انت اخوي وانا عمري ما ازعل منك
سعود: الله لا يحرمني منك
ابو رائد يشر على سعود ويارا: انت الاثنين وش تقولون
يارا قامت وقفت وتخصرت بستهبال: اسرار بين الاخوان عندك مانع
ابو رائد: ههه لا اسف عمتي
الكل: ههه
ابو جاسم : ماشاء الله يا يارا ياكثر اخوانك
يارا: ياحظي فيهم عندي حوالي 13 اخو
بندر: تقول حوالي مهي عارفه عددنا
عمر وخالد :ههه
الجد : الله لا يحرمكم من بعض يا بنيتي
يارا: امين ولا منك يا احلا واغلا أب
الجد: لا احلا واغلا جد
يارا: لا انت ابو ودنيتي كلها
الجد بيصرف الموضوع عشان يارا ما تتأثر لانها تتضايق لما احد يجيب سيره امها ولا ابوها
الجد : مين الحيوان الي مفحط بسياره امس
الشباب كل واحد يناظر الثاني وعلامات البرائه على وجيههم
ابو رائد: انا افولك بندر
بندر: نعم نعم وانا كل شي علي
الجد: المهم يعترف الحين ولا ياويله مني
ابو رائد : يا يبه انا اقولك بندر ما غيره ولا عمر
عمر: وشو الي انا كل ماسار شي حطيتوه علي انا وبندر
الجد : اجل مين مافيه شياطين غيركم
الكل التفت على يارا
يارا: والله مو انا لا تناظرون فيني
الجد : المهم مصيري اعرف
وقعدوا سوالف وسعود بعالم ثاني كان يفكر وش كثر ان الخيانه تجرح ..!!

>> إن شآء الله كل يوم أنزل لكم بآرت <<

بس
وين الناس ياهوه << تكلمي نفسك ترى هع

حبيبتي جود
لاتتعبين نفسك في نقل القصه لاني نقلتها كامله قبل كده
لكن لم تحصل على ردود
والله كل خوفي تعبك بس
حبيت اعطيك خبر انها موجوده هنا في عطر الكلمات
تقبلي مروري