لا يفوتكم نعومي عنده عروض خطيره

السلام عليكم
بنات امس كنت في نعومي اللي بالجبيل فيه عرض يجنن
قطعتين ب 119 ريال بس
تجي قميص حرير قصير و معه قميص شيفون شفاف او شورت و بدي
وبعض الشورتات تجي حرير وبعضها شيفون
مثلا القميص يكون ملون بلونين و الثاني او الشورت يجي ساده من درجة واحد من اللونين اللي بالقميص الاول فهمتوا علي .. ؟؟
بس لا تقولون وع قطعتين طقم !! لا والله مو مبين اساسا انهم جايين مع بعض
يعني وحده ساده والثانيه ملونه مموجه او ورود كذا يعني
وفيها موديلات حلوه والله
اخذت 3 أطقم
قميصين مع بعض
وقميصين مع شورتين واحد من الشورتات حرير و الثاني شيفون
ب 357 ريال وبس يا بلاش والله
و خطيرين وربي جنان
وفيه كمان عرض ثاني 3 قطع او 5 ما اذكره بالضبط
بس ما عجبوني
كلهم قطنيات تجي بجامه برمودا مع الشبشب و قميص لحد الركبه ومدري شنو معهم بعد
ما ركزت لانهم ما عجبوني مره و قطنيات !! قلت اخذهم من اي مكان عادي
بس العرض الاول لا يفوتكم
كمان سنتر بوينت قمص الملابس الداخليه دخلته كذا بس مرور الكرام
لقيت فيه قمصان حرير طويله ب 80 !! يا بلاش
و الملابس الداخليه الكلوتات حركات تجنن ب 10 !!!
و الستيان على حسب بين 15 و 30 !!!!
مدري وش سالفتهم يعني ماعندهم تخفيضات ولا حاجه
وشفت عندهم اطقم داخليه تجنن تجنن تجنن مره
على اطرافها احجار كرستال !!
على طرف الستيان من فوق ( تصلح للفساتين ) و طرف الكلوت كمان
فيه منها الوان
بس مدري ليه ما شريتهم !! غبيه تحسفت يوم رجعت البيت ههه
واللي بتسأل عن التخفيضات مافيه ... مدري متى بتكون <<< معروف هالسؤال في كل مواضيع التسوق
بس على الطاري تعرفون متى تخفيضات مذركير ... ؟؟
دخلته حتى مالقيت اطقم البيبيات اللي مع مهاد !! :(
وبس حبيت اعطيكم خبر و الله يوفق الجميع
ادعوا لي بليز فديت قلوبكم اليوم عندي اختبار