لحظة بنات كلمة رأس

بنات في ملاحظظات لاحظتها على كثير ومنها صديقاتيقبل الزواج الوحدة اجتماعية مسرورة مكسورة تنتظر الزوج بمجرد تنخطب تبدأ شخصيتها تتغير من فتاة حالمة إلى حرمة " نافشة ريشها" وهذا للبعض ، تبعد عن الناس والصديقات وتنعزل وتحذف حساباها لو كانت بالفيس وتختفي من الماسن وتقطع كل علاقاتها.
هذا المستوى الأول من التغير ( خير أو وحدة بالعالم تتزوج؟)
نجي للمستوى الثاني : تتشرط وتزعل وتسبب مشاكل من ابسط شي وتحسس من اللي حولها، أوكيه مقبلة على حياة جديدة بس ماهي هذي هي الطريقة.
أعرف بنات تطلقوا قبل الزواج بشهر ، شهر ياجماعه والسبب خلافات تافهه جدًا على أثاث أو شقة وناس على القاعة ! تخيلوا.
المستوى الثالث : كل وحدة شايفة نفسها محسودة وتدعي الله يرد عيون الناس وكيدهم وشر العوانس المقهورات وحسدهم ! المعذرة الله اللي غير حالك والزواج سنة الحياة ماهو بدع من الخيال اختص فيك ولا كل الناس بتترك همومها وتلتف لك .
بعد الملكة تبدأ حركات بعض البنات وتبدأ تزعل من زوجها على أتفه شي. أو تفكر بشكليات بس لبس دبش سفر وخلافه . طيب فكرتي كيف بتعيشين معه وكيف بتساسيه وكيف تتعاملين مع الظروف المخلتفة؟ قراتي تثقفتي؟. تعلمتي أصول وفنون التعامل؟ ولا بس داخله بالاكسسوارات والفرحة مش سيعاكي؟
نقطة ثانية لاحظتها بالمنتدى : تكتب الوحدة مقهوة متحسرة على نقاشة ولا قاعة ولا كروت زواج ( ياقلبي ماعرفتي الهم بدري عليك، الأشياء الآخر المفروض ماتسيطر على تفكير الوحده لين تصير مهمومة بهالشكل المريع الهموم أكبر بصحتك وعافيتك وأهلك وناسك بخير وين الهموم الكبرى ؟ )
تجي الوحدة تصرف تصرف ماديا بس عشان فرحة مادية . ترى ياجماعة الزواج يبدأ بعد أيام العسل هذي الشطارة وقت تروح فيها المظاهر وتبدأ تظهر المعادن.
فكروا في هالأشياء عدلي في نفسك وشخصيتك وأفكارك مثل ماتقشرين جسمك وتصبغين شعرك