لذوات الوزن الثقيل جدا قروب جديد

صباح الخير عليكم يا احلى فراشات
طبعا أنا مسجلة من زمان بس مالي حس ولا خبر من بعيد لبعيد
وما ادخل إلا بالسنة حسنة مثل معظم العاملات <<<< دخلي بالموضوع خلصينا
بس الحمدلله فرجت وصرت عاطلة بالبيت <<< فرحانة وايد
بس هالمرة حبيت افتح قروب حق الفراشات إللي ماتطير
لأن وزنها فوق ال100 كغ
طبعا أنا من قبل كنت دبا وهذي من علامات العايلة كلها
بس من ملكت زاد وزني وصرت فوق ال100
عارفين حركات الحيا و ماتحبي تردي خطيبج المشكلة لازم اجاريه وأنزل وزني شلون ما ادري
بفتح هالقروب وياريت ألاقي وياي فراشات حلوات نشجع بعض على تنزيل الوزن بطريقة صحية
صدقوني يابنات لا أدوية ولا شي تنفع انا ماظل شي ماجربته بس كل شي له أثار جانبية
فقررت من اليوم أبدأ ريجيم بالأكل إللي انا احبه بس بشكل أخف
أدعو لي زواجي بشهر 3 و أبي أطير بالفستان الأبيض <<<<<<<<< مابغت تخلص
منو بتشترك معاي وتكتب يومياتها بشكل منتظم
منتظرتكم يا احلى فراشات