لعبة قصص و يوميات منحوس حاطط فوق راسة قاز وفانوس

1. هيا أنا أبدأ أولا:


2. وتعمل خير شر تلقى))

السلام عليكم ورحمة الله وبركاته يابنات حواء
اليوم فكرت بلعبة حلوة مرة أنا أكتب جزء من القصة وكل وحدة تضيف من أنامل يديها وعطر الكلمات باقي القصة,,,

هيا أنا أبدأ أولا:

كان يامكان في معلمة من المعلمات كانت تعتبر نفسها الأقل حظاً بل وكانت انسانة متشائمة جدا وكانت تستبعد كثيراً أن تتزوج فكان أول خطيب زارهم بعد شافها وطلع من الشوفة اتزحلق قدام البيت , ثاني عريس يخطب جا يفتح باب الشقة طاح باب الشقة من وراه وشرد التاني قالو عقلو بكره يطيح كمان الشمعدان .وآخر عريس دخل البيت هوا واهلو
والمعلمة فرحانة وتقول ...أخيراً جاني عريس الغفلة
وجات تقدم للعريس عصير ومن الربشة تتهزز يدها ويلصق طرف الفستان مع الكعب الطويل
وبس هات يا عنقلة
قدام العريس وتقلب العصير على أم العريس
فكانت هذه المعلمة تفكر كم مرة إنها تغير اسمها من النحس اللي بيجري وراها بكل مكان وكل زمان يعني تجي تكحلها تعميها

وتعمل خير شر تلقى))

في مرة من المرات وهي بالمدرسة جية مبسوطة وهي تتكلم على الجوال وهيا خايفة عليه ينسرق (((حاطة دم قلبها عليه))قاعدة مسكينة تلملم بدا الراتب وحطته بجوال جديد ,,,
جات صاحبتهامن جنسية قالتلها ياواد ياوااد إيه دا إيه دا كل دا جوال مرة يهبل بلغتكو العامية ول عليه يبرق برق من اللمعان والمعلمة طنشت الحركة حقت صاحبتهاالمعلمة قالتها مو جهازي حق امي بس اليوم جبتو بالغلط معأيا أخدت شنطة أمي بدل ماآخذ شنطتي ))كدبة بيضا(( وتعمل المعلمة وقتها إنها مستعجلة تروح الحمام بس عشان تفرك من عين صاحباتها وتحط الجوال حضرتها بالجيب وبعدين الهنا وراها وتدخل ياعيني البنت الحمام وتقفل الباب وبعد شوية
لا
آآآآآآآآآآآآآآآآآآآآآآآآ
هات ياويطيح الجهازفين
في البالوعة سارت بدها تاخد الجوال ومحتارة فتحت الباب وتقول للبنات اللي طبعاً اتجمعوا من اللقافة الزايدة ومن الصراخ بنات جوالي
ساروا البنات يقولولها وع أستاذة قرفة بلاقرف وع وع جو صاحباتها و يضحكو من قلبهم)) شماته(( قالت للبنات خلاص ماأبغاه بكرة أشتري أحلى منه ,بس مشو البنات من هنا وهيا تنادي وحدة من العاملات وتعطيعا فلوس عشان تطلعلها الجوال من البالوعة,, وسار اللي سار
بعدين
أخدت بعضها وشالت الجوال وريحتو ويع,,,,
حطت الجوال في الشنطة وراحت البيت
ومن التعب نامت المعلمة
وصحيت المعلمة وشامة ريحة موطبيعية
جات بنتها الصغيرة بتلعب بشنطة امها عشان تلعب بالجوال الجديد وتدوخ البنت من الريجةوتروح تصحي أمها بطريقة مختلفة
ههه
حطت الكيس اللي فيه الجوال فوق راس امها وهي تقول ماما
في يع
وهات ياريحة ,,
.
وتصحى المعلمة
؟
؟
؟
هيا كملو معايا