لكل ارملة مطلقة فتاة لم تتزوج

1. وانتوا الوحدة تضيق صدرها وماعاد تطلع للناس ليش؟؟


2. مثلا الذرية والسكن والوظيفة وحتى السفر وحتى علاقاتي بالناس,, واهم شي


3. الحياة

السلام عليكم ورحمة الله وبركاته
انا دايم ادعيلكم
بس يضايقني لما الوحدة تقول ماعاد اقدر اواجه احد ؟؟؟؟؟؟!!!!
ليش ؟؟انتي مسوية شي غلط؟؟
والله ان بنات يسون الحرام والمعاصي والكبائر ويجونك واثقات من نفسهم!!!

وانتوا الوحدة تضيق صدرها وماعاد تطلع للناس ليش؟؟

ترا اللي عمرها 20 تحس حالها عانس ونفس شعور اللي عمرها 50 يعني العمر مايفرق بس والله اللي يفرق التفكير,,
انا كنت قبل احس بالضيق لان اللي اصغر مني تزوجوا وحتى اللي قبل معنسين تزوجوا ومن حسيت بهالشي حاولت استدرك نفسي لانك تصيرين مكتئبة ومالك خلق لاي شي ثاني وحتى لو اشغلتي نفسك بشي تبقين حزينة وتعيسة ؟؟ ليش؟؟
والله اعرف متزوجات حالتهم كسيفة من ظلم وبخل وفقر وضرب واهانة ويكون الزوج شبعان بس كذا..
هي كلمة وحدة بقولها لكل فتاة متأخرة عن الزواج ولكل ارملة ولكل مطلقة
(( الخيرة فيما اختتاره الله ))
الوحدة لازم تؤمن باالقضاء والقدر وان لكل شي حكمة واياك اختي الكريمة الاعتراض على قدر الله
اي نعم ادعي وتضرعي لله بالدعاء لكن كوني موقنة بان الله هو الرحيم بعباده
وان الخير هو اللي يختاره لك جل جلاله
والله مابحياتي دعيت ربي زوجني ولا ارزقني زوجا ,, كنت ادعي
(( اللهم ان كانت راحتي وسعادتي في الدارين بالزواج وكان خيرا لي فيه فعجل لي فيه وان كان شرا لي فابعده عني ))
وكنت انام مرتاحة وواثقة من ربي لان كل يوم يمر وانا باقي ماتزوجت ادري انه شر لي لحد ماكتب لي ربي النصيب..
والحين دعواتي لاي شي نفس كذا وهي تشبه صيغة الاستخارة

مثلا الذرية والسكن والوظيفة وحتى السفر وحتى علاقاتي بالناس,, واهم شي

الحياة

(( اللهم ان كان في حياتي خيرا لي في ديني ودنياي فارزقني حياة كريمة واكرمني برضاك وعفوك واجعلها في طاعتك وان كان فيها شرا لي في ديني ودنياي وبعد مماتي فاكرمني بالموت على لااله الا الله وادخلني جنتك بواسع فضلك ومنك ورحمتك ولاتحرمني لذة النظر لوجهك الكريم - آمي ن))
يااخواتي اللي تعيش لله اولا واخيرا وتوقن بالموت والبعث والله لا تصير الدنيا آخر همها وبتعيش طمأنينة عجيبة ,,, دعواتكم يابنات وانا بظل ادعيلكم