لكل وحده تبي تنحف تدخل وتستوعب الكلام زين

ألمى القحطاني

10-11-2022 - 03:12 am

المهم ..

مساء الورد حبيباتي الدبيات ..
دائما أتابع قسم الدايت وفعلا صار ممل لإنه كله قروبات وتجمعات ماصرتي تشوفين حاجه مفيده أو معلومه قيمه عن الريجيم ..

المهم ..

ودي أقول كلمة راس لكل وحده تبي تنحف ومو شرط تتفلسف وتصير هيكل عظمي أهم شي توصل لجسم متناسق وجذاب وصحي ..
لاتستعجلي النتيجه بريجيم قاتل ومرهق وصعب التطبيق مثل ريجيم التمر واللبن أو ريجيم الفاكهه فقط أو الريجيم الكيمائي .. كلها كلام فاضي ممكن تنحفين شوي بس ترجعين أشره مما قبل وتتعبين وتصيبك حاله نفسيه ( وهل معقول للي وزنها 100 وتبي تصير 60 تنزل 40 كيلو عن طريق أكل التمر واللبن فقط ) شي ماشفناه بالعقل عرفناه ..
حبيباتي .. أنا كنت 100 وصرت 83 وألحين مواصله المشوار ومو مستعجله النتيجه لو كانت المده سنه .. أهم شي أوصل ..
ريجيمي إللي بديته ألحين يعتمد على تخفيف النشويات قدر الإمكان وكذلك الحلويات ..
أمس أفطرت وحده توست وبيضه وكوب حليب قليل دسم بسكر دايت ..
وبالظهر كوب قهوه مع حبة تمر ..
والغداء ملعقتين رز مع صدر دجاجه وسلطه ..
وفي العصر أكلت حبة شوكولاته جالاكسي ..
وبالعشاء ربع خبزه مع صحن لحم مقلقل ..
وآخر الليل حبة خوخ ..
واليوم أفطرت مع بناتي ربع خبزه مع صحن شكشوكه وصحن سلطه ..
وبعدين بأقولكم أيش تغديت وتعشيت .. لإني سويت هالريجيم الحلو بعد نفاسي بطفلي الخامس وقبل ماأداوم ونحفت 3 كيلو بإسبوعين ..
أخواتي أتمنى أفيدكم ..
وتقبلوا تحياتي ..

التعليقات (9)

lazo

10-11-2022 - 06:13 am

والله انك بتفهمي بس المشكلة انو الصبايا بيلحقون ورا الاشياء السريعه والاوهام
بس لو سمحتي سؤال
ايش هيا الشكشوكة؟؟؟؟؟

الـغـلا مـنال

10-11-2022 - 07:14 am

ياقلبي كلامك عين العقل انا مثلك اخفف باكلي وامشي>برايي الرياضه مهمه
وياقلبي اللي اسلت عن الشكشوكه هي بيض وطمام ومطبوخ>سوري على القافه وجوابت بدال عنك
ومشكوره مره ثانيه

شوق_2008

10-11-2022 - 08:15 am

بالفعل كلامك عين العقل
هذا المفروض اللى يصير لو ننحف بالشهر 5 كيلو حلوو كثير

ألمى القحطاني

10-11-2022 - 09:16 am

لازو ..
يامرحبا مليون وأكثر ..
النزول السريع .. نتيجته الرجوع السريع ..
والشكشوكه مثل ماقالت أختي بصل تحمرينه بعدين تضيفين طماطم وبعدين بيض وماجي وفلفل أسود وكمون وتنتظرين إلين يثقل البيض ويصير له قوام متماسك ..
ألف شكر لمرورك وتقبلي تحياتي ..

ألمى القحطاني

10-11-2022 - 10:17 am

الغلا منال ..
الرياضه مهمه جدا وأنا أمشي يوميا نص ساعه لإنك بدون رياضه تنحفين بترهل ..
تسلمين يالغلا عن إجابتك لسؤال أخيتنا عن الشكشوكه ..
تقبلي تحياتي ودعواتي ..

ألمى القحطاني

10-11-2022 - 11:18 am

شوق 2008 ..
5 كيلو بالشهر أكثر من رائع وممتاز ..
الله يساعدنا وينحفنا من غير شر ..
شكرا لمرورك غاليتي .. تقبلي تحياتي ..

яόђë ţђbк

10-11-2022 - 12:19 pm

والله كلامك صحيح يالغلا
وانا جربت هالشي بنفسي ماكنت اقتنع بكلام احد بس لما جربت تغيرت نظرتي
جربت الكيميائي اسبوع نقصت كثير والاسبوع اللي بعده رجعت كل اللي نزل وزياده عليهم اظن كيلو ونص
وجربت رجيم التمر واللبن تقريبا 3 ايام وماقدرت اكمل رجعت بعدها آكل كل شي واخبص طلعت كل حرماني
فديتك والله مشكوره ع هالكلام وانا مأيدتك مليون بالميه بكل كلمه قلتيها

الـغـلا مـنال

10-11-2022 - 01:20 pm

ياقلبي لاشكر على واجب انا وانتي واحد>>من متى الميانه
طيب وش رايك بعصير الاناناس>>الربيع!!!
يقولو يحرق الدهون

lazo

10-11-2022 - 02:21 pm

صبايا انا الي فترة بقرا بكتاب مهم جدا عن جسم الانسان بس ودي فترة تا اخلص ترجمتو وساعتها رح احكيلكم خلاصتو وهو مهم جدا للتنحيف واشيا اخرى ما بنعرفها ولا عمرنا حكينا فيها يعني لقيت كتير من معلوماتي عن الريجيم غلط ورح اقدمو عن قريب ويسلمو على تعريف الشكشوكة وبيسموها عننا بالاردن جز مز

الى كل وحدة تبى تصير ناعمة ونحيفة نصائح من زهرانية والنعم فيه وكمان تجربتي بالداخل←
بدايه تجمع ريجيم خطير لدبدوبات الحلوات→