للشرخ باذن الله علاج مضمون وعن تجربه

السلام عليكم
بقولكم حكايتي من البدايه بالشرخ الشرجي
واللي مايعرفونه هذا عباره عن قطع بفتحه الشرج بالعامي كذا
والم شديد وقت الله يكرمكم التبرز وبعد التبرز كانك تطلعين شوك والا قطع قزاز
اخ
وانا حامل كان ينزل دم
وقلت عادي لان مافي الم
وبعد الولاده من ثاني اسبوع دخلت الحمام اقسم بالله طلعت زي المجنونه ادور في البيت واصيح ماني قادرة اجلس
قالوا يمكن بواسير اخذت حبوب دافلون وحطيت تحاميل اخ واخذت ملين وسبب اسهال لي انا وسعودي
المهم جلست 6 شهور وانا على هذا الحال ادخل الحمام ابكي واطلع واجلس 12 ساعه والالم موجود
الشرخ اقوى من البواسير
ماخليت شي ماستخدمته مراهم الياف لونها اخضر بطعم التفاح عشان الامساك
بعد ماخلصت يأست رحت لدكتور قال لازم عمليه هذا شرخ قوي وواصل للعضله شرخين بعد مو واحد
وقال العمليه ب 2000 مو مشكله
ولازم ولدك مايرضع من صدرك
قلت لا والله اتحمل الالم عشان سعودي الله يخليه لي
وياربي لك الحمد استخدمت الزبيب الهندي شربت شوي وسبب اسهال لي انا وولدي بس مرتين استخدمته ووقفته
والعطار قال لي ماتقدرين تشربينه طعمه مر قلت بقلبي مو امر من اللي احس فيه
قال حطيه تحاميل
وجبت كاسه وحطيت مر مطحون وزيت زيتون وزبيب هندي(اسود ومرة يابس وتكسرت الطحانه منه) واخذت شوي وحطيت على الشرخ مو تحاميل بس شوي
والله بس مرتين
وياربي لك الحمد عشان ضحيت بنفسي لولدي ربي شافاني
لك الحمد يارب
واللي تبغى اسم الدكتور مرة شاطر بالجراحه البواسير والشرخ وعمتي(بواسير داخليه وخارجيه+شرخ) وابوي (يحسبها بواسير طلعت زوائد جلديه) راحوا له وهو بجده
والله يشفي الجميع