لمن تبحث عن فارس احلامها ولمن وجدته تفضلى حبيبتى

1. بسم الله الرحمن الرحيم حبيباتى :roseban3a


2. من بعد اخر موضوع عملته وعجبكم


3. 3-اذا سافر زوجك ففعلى الاتى:


4. 32- غيرى من طعامك وحاولى ان تزينى اطباقك بقدر الامكان

بسم الله الرحمن الرحيم حبيباتى :roseban3a

من بعد اخر موضوع عملته وعجبكم

ده شجعنى انى ازيد من موضوعاتى(عادة بعض الزوجات تشتكى انها حاسة ان حب زوجها ليها قل بعد الزواج وده امر طبيعى لان الحب قبل الزواج بيكون وهم هدفه اشباع الغريزة وبعد الزواج يبتدى يشعر الزوج انه اشبع غريزته ويبتدى يحس انه اصبح مسؤول عن بيت وزوجة واسرة واولاد يبتدى يحس انه ماعدش حر طليق بيحس انه اصبح مربوط فى حبل وده لانه عكس البنت التى تريد دائما الاستقرار وانها تعيش فى حضن زوج يحميها وخصوصا لما يعرف انه هيبقى اب صحيح بيكون فرحان لكن بيكون فى نفسه حزين وخايف من مجيىء طفله وده شعور طبيعى لانه بيحس بعد ماكان كل حياه زوجته فهياتى واحد ياخذها منه وهياخذ حته من قلبها اللى كان كله ملكه وبكده ياتى دور المراه اللى لازم تخلى زوجها يحس بالحب دائما واهتمامها بيه حتى بعد مجيىء الطفل تزيد من اهتمامها بيه اكثر واكثر معلش طبعا هتكونى تعبانة لكن كله يهون عشان خاطر عيونه وتشعللى نار الحب الحب الحقيقى اللى بعد الجواز بيكون حب بعيد عن اى غريزة او اى شهوة)
بس حبيت اعطيكم شوية نصائح سواء للمتزوجات او اللى لسه مثلى ملقوش فارس احلامهم
1- كونى كالفراشة فى بيتك جميلة فى كل شىء كونى كالنسمة التى تداعب زوجك فتجعله يميل دون ان يقع ارضا
2-حاولى ان تهتمى بنفسك واجعلى جمالك فى عيون زوجك هى القضية التى تشغل بالك دائما ولكن كونى واثقة بنفسك ايضا

3-اذا سافر زوجك ففعلى الاتى:

• فى يوم سفرة كونى تعيسة وارسمى على وجهك الحزن وحسسيه انك حزينة وزعلانة من بعده عنك ولكن ماتسوقيش فيها
• اطبخى له فى هذا اليوم الاكلات التى يحبها واكليه بيدك وطبعا تكونى لابسه احلى ما عندك ومعطرة واخر جمال
• وانتى بتحضرى له الشنطة رتبيها ونظميها وبعد ما تخلصى قومى بوضع كارت او جواب واكتبى فيه كلمات حارة من الولع والحب والحزن الذى يملئك من بعده عنك وعليها قبلة منك (واتفننى بقى انتى )بس لا تضعى صورتك لوهو ماخذهاش بنفسه
• ودعيه بحرارة وحزن
• وفى اثناء سفرة زيدى من اهتمامك بنفسك وماتقوليش لما يبقى ياتى ابقى اهتم ده غلط اعتبرى سفره فرصة زودى فيها اهتمامك بكل جزء من جسمك
• من وقت للتانى ارسليله ماسجات حب ورنات ولو كلمك حضرى كاسيت بجانبك وسمعيه جزء من اغنيه للوعة الفراق (واظن هيكون ليها اثر فظيع عليه) وممكن تلاقيه ساب كل شغله وجالك ههه
• لما يقترب موعد مجيئه حاولى ان تغيرى من ديكور منزلك ممكن باشياء بسيطة يتحول بيتك الى جنة مثلا قومى بشراء لوحات للطبيعة وازهار وورود او غيرى من ترتيب بعض الاشياء فى بيتك
• قبل مجيئه بيوم اشترى له هديه ولو حتى هديه رمزيه ولفيها فى علبة على شكل قلب
• وبعدين اذهبى لاماكن التجميل ودلعى نفسك من راسك لقدمك يعنى شوفى انتى عملتى ايه يوم زفافك واعمليه
• غيرى من لون شعرك لون ماعملتيهوش قبل كده بس طبعا لازم يكون لايق عليكى
• والبسى عدسات ملونة واعملى ميك اب كامل وتعطرى بريحة غريب عنه (يعنى ببساطة اتغيرى 180 درجة) لانه وهو فى طريقه ليكى هتكون صورتك اللى سابك بيها اول ماسافر هى اللى فى ذهنه لكن لما يرجع يشوف واحدة تانية فيحس انه فى ليلة عرسه على عروس جديدة صدقينى الراجل دائما يحب التغير يعنى من وقت للتانى غيرى فى نفسك عشان ما يزهقش ومايملش شوفى نانسى ولا هايفا عاملين ايه فى نفسهم ومجننين الرجالة خليه مايشفش حد غيرك يعنى مرة اعمليله نانسى ومرة هايفة ومرة مارلن مورلو ومرة تلبسى لبس خليجى ومرة امريكى خليه يحس انه مش متجوز واحدة خليه يحس انه متجوز مليون واحدة
• اعملى الاكلة اللى بيموت فيها واضيئى الشموع وعطرى المنزل وشغلى ميوزيك رومانسى وانتظريه (صدقينى هتنعمى بليلة زى ليله عرسك وهيكون ليها صدى كبير على باقى ايامك معه) وطبعا ماتتلهفيش على الشنطة وتبقى قاعدة تبوصيلها لانه هيحس اعملى نفسك ولا كانك شايفاها وهو بنفسه اللى هيقولك عشان تفتحيها ويوريكى هديته ليكى بس طبعا ماتقوليش دى بكام حتى لو كانت مش على زوقك ومش عاجباكى حاولى تحسسيه انك طايرة من السعادة بيها وتقوليله انه اجمل هديه ربنا بعتها ليكى
• طبعا لو ماكنتش عاجبتك معلش حاولى تبقى تستخدميها ولو كانت حلى البسيها دائما وهومعاكى وماتهمليهاش وترميها فى الدولاب لانه هيزعل جدا وهيكون للموقف ده اثر سيىء عليه

4- حاولى دائما تلبسى الاشاء اللى هو جايبهالك وانتى معاه
5 - طبعا مش هوصيكى على اهله وخصوصا والديه اهتمى بيهم كانهم والديكى خصوصا لما يكون مسافر حتى لو كانو مش كويسين معاكى استحمليهم عشان خاطرة
6 - ضعى صورته بجانبك على الكوميدينو اللى جانبك وانتى نايمة
7 -قبل ماينزل الصبح لبسيه ملابسه واكليه بايديكى وعطريه ومشطيه وودعيه بكلمات حارة ( عامليه كطفلك تلاقيه رغم اشارتك فى اى وقت )
8 - ولما يرجع تستقبليه ايضا بشوق ولهفة ومش مشكلة لما تدعكيله رجليه وكل جسمه
9- اعلمى ان زوجك يحتاج الى زوجة وحبيبة وعشيقة وصديقة وام واخت لكن المراة الذكية التى تعرف كيف ومتى تستخدم اى شخصية منهم اى لا تكونى زوجة فقط
10-لما تحبى تقوليله مشكلة مثلا مشكلة للاولاد او اى شىء ممكن يعكر مزاجة قوليها فى وقت مناسب يعنى مش وهو بيتغدى او فى وقت استمتاعكم ببعضكم يعنى مش بالليل لانه ممكن يقلق وما يجيلوش نوم ممكن تقوليها فى وقت اخر النهار او بعد تناوله الغداء وتقوليها بصوت هادىء مثلا ( يا..... انا عايزة اقولك حاجة بس ماتتضايقش) وتحاولى تهونى من المشكلة عليه وقوليله انت قدها وتقدر تحلها يعنى حاولى تزيدى ثقته بنفسه وتمدحيه دائما امامه وامام اهله واهلك
11-ممكن وهو فى الشغل اتصلى بيه وسمعيه جزء من اغنيه رومانسيه بس طبعا مش وهو مشغول وطبعا مش كل يوم يعنى كل فترة
12- ممكن وانتى بتصحيه الصبح صحيه على انغام الموسيقى وبيدك وردة حمراء امسحى بيها على وجهه
13-كمان من كل فترة جهزى له حمام بماء دافىء وفيه بعض الورود وعطرى الحمام فذلك يبعث فيه النشوة والاسترخاء خصوصا بعد يوم عمل شاق كمان ممكن تستحمى معه فالرسول صلى الله عليه وسلم كان يستحم مع السيدة عائشة رضى الله عنها وعنا
14- اجعلى يوم لك وله تحتفلون به كل عام مثلا يوم لقااكما اول مرة يعنى يوم مختلف عن باقى المناسبات اخترعيه انتى ولا تقولى انه بدعة فكل شىء يزيد من رابط الحب بين الزوجين مباح حتى الاغانى بينكم ليست حرام لانها تزيد من حبكما والموسيقى التى لها الاثر الفعال فى قلبكما
5- اجعلى لكما مكان واحد تخرجان اليه مثلا مكان معين على الكورنيش او مكان او طربيزة معينة فى مطعم واجعلى اغنية واحدة تكون هى الاغنيه التى تحبونها عشان لما تكونى بعيدة عنه يسمع او يروح للمكان بتاعكم ويتذكرك دائما
16- اهتمى بملابسه دائما واى حاجة تكون مش نظيفة اغسليها علطول يعنى لا تعطى له الفرصة اللى يبحث فيها عن حاجة معينة من ملابسه وتكون دائما معطرة ومكويه
17- اقراى دائما فى الكتب التى توضح حقوق الزوج وممكن تعملى نفسك نسيتى الكتاب وخليه يشوفه عشان يعرف انك مهتميه بيه وبحقوقه
18-لو زعلك فى حاجة لا تقولى له فى وقتها وانتظرى بالليل وادلعى عليه واعملى انك زعلانة طبعا هيقولك مالك ساعتها قوليله بدلع طبعا مش بخناق وهتشوفى النتيجة
19- لو زعلك بحاجة كبير ة اوى لا تشتكى لامك او ابيكى ولكن قولى لامه او ابيه
20- لو زعلك فى حاجة لازم تقوليله فى يومها ولا تستنى ليوم تانى عشان ماتبقاش زى الاكل الحامض اوتقولى مثلا مش هقوله ده غلط لانك بتبقى فاكراها له وتعدى تعبى تعبى تعبى وده ليه اثر سيىء عليكى وعليه
21-لو تشاجرتم (لا قدر الله ) فاتركيه يتشاجر وحده واقعدى امامه وهو يتكلم ويتشاجر وضعى وجهك فى الارض بانكسار الى ان ينتهى واتركيه ليهدا وقومى باعداد كوب ليمون فريش واعطيها له بتمايل ودلع وبكلمات خفيفة ستجدى النار هدات واصبح كالطفل الصغير
2- لو حدث وما قدرتى تمسكى نفسك وتشاجرتى معه بالليل قومى بتحضير عشاء خفيف والبسى احلى ما عندك وتعطرى بالريح التى يحبها وفى ضوء الشموع اطلبى منه العفو والسماح حتى ولو كان هو اللى غلطان ففى بدئك بالكلام معه وطلبك للسماح سيشعر بالخجل من نفسه وهتزيدى من قدرك وشانك لديه
24- اذا حدث لا قدر الله وتعرض لازمة ماليه او احتاج اموال فبادرى باعطائه حليك وذهبك وصدقينى لن ينسى لك هذا الموقف وهيزيد حبه لك وتقديره ويحاول ان يعطيكى ويعوضك باحسن منها فلا قيمةللذهب وزوجك فى ورطة
25- اذا مرضت امه او ابيه قومى بخدمتهم حتى ولو كانت لها او له بنات فذلك يزيد من قدرك عند زوجك
26- اعلمى ان الزوج لا يحب تدخل زوجته فى عمله وايضا لا يحب من لا تعرف عن عمله شىء فالسؤال عن عمله بدون تدخل يكون افضل فاذا لم يريد ان يقول لك شىء عن مشاكله فى العمل فلا تصرى على معرفتها
27- كونى غيورة عليه واشعريه بذلك ولكن دون ان تزيد عن حدها حتى لا يشعر بالاختناق
28- لا تزيدى من جرعة الحنان والحب كل يوم وفى كل وقت حتى لا يمل يعنى ماتخليش كلمة ياحبيبى دايما على لسانك حتى لا يشعر انها كلمة عادية ولا يشعر بلذتها
9- تذكرى دايما يوم عيد ميلاده ولا تنسيه ولو حتى بكلمة حتى لو هو نسى يوم ميلادك
30- يوم عيد جوازك اجعلى من نفسك عروس من جديد
31- غيرى من عطرك وعطر المنزل حتى لا يمل

32- غيرى من طعامك وحاولى ان تزينى اطباقك بقدر الامكان

33- اهتمى بضيوفة دايما خصوصا اهلة وقولى امامه لاهله كلمات ثناء عليه وشكرى فيه دايما
34- لا تخرجى اسرار بيتك لاحد حتى لامك ولا تخرجى من المنزل الا باذنه فقد كانت امراة امرها زوجها الا تخرج حتى يعود من سفرة فجائها مرسال من والدها انه يريد ان يراها لانه يموت فرفضت ان تخرج حتى لرؤية ابيها فمات دون ان يراها فلما عاد زوجها وحكت له ما حدث ذهب للر سول صلى الله عليه وسلم فقال له الرسول ان اباها دخل الجنة بسبب صنيعها هذا
35- اجعلى زوجك امام اولاده ابا مثاليا وشكرى فيه دايما امامهم واجعليه قدوة لهم
36- حاولى كتابة ابيات شعر فيه واعطيها له حتى لو كنتى لاتعرفى فاكتبى بالعاميه ولو ماتعرفيش القافيه او السجع اكتبى ما تشعرى به فالكلام اللى يخرج من القلب يدخل القلب والشعر اللى انتى بتكتبيه بيكون احسن عنده من الشعر المحفوظ من الشعراء
7- لا تطاوعى نفسك عندما يناديكى للسرير يعنى مش كل لما يناديكى تروحى لانه مرة فى مرة حيفقد الشعور بالرغبة يعنى خليه مشتاق لك بس اليوم اللى قبل حدوث الدورة طاوعيه لانه هيكون محروم منك هذه الايام
38- اعلمى ان الشجار الخفيف كالملح فى الطعام لو زاد او قل هيفقد الطعام جماله
39- اعلمى ايضا ان الحب والغرام والغزل كالسكر فى الحلوى لو زادت او قلت تفقدى شهيتك لها
40- اعلمى ان الغيرة كالفلفل والشطة فى الطعام لو زادت او قلت مش هتحبى تاكليه
فى النهايه اقول لك زوجك جنتك ان رضى عنك فهى لكى وان لا قدر الله غضب عليكى فهى لغيرك وليست لكى حتى ولو كنتى متدينة جدا فطاعة الزوج من طاعة الرب اطيعيه فى غير معصية الرب وانتظرى الثواب من الله
اتمنى ان يحوز اعجابكن ولا اريد منكن سوى الدعاء لى بالزوج الصالح والذرية الصالحة ونعيم الجنة لى ولاهلى ولكل من تحوط بهم شفقة قلبى
ارجو عدم البخل بالدعاء
حبيبتكم فى الله