لوسمحتوا ابغى افكار لوضع المهروالعطورعاجل

اختي روحي محلات الحلويات او محلات الزهور ولا حتى الهدايا هاذي شغلتهم واكيد عندهم افكار وان شاء الفراشات يفيدونك..
وبالتوفيق

مرحبا ،،
الف الف مبروك لخطبة اخوك ،، الله يسعده ويتمم عليه
والفرحه الكبيرة بيوم زواجه ان شاءالله ..
**********************
اقدر افيدج بشي انا شفته ،،
علبة ( صندوق ) من خشب فخمة الى ابعد حد تتصورينه ،،
مقسمة من داخل الى 3 اقسام ،،
الاقسام 1 و 3 ( الاطراف ) يوضع فيها المهر
اما القسم 2 ( الاوسط ) يوضع فيه العطور والعود ...
وتقدرين تغيرين بالاماكن ،،
واللي ابي اضيفة ،، ان المهر يتزين بحيث تربطينه بشرايط او خيوط غريبة الشكل
بحيث تتناسب مع الصندوق والديكور الداخلي له ..
***************
الشي الثاني ،، ( هذي الصناديق اللي شفتها كانت من خيزران ) ،،
ان المهر ينحط بعلبة مفتوحه ( بدون غطاء ) بحجمه ويتزين بشرايط او خيوط على حسب رغبتكم
وهذي العلبة تنحط بعلبة اكبر منها ويكون بوسط العلبة الكبيرة
وداير مدار علبة المهر ،، تحطين العود والعطور بشكل مرتب ..
**************
مع كل هذا لا تنسين ان ديكور العلبة والتزين يعطيها شكل افخم واحلى ،،
انتي اعطي الفكرة لمحل الهدايا والباقي علية ..
اتمنى افدتك ولو بقدر قليل ..

صندوق مهر عروسة أخوي كان من الخشب مبطن بشاموا بيج ومكتوب على الغطاء من الداخل الآية القرآنية(ومن آياته ان خلق لكم من انفسكم ازواجا لتسكنوا اليها )وتحتها اسم العروسين.
وفرشنا الصندوق ورد بعدين حطينا الفلوس وفوقها العود...........................بس كام منظره روعة.

والله اول مره اعرف ان المهر ينحط في علب !!!!!!!!!!! بصراحه حركه كوول

سلام
انا حبيت اساعدك باللي شفته
انا مهري جابوه لي في صندوق لونه سماوي وفيه داخل قطعه قماش حرير ومعاها قطع صغيرة من النجوم اللماعه والصندوق مغلف بشريطة سماويه شفافه
وفيه صندوق ثاني نفس الكبير كان فيه النجوم اللي قلت لك عليها مع مجموعه عطور ومعاه شرايط ورق بلون سماوي وكحلي وكان فيه حلويات مغلفه بقطعه خيش لونها سماوي
وباقي الهدايا كانت حركه غريبه بس حلوة
اذا تعرفين الطاولة الصغيرة اللي يقدمون فيها القهوة الحلى اللي تكون عباره عن طبقتين وفيها عجلات تحت
الطبقه اللي فوق كان فيها شبكتي والدبل ومزينة بالورد الطبيعي بشكل كثيف ومع الورد كرستالات صغار
والطبقه اللي تحت حطو لي فيها معطرات من زهور الريف وطقمين ملابس وعبايه ومجموعه هدايا بس كانت حلوة مرة حركتها
هذي فكرة
الفكرة الثانية
لصديقتي مهرها جابوه لها على خداديه مشكوكه الكشميريه اذا عرفتيها مربوطه بشريطه شفافه مغلفه بقطعه بتول وعلى فكرة كان اللون كله اصفر
ومعاه صندوقين لونهم اصفر بعد وفيه هدايا
اتمنى قدرت افيدك

اشكر الجميع على الرد ،،، والحمد لله انكم وقفتوا معاي وبصرراحة استفدت من افكاركم
الرائعة،،،،
شكرا ل ،، همسة وله ، عذب الجوري، مربية اجيال ، نون، اخر قصيدة

طريقة جميلةةةةةةةةةة
احنا مابناخدش مهر اصلا يعنى كتبسيط لل امور موش اكتر
بس انا هقول لبابا ماليشدعوة عاوزة مهر ههه علشان الطريقة الجميلة دى

مبروك اختي انا مصريه وعندنا عادة المهور هي طبعا مب بكثره بس للحين موجوده بالعيله عندنا
هقولج طريقه حلوه
تجيبي صنيه من الفضه الكبيره والمطعمه بالذهبي وتدهنيها بنوع من انواع البخور الفخم
وترصي المهر بطريقه دائريه وتتركي الوسط فاضي والاطراف
وبالوسط تضعين انواع العطور وبالطرف تضعين شيكولا مزينه او ورود جافه ذات رائحه حلوه
وتلفين الفلوس بشرائط لونها فاضي او ذهبي وتغلفي الصينيه بالسلفان المنقوش
او الشيفون بالوان زاهيه وانصحج بالابيض
والف مبروك

صندوق اختي كان فضه وكبير مره واجهته قزاز ومزين برود كأنها طبيعيه
فيها ارفف قزاز من الداخل ومثبت كل شي فيها البخور بعلبه ومغلفينه وطالع البخور من العلبه طبعا مثبتينه بصمغ والعطور بعد مثبته دال الصندوق وحاطين مصحف روعه فضي صراحه كانت الفكره مره روعه
داخل الصندوق الكبير علبه المهر طبعا نفس الصندوق الكبير ومزينه بنفس الورد لكن بشكل اصغر .............بالتوفيق لخوك