لو يموت الشوق بقلوب البشر للكاتبه اميره بكلمتي

1. الشخصيات علشان ماتنسون


2. الشخصيات الرئيسيه ولها اثر في القصه


3. والشخصيات الثانيه بتعرفونها في القصه


4. وقبل لا تسكر:بنات الى البركه


5. فيصل: والله خبله هالبنت


6. شوق:بصراحه بنروح نفطر في كودو الصبح


7. العمه(بابتسامه):وعمتكم معاكم رايحه

هلا بنات شفت هذي القصه وحبيت انقلها لكم
واتمنى منكم التفاعل والردود
واتمنى تعجبكم

الشخصيات علشان ماتنسون

الشخصيات الرئيسيه ولها اثر في القصه

خالد: شاب عمر27سنه يدرس في امريكا علم نفس جماله جمال البدو عيونه وساع سودة وحاده مع حواجب مرسومه طويل كثير لدرجه ان الانسان العادي يوصل لصدره وعريض مره شعره اسود كثيف ولونه حنطي وحنون مره على اخواته وحبوب عند الكل
شوق:بنت من احلى البنات اللي يمرون عليك في حياتك بيضا وجسمها حلو عيونها عسليه فاتحه وشعرها بني غامق يوصل لنص ضهرها مسويته شلال وناعم مره لدرجه ماتقدر تسوي به أي وفهما صغير ومليان باختصار ملكة جمال قليل فيها وفيها شوي رجاجه بس ماتحلى القعده الا ابها وهي في ثالث ثانوي ادبي
راكان: اخو شوق الوحيد جميل مره طول بعرض رجال والكل يعتمد عليه وعطوف كثير مع اخته شوق يدرس في جامعة الملك فيصل قسم هندسه سنه رابع كليه
فيصل: ولد عم شوق مملوح واذا طالعته من بعيد تحسب انه راكان في تشابه بسيط بس طبعا راكان احلى بمليون مره ,هادي يدرس مع راكان في نفس الجامعة والتخصص سنه رابع كليه

والشخصيات الثانيه بتعرفونها في القصه

قبل لا نبدى بالقصه احب اعرفكم ان هاذي عايله لها وزنها في المجتمع الكل يعرفها معروفه بانها توصل بعضها...... عندها ان البنت عادي تكلم ولد عمها ...لانها تعتبر ه مثل اخوها ....وعادي يوديها ويجيبها بس طبعا في الضروره ....... على كثر ماهي هالعايله غنيه الانها معروفها بتواضعها وكرمها الزايد ولا يبين عليها الغنى كثير يعني صدق انهم هاي هاي بس مو شايفين عمرهم كثيير ومعتبرين نفسهم مثل الناس
القصه هذي كتبتها بيدي طول سنه كامله
ابتعدت كل البعد عن الحقد والحسد صرت اكتب بقلم الحب واعيش الحب وامثل الحب على واقع قصتي
بتحسوا انها احداث روتينيه ولييه
لان كل اللي فيها هادين يفكرون بمشاعرهم
الجزء الاول
رجعت من المدرسه كعادتها الساعه وحده وقامت تصارخ في البيت
شوق: يمه يم ه
ام راكان : هذاني في المطبخ
راحت لامها
شوق: هلا يمه شخبارك ؟؟
ام راكان : بخير شلونك انتي؟؟
شوق: الحمدلله يمه شسويتي غدا؟؟
ام راكان : ام لازم تعرفين؟؟؟
شوق: يالله امي عاد علميني اخاف زي ذاك اليوم طلع شي ماحبه
ام راكان: الا شي تموتين عليه
شوق: دجاج صيني؟؟؟
ام راكان: أي
شوق: وناسه أي صح الجمعه اليوم عند مين(داريه متعودينها كل يوم اربعاء)
ام راكان: بنروح مزرعة عمك سالم
شوق وهي تحاول تتذوق: يعني في سباحه؟؟
ام راكان : اكيد في
شوق حطت الملعقه: اجل بروح اجهز اغراضي
باي
دخلت المصعد علشان تروح الدور الثاني حطت اغراضها ولبست بجامتها الجديده اللي من لاسنزا وقامت تجهز في اغراضها تذكرت راكان وقالت ليه ماروح له شوي
طقت الباب ولا رد
دخلت
شوق: هلا راكان هيه رد
نزل راكان السماعات: خير اخت شوق
شوق: وش سويت في الامتحان اليوم
راكان: الدكتور اجله للاسبوع الجاي
شوق: طيب وش تسمع و مع مين تتكلم في الماسنجر
راكان : نسيناكم لراشد واكلم خالد ولد عمي
هنا دق قلب شوق بس ماتدري ليه: اوكي بجيب اللاب توب وبقعد معاك
طلعت من الغرفه وهو يناديها بس ماعطته وجه
راحت وجابت اللاب توب وفتحت الماسنجر بس مالقت احد وفتحت المنتدى اللي هي دايم فيه
راكان: ههه
شوق: الحمدلله والشكر
شفيك؟؟؟
راكان: خالد ارسل لي نكت خبال
شوق: طيب ضحكني معك
راكان :فتحي البلوتوث
قبل لا تقرى النكت ادخلو هيا ونوره اخوات خالد
شوق : هلا نوره بالموت دخلتو
نوره: بس علشان خالد من زمان ماسولفنا معه اقول نشوفك الليله
شوق: لا سووا لي دعوه حتى راكان يسولف معه الحين
بالموت رضى راكان بس بعدين اقتنع
سووا دعوه دخل فيها خالد وشوق وراكان وهيا ونوره وبدواا في السوالف
شوق: ماتحسون ان لكل وحده فينا محرم
خالد: أي صح بس انا بعيد عنكم
نوره: البعيد عن العين بعيد عن القلب
شوق: مين اللي قال اصلا خالد في قلوبنا كلنا
تحسفت انها ارسلت هالكلام
راكان:وش قصدك
شوق : ولا شي
هيا: اقول شكل فيكم خنقه بس مالي خلق
خالد: يابنات عدلوا الشيله
نوره: حرام عليك
شوق:ههه
ومع السوالف نسوا عمرهم
..........................................
في بيت العم سالم
ام فيصل:يللا ياعيال تغدوا بسرعه علشان نروح نجهز المزرعه
ابو محمد: مالا داعي وش فايدة المزارعين اللي فيها
ناصر: حركات ابوي مايبي يتعب امي
محمد: ليتك تسكت اقول يبه متى بيجون؟؟؟
ابو محمد: المغرب
فيصل: اجل يمديني اناام شوي
ناصر: والله انك خبل الحين انا بجهز وش بقول لشوق وشلتها وانت بتنام؟؟
محمد: يقطع ام البزاره رجال وش كبرك بدى وتبي تتهاوش
ناصر: والله ماتحلى الطلعه الا بشوق وهواشها واخاف على اللي ماكفخوا عيال الحاره قبل لا يتزوجون
محمد: اسكت بلا فضايح
دخلت عليهم مرت محمد اسمها ندى له ثلاث شهور من تزوجت محمد
وطبعا كانت متغطيه علشان الشباب
محمد: هلا وغلا بام ولدي
فيصل: وش دراك انها حامل مالكم الا ثلاث شهور
محمد:قلبي يقول
ندى: يللا تفضلوا على الغدى
الكل قام وقبل لايروح محمد مسكته:تراك فشلتني قدام اهلك صح وش دراك اني حامل
محمد: قلبي يقول
ندى:اوف والله انكم ماتنعطون وجه يالرجال
محمد(بنضره استعطاف) احنا ماننعطى وجه
هي ماستحملت ابتسامته:اه الا لكم كل شي بهالدنيا
وراحوا تغدوا
عايله العم بوسالم
فيصل وسبق ان عرفنا فيه
ناصر في العسكريه بجده وماراح يتم ذكره بالقصه كثير
دايم يتهاوش مع شوق وماعنده شغل اذا رجع الشرقيه الا هي
محمد: عمره 28ولد العم سالم الكبير اجمل اخوانه يعتبر حتى عن فيصل رومانسي وحساس يحب زوجته(بنت خالته)بجنون
......................................
الساعه 8
بوراكان: تأخرنا ياعيال بسرعه
شوق:لحضه(وهي محتاسه)يمه وين واقي الشمس
راكان:ترانا ليل
شوق:ادري يمه وينه حطيته هنا الصباح
راكان : شوق شتبين فيه
شوق: اتكشخ فيه يالذكي
راكان:ههه ليه نضاره هو
شوق: يو صح وين النضاره
بوراكان: ترى بمشي ان ما لبستي عباتك
شوق: خلاص خلاص هذاني جايه
طلعت العايله بتروح مزرعة العم سالم
طبعا بما ان شوق رئيسة الشله الكل كان في استقبالها
سلمت على عماتها منى ومها وعلى حريم عمامها ام خالد وام فيصل
هنا لازم اعرف بالكل
بسم الله
اولا العمه منى:اكبر العمات عندها بنت اسمها غصون في الرياض ساكنه مع زوجها وعيالها عمرها 32 سنه
بعدين مات زوج العمه منى وتزوجت بو منصور بعد خمس سنوات من وفاة زوجها وهو اللي ربى غصون واعتنى فيها وجابت منه:
منصور: متخرج له سنه من الجامعه ويشتغل في شركة العايله مع ابوه عمره24سنه
ودانه في ثاني ثانوي
ثانيا: العمه مها عمرها 39اكبر عيالها منيره في ثالث كليه عيونها ناعسه وحلوه وشعرها يوصل لنهايه ضهرها اسود سواد الليل وهي بيضا وطولها عادي وكانت ايه في الجمال
ونواف في ثاني كليه اذا شفته ودك تذبحه من حركاته بس بعض الاحيان يطلع حبوب وش حليله
ونجود في ثاني ثانوي صديقة دانه روح بالروح ومعاها في المدرسه
واصغر ولد عبد العزيز في رابع ابتدائي
ثالثا العم خالد
وعياله
خالد وسبق تكلمنا عنه
وهيا في ثالث كليه ودايم مع منيره
ونوره: في ثاني ثانوي رجه ودجه الكل يستانس عليها وحلوه
وهي كربون خالد بس خالد طبيعي بيكون احلى
وليد: في ثالث ابتدائي وهادي
وباختصار بنات واولاد العايله كلهم حلوين بس على مستويات
والعم سالم(بو محمد)تكلمنا عنه
اجتمعوا البنات في جهه والحريم في جهه وسوالف وهذره وشوق مسويه نفسها مؤدبه شوق :بنات بصراحه ابي اسبح الحين زهقت من سوالفكم البايخه
هيا: شوفي انتي الاولاد متى يخلصون علشان نسبح بعدهم
شوق: لو يتقطعون احنا بنسبح قبل
خذت شوق جوالها ودقت على اخوها راكان اللي كان جالس مع عيال عمه
وسوالف واخذ و عطا والشياب بلحالهم يتكلمون عن الشركه ومشاكلها
دق جوال راكان االكل سكت
راكان: اله شفيكم والله لو كندليزا رايس دقت ماسكتوا هذي شوق اختي
ناصر:وناسه قلها متى نتهاوش
راكان:اقول انشعموا (اسكتوا) كلكم بحط سبيكر بس ان احد تكلم ياويلكم
راكان:الو
شوق:هلا ماصارت وينك عن الجوال تعبت وانا ادق
راكان :يالشلاخه هذي اول دقه وثانيا مشغول مع الشباب
شوق :يعني مين غير عيال عمك المحترمين
ناصر:شوق متى بنتهاوش؟؟
شوق:اولا ياراكان سكر السبيكر صوت المرأه عوره<<<<ماشا الله عليك ياشوق الصوت عوره ها؟؟ ماكنه يطلع مع المؤذن من قوته
ثانيا انا ماتخانق مع بزران وقليلين عقل(اذا خاطبك الجاهلون قالو سلاما)
ثالثا انتوا متى بتسبحون علشان احنا نشوف متى نسبح
ناصر وهي تتكلم يحط يده على راسه مو مصدق شفيها معصبه
راكان:احسن تستاهل
المهم لحضه شوق
سأل الشباب و قالوا خلوا البنات يسبحون بعدين حنا
راكان: خلاص سبحوا انتوا
شوق: مع السلامه

وقبل لا تسكر:بنات الى البركه

فيصل: والله خبله هالبنت

جا دور الاولاد وبالموت طلعوا البنات طبعا احتلوا كل اماكن تبديل الملابس وطاحت فيها شوق المسكينه فاضطرت انها تطلع من البركه وتروح الحمامات الخارجيه وهي طالعه بملابس السباحه اللي عباره عن بنطلون اسود لتحت الركبه ستريج وبلوزه كت فتحة الجيب مثلثه
دق جوالها
شوق:هلا والله
ساره(صديقتها(هلا شوقي شخبارك
شوق:بخير شخبارك انتي
ساره:الحمدلله بخير ها مارديتي علي تجين بكره
شوق:والله مدري الى الحين مو متاكده بس اشوف واحتمال لا
ساره:عاد
شوق:لا ثمود
ساره :ههه يللا حاولي
شوق:انشالله احاول بس 50 بالميه لا
ساره:المهم
شوق:انشالله
سكرت شوق من ساره ولا انتبهت للي كان يطالعها فيصل كان بيدخل البركه وشاف بنت لابسه ملابس سباحه وشايله شنطتها على كتفها وشعرها بدى يجف ويطير مع الهوا البارد نسبيا
عرف انها شوق من طريقة كلامها
شوق خذت عقل فيصل وملكته هو يعرف انها جميله وان الكل يتكلم عنها بس ماتوقع انها تكون بهالزين هذا وهي مبهدله اجل لوكانت متزينه
انتبه على عمره ودخل البركه
دخلو البركه وبدت الساعة صدر بس فيصل كان في عالم ثاني
فيصل: شباب بطلع
راكان: مالنا نص ساعه وين بتروح
منصور وهو يرش فيصل بالماي:يلاا بلا بقاره اجلس ياخي وش تفكر فيه من دخلنا البركه وانت سرحاان
فيصل:اوف خلاص بجلس بس وسعوا الصدر
الا يجي بو منصور:ياعيال العشا
طلعوا العيال من البركه وراحوا تعشوا ونفس الشي البنات مع الحريم
الكل تعشى وراحوا البنات عند الالعاب يبون يرجعون ايام الطفوله واللي ركبت الزحليقه واللي راحت الدريفه وحالتهم حاله
والامهات رجعوا لسوالفهم
ام فيصل: الا ام راكان ذيك المره لما جينا عندكم حطيتي لنا بسبوسه وش طريقتها
ام راكان: عطيتك اياها ذاك اليوم نسيتي؟؟
ام فيصل: ضاعت علي عطيني اياها
ام راكان : اذا رجعت البيت دقيت عليك
العمه منى: ماشالله ام راكان طبخها حلو
ام راكان: تسلم ايدك الا ماسمعتوا بخطبة ساره بنت ام سعود
ام خالد: مين اللي قال انها انخطبت توني اليوم شايفه امها الصبح
العمه مها:اجل مطلعين اشاعه يمكن
ام راكان:يمكن
هذا نموذج من سوالف الامهات
.......................................
في امريكا كان خالد في شقة صديقه الكويتي فواز ومعاهم احمد السعودي و سعيد الاماراتي وسيف العماني وداقينها سوالف وهذره مجمعين من كل الجنسيات
فواز:اقول شباب بترجعون في اجازة الكرسميس
خالد:والله ماتوقع برجع مره وحده كل اللي باقي لي ست شهور عاقت علي لي سنتين ماشفت اهلي
احمد: حتى انا يمكن اجلس وبرجع مره وحد
سيف:والله ودي ارجع بنت عمي تترياني وتبيني اتزوجها
سعيد: يدعيك قلبك ما تعزم رفيجك سعيد
سيف:والله لو ترجعون عزمتكم
خالد: شخبارها
سيف: اه بموت عليها تكفون لا تييبون طاريها
خالد:الله شدعوه
احمد: لانك ماجربت طعم الحب وحلاوته
خالد:انا اجرب لا انشالله
احمد: نشووف ياخالد الا فواز انت بترجع
فواز:ودي ارجع بس احاتي شلون بفارق جونيا
خالد:قلنا لك من البدايه اترك عنك هالاشياء لان مصيرك بترجع بلدك
فواز: صراحه انت الوحيد اللي مستغرب منه شلون تروح غربه وتحتك ببنات ولا تصادق وحد وماقلنا لك حبها
خالد:انا اصيل وماعندي هالخرابيط
فواز: شقصدك انا مب اصيل
خالد:اي مب اصيل لو انك اصيل تركت عنك هالخرابيط
وبدى الهواش بينهم بس كالعاده مايطلعون الا متسامحين
طلع خالد مع احمد وراحوا شقتهم علشان بينامون
اما سيف جلس مع سعيد و فواز في سوالفهم وهواشهم المتكرر
رجعت العوايل كلها من المزرعه وناموا الا شوق جاها النوم في المزرعه ونامت في احدى الغرف لما رجعوا نامت لها ساعتين وقامت اول ماقامت فتحت النت ودخلت الماسنجر شافت عندها اضافه ومتصل بعد فتحت حوار محادثه
شوق: مين
: اسف خذت ايميلك امس
شوق:مين ترى مو فاضيه لك ولا امثالك
: انا خالد
شوق(فكت عيونها على الاخير):شلون خذت ايميلي؟؟؟
خالد: امس عادي؟؟ من الدعوه
شوق: أي بس خايفه من راكان
خالد: قلت له
شوق: اوكي
خالد:وش سويتوا اليوم في المزرعه؟؟
شوق:ههه والله وناسه
خالد:الله شكلك مستانسه وش سويتوا بالضبط
شوق:لعبنا زحليقه ودريفه ورجعنا ايام الطفوله والله وناسه
خالد:ههه والله انكم خبلان
شوق:يو اقول بطلع الحين
خالد: شفيك
شوق:ولا شي بس ودي اروح احل واجباتي علشان افتك والنت لاحقه عليه
خالد:صح انتي في أي صف
شوق:احم احم ثالث ثانوي
خالد:ياحليك والله كبرتي
شوق: اجل انتضرك لين تجي وتاشر لي
خالد:ههه والله انا اللي زهقت من هالجامعه بس يالله فتره وانا عندكم
شوق: حرام عيك سنتين ماجيت والله فقدناك
خالد:اله انتي تفقديني
شوق: وليه انت مو ولد عمي اكيد كلنا فقدناك ولا لاني راعية سوالف وهذره تحسبون اني ماعندي مشاعر لعلمك انا رومانسيه لابعد الحدود
خالد:اله اله شوي شوي علي ماقلنا شي يالغاليه بما انك رومانسيه اجل تصلحين لي
شوق (تتغابى)شلون اصلح لك
خالد:ههه ولاشي
خالد:اجل شوق راوحي ذاكري بدي نام
شوق:مالت عليك حتى انا بروح انام قود باي
طلعت شوي الاتدخل مره ثانيه لان في سؤال شاغل بالها من زمان
دخلت وهو اللي فتح اطار المحادثه
خالد:سلامات شفيك دخلتي مره ثانيه
شوق:في سؤال شاغل بالي بس لا تعصب علي
خالد:قولي عادي
شوق:كثير من اللي يسافرون علشان الدراسه يحتكون ببنات في الدراسه بعدين يصيرون صديقاتهم يطلعون معهم ويجون معهم انت صار لك هالشي
خالد:ههه تشكين في اصل ولد عمك لا ياحبيبتي انا ماعندي هالحركات وتوني متهاوش مع واحد من الربع علشان هالسالفه
شوق:خلاص اجل مع السلامه
خالد:ليه تسألين؟؟
شوق:لانك ولد عمي وتهمني
خالد:مشكوره
شوق:بدي نام مع السلامه
خالد:الاخت انقلبت لبنانيه خ اوكي باي
سكرت شوق النت وراحت لسريرها وهي تفكر في خالد
تكلم نفسه<<<<<<<<مادري ياخالد انا حاسه انك بتأثر في حياتي
وتنرسم لها صورة خالد
مشفر......................... .
بعدها قامت وفكت دروسها علشان تذاكر
.....................................
بعد ثلاث شهور من هالكلام
في الفتره الماضيه كان فيصل كلا يفكر بشوق اللي خذت عقله بجمالها وانوثتها وحلاتها وبدى يحبها مايدري ليه وبدى يفكر فيها بشكل جدي
وفي هاالفتره اللي راحت زادت علاقة شوق مع خالد لان حتى هو يسولف معاها
عند الشباب كانوا جالسين في الديوانيه منصور وراكان وباقي ربعهم اللي في الجامعه
كان منصور جالس مع راكان والشباب الثانين يلعبون ورق
منصور:شرايك نقولهم نلعب كوره
راكان:بتجي المباره الحين
منصور:يو صح مع مين
راكان:مع الشباب ....... والله اني خايف نخسر قم نروح نشوفها برى
منصور:ليه نجلس مع الشباب
راكان:صراحه ازعاج ماتقدر تسمع منهم يا نروح بيتكم يا تجي بيتنا
منصور:يللا اجل قم
وطلعوا من الديوانيه
في نفس هالوقت كانت شوق بيت العمه منى مع دانه طبعا البيت مافيه لا تلفزيونين وواحدى خربان والثاني البنات جالسين ينتضرون المباراه
منصور:دانه دانه اطلعوا بنطالع المباره انا و راكان
شوق:اقول عندكم بيتنا روحوا طالعوا فيه .... وترى مافيه لا انا ودانه
منصور:عمى .....ردت اللي ماتعرف ترد
دانه:خلاص انتوا جلسوا ورى وحنا بنجلس قدام
منصور:قصدك العكس
شوق:لا لا لا احنا قدام نبي نطالع عدل
منصور:يلا عاد بلا حركات بزران معاي راكان شلون انتوا قدام
شوق:بنتغطى ......... تدري تنازلت احنا ورى وانتوا قدام
منصور:مالت لاتتنازلين
وينادي :::::: راكان تعال تنازلو الاخوات
دخلوا راكان ومنصور وطالعوا المباره اللي كانت كلها حماس وصراخ من الاولاد ومن البنات وفي الخير طبعا فاز الهلال(عشقي الهلال)
بعد ماخلصت المباره
منصور:لو جالسن مع الشباب يمكن اقل صراخ
راكان:خ أي والله
منصور: طيب بمناسبة فوز الهلال قومو نطلع
راكان:والله مالي خلق طلعة بنات
منصور:ياشيخ بس علشان فوز الهلال
راكان:اوكي
التفتوا ورى ماشافوا البنات عرفوا انهم راحوا السياره وبالفعل طلعو اشافوا البنات عند الباب ينتضرون
راكان:عمى صواريخ
راحوا تمشوا شوي في الخبر ولفوا شوي على الدمام ونزلوا الكورنيش شوي والسوالف قايمه
وبعدين راوحوا مطعم كوبر شندني الهندي وتعشوا
الا يدق خالد
ويدق معه قلب شوق
خالد:الو هلا
راكان:هلا شكلك مهستر
خالد:لا والله بس فرحان أي مبروك فوز الهللال
راكان:يقطع شرك شللون شفتها
خالد:قلبت ام الدش لين طلعت القناه الرياضيه شرايك فيني؟؟؟؟
راكان:ههه والله انك خبل
خالد:خالد اذا بغى الشي مايقول مستحيل
راكان:يحليك ياولد العم المهم شخبارك وشخبار الدراسه معك
خالد:يحليلي باقي لي ثلاث شهور وانا راص عليكم في دنيتكم
راكان:شدعوه
خالد:اقول:شرايك تسكر ولا اسكر في وجهك رصيدي بيخلص وتراني مفلس
راكان:عسى ماشر احول في حسابك
خالد:لاكفخك افهمها ياخي مابيك ومب فااضي لك
راكان:خ اوكي مع السلامه والله يعين اللي معااك على هسترتك
خالد:أي والله الله يعينهم لاني الحين بقلبهم
يللا اجل مع السلامه
راكان:مع السلامه
سكر راكان من خالد ورجعت دقاات قلب شوق للطبيعي
منصور:شفيه خالد
راكان:يبارك لي فوز الهلا ل مهستر وصاير خبل
منصور:والله اني مشتاق له
راكان:كلنا
المهم ما تلاحظ ماسمعنا صوت البنات ابد
التفتوا وراى شافو شوق سرحانه ودانه تسمع اجمل احساس حقت اليسا بالسماعات
الا يدق جوال دانه
طلعوا البنات متفقين على جمعه واللي مقررتها هيا بس مو في بيتهم في بيت العمه مها وبالموت رضو الاولاد يودونهم وعلى قولتهم :انتوا كلا طلعه ماشبعتوا واستنذلوا شوي بس في الاخير رضوا
اجتمعوا البنات بيت العمه وصايرين شله
هيا ونوره وشوق ومنيره ودانه داقين ام السوالف واللعب ولا كنهم بنات كبار
دانه:بنات شرايكم نرقص؟؟
منيره:ماعرف اهز الا مصري
:شوق:اموت انا على المصري فيفي عبده مقعده
منيره:بنات بسوي خطبه سمعوني
الكل جلس يطالعها
منيره:بما ان جمعتكم اليوم في بيتنا و بما ان الساعه 12 نامو بيتنا
الكل:ههه
منيره(باستغراب)
نوره:على بالنا خطبه دينيه الكل سكت صارت خطبه محفليه
منيره: مالت عليكم وعلى اللي يعزمكم و انا اللي ناويه نروح الصباح كودو نفطر
شوق:بعقلانيه:عادي بس عمتي ترضى نطلع مع السواق
منيره:هذا اذا ماراحت معنا
دخلت العمه عليهم:كاني سمعت عمتي
دانه:الطيب عند ذكره
قاموا البنات يسلمون على عمتهم اللي يحبونها من اعماق قلبهم
العمه:والله لو ادري جبت لكم سينبون تونا فيه
شوق:عادي أي عمه بنام بيتكم عادي
العمه(بهبال):لا طبعا مين اللي قال لكم تنامون بصراحه انا مارضى كل و(طالعت الساعه) يللا كل وحده تكلم ابوها يجي ياخذها
الكل استغرب من عمتهم لانها صايره جديه مره
هيا: من جدك؟؟
العمه:انا ادري عنكم(وتقلد صوت شوق)عادي..... حبايبي البيت بيتكم وصراحه بالعكس بجلس اسهر معكم مشتاقه لكم حيل

شوق:بصراحه بنروح نفطر في كودو الصبح

العمه(بابتسامه):وعمتكم معاكم رايحه

الكل كان يحب العمه مها لانها شبابيه كثير وراعية سوالف ووناسه ولا كنها عمرها 39 بالعكس صايره كنها بنت في العشرين من حيث لبسها وجمالها اللي ماينوصف وحلاة جسمها وحلاة كلامها وسلوبها اللي يجنن واصلا محد يصدق ان عندها بنت في ثالث جامعه طبعا بنتها وارثه جمالها من امها وابوها اللي كان على كبره الا انه مملوح
وطبعا جلسوا سوالف مع عمتهم اللي مايخبون عنها شي كل شي يقولون لها وهي عادي كل شي تقولهم وكانها وحده في عمرهم
في هذا الوقت .......
اثنين يفكرون بشوق....
فيصل الي بدى يحبها واصلا حاطها في باله من ثلاث شهورمايدري وش يسوي استخف على جمالها اللي ماينوصف
(شوق تعتبر اجمل بنت في العايله ....على كثر ماشوق انها رجه وسوالف وحركه الا انها حساسه ورومانسيه كثير ......شوق من الداخل بنت ومن الخارج بنت ثاانيه
من داخل........ بنت في منتهى الرومانسيه والعذوبه