لو يموت الشوق قصه رومنسيه روعه

1. الشخصيات علشان ماتنسون


2. الشخصيات الرئيسيه ولها اثر في القصه


3. والشخصيات الثانيه بتعرفونها في القصه


4. وقبل لا تسكر:بنات الى البركه


5. فيصل: والله خبله هالبنت

بسم ا لله ارحمن ارحيم
اليوم جايبه الكم قصة
لو يموت الشوق قصة روعه
ورومنسيه والقصه عندي كامله

الشخصيات علشان ماتنسون

الشخصيات الرئيسيه ولها اثر في القصه

خالد: شاب عمر27سنه يدرس في امريكا علم نفس جماله جمال البدو عيونه وساع سودة وحاده مع حواجب مرسومه طويل كثير لدرجه ان الانسان العادي يوصل لصدره وعريض مره شعره اسود كثيف ولونه حنطي وحنون مره على اخواته وحبوب عند الكل
شوق:بنت من احلى البنات اللي يمرون عليك في حياتك بيضا وجسمها حلو عيونها عسليه فاتحه وشعرها بني غامق يوصل لنص ضهرها مسويته شلال وناعم مره لدرجه ماتقدر تسوي به أي وفهما صغير ومليان باختصار ملكة جمال قليل فيها وفيها شوي رجاجه بس ماتحلى القعده الا ابها وهي في ثالث ثانوي ادبي
راكان: اخو شوق الوحيد جميل مره طول بعرض رجال والكل يعتمد عليه وعطوف كثير مع اخته شوق يدرس في جامعة الملك فيصل قسم هندسه سنه رابع كليه
فيصل: ولد عم شوق مملوح واذا طالعته من بعيد تحسب انه راكان في تشابه بسيط بس طبعا راكان احلى بمليون مره ,هادي يدرس مع راكان في نفس الجامعة والتخصص سنه رابع كليه

والشخصيات الثانيه بتعرفونها في القصه

قبل لا نبدى بالقصه احب اعرفكم ان هاذي عايله لها وزنها في المجتمع الكل يعرفها معروفه بانها توصل بعضها...... عندها ان البنت عادي تكلم ولد عمها ...لانها تعتبر ه مثل اخوها ....وعادي يوديها ويجيبها بس طبعا في الضروره ....... على كثر ماهي هالعايله غنيه الانها معروفها بتواضعها وكرمها الزايد ولا يبين عليها الغنى كثير يعني صدق انهم هاي هاي بس مو شايفين عمرهم كثيير ومعتبرين نفسهم مثل الناس
&^&^&^&^
ابتعدت كل البعد عن الحقد والحسد صرت اكتب بقلم الحب واعيش الحب وامثل الحب على واقع قصتي
بتحسوا انها احداث روتينيه ولييه
لان كل اللي فيها هادين يفكرون بمشاعرهم
الجزء الاول
رجعت من المدرسه كعادتها الساعه وحده وقامت تصارخ في البيت
شوق: يمه يم ه
ام راكان : هذاني في المطبخ
راحت لامها
شوق: هلا يمه شخبارك ؟؟
ام راكان : بخير شلونك انتي؟؟
شوق: الحمدلله يمه شسويتي غدا؟؟
ام راكان : ام لازم تعرفين؟؟؟
شوق: يالله امي عاد علميني اخاف زي ذاك اليوم طلع شي ماحبه
ام راكان: الا شي تموتين عليه
شوق: دجاج صيني؟؟؟
ام راكان: أي
شوق: وناسه أي صح الجمعه اليوم عند مين(داريه متعودينها كل يوم اربعاء)
ام راكان: بنروح مزرعة عمك سالم
شوق وهي تحاول تتذوق: يعني في سباحه؟؟
ام راكان : اكيد في
شوق حطت الملعقه: اجل بروح اجهز اغراضي
باي
دخلت المصعد علشان تروح الدور الثاني حطت اغراضها ولبست بجامتها الجديده اللي من لاسنزا وقامت تجهز في اغراضها تذكرت راكان وقالت ليه ماروح له شوي
طقت الباب ولا رد
دخلت
شوق: هلا راكان هيه رد
نزل راكان السماعات: خير اخت شوق
شوق: وش سويت في الامتحان اليوم
راكان: الدكتور اجله للاسبوع الجاي
شوق: طيب وش تسمع و مع مين تتكلم في الماسنجر
راكان : نسيناكم لراشد واكلم خالد ولد عمي
هنا دق قلب شوق بس ماتدري ليه: اوكي بجيب اللاب توب وبقعد معاك
طلعت من الغرفه وهو يناديها بس ماعطته وجه
راحت وجابت اللاب توب وفتحت الماسنجر بس مالقت احد وفتحت المنتدى اللي هي دايم فيه
راكان: ههه
شوق: الحمدلله والشكر
شفيك؟؟؟
راكان: خالد ارسل لي نكت خبال
شوق: طيب ضحكني معك
راكان :فتحي البلوتوث
قبل لا تقرى النكت ادخلو هيا ونوره اخوات خالد
شوق : هلا نوره بالموت دخلتو
نوره: بس علشان خالد من زمان ماسولفنا معه اقول نشوفك الليله
شوق: لا سووا لي دعوه حتى راكان يسولف معه الحين
بالموت رضى راكان بس بعدين اقتنع
سووا دعوه دخل فيها خالد وشوق وراكان وهيا ونوره وبدواا في السوالف
شوق: ماتحسون ان لكل وحده فينا محرم
خالد: أي صح بس انا بعيد عنكم
نوره: البعيد عن العين بعيد عن القلب
شوق: مين اللي قال اصلا خالد في قلوبنا كلنا
تحسفت انها ارسلت هالكلام
راكان:وش قصدك
شوق : ولا شي
هيا: اقول شكل فيكم خنقه بس مالي خلق
خالد: يابنات عدلوا الشيله
نوره: حرام عليك
شوق:ههه
ومع السوالف نسوا عمرهم
..........................................
في بيت العم سالم
ام فيصل:يللا ياعيال تغدوا بسرعه علشان نروح نجهز المزرعه
ابو محمد: مالا داعي وش فايدة المزارعين اللي فيها
ناصر: حركات ابوي مايبي يتعب امي
محمد: ليتك تسكت اقول يبه متى بيجون؟؟؟
ابو محمد: المغرب
فيصل: اجل يمديني اناام شوي
ناصر: والله انك خبل الحين انا بجهز وش بقول لشوق وشلتها وانت بتنام؟؟
محمد: يقطع ام البزاره رجال وش كبرك بدى وتبي تتهاوش
ناصر: والله ماتحلى الطلعه الا بشوق وهواشها واخاف على اللي ماكفخوا عيال الحاره قبل لا يتزوجون
محمد: اسكت بلا فضايح
دخلت عليهم مرت محمد اسمها ندى له ثلاث شهور من تزوجت محمد
وطبعا كانت متغطيه علشان الشباب
محمد: هلا وغلا بام ولدي
فيصل: وش دراك انها حامل مالكم الا ثلاث شهور
محمد:قلبي يقول
ندى: يللا تفضلوا على الغدى
الكل قام وقبل لايروح محمد مسكته:تراك فشلتني قدام اهلك صح وش دراك اني حامل
محمد: قلبي يقول
ندى:اوف والله انكم ماتنعطون وجه يالرجال
محمد(بنضره استعطاف) احنا ماننعطى وجه
هي ماستحملت ابتسامته:اه الا لكم كل شي بهالدنيا
وراحوا تغدوا
عايله العم بوسالم
عايله العم بوسالم
فيصل وسبق ان عرفنا فيه
ناصر في العسكريه بجده وماراح يتم ذكره بالقصه كثير
دايم يتهاوش مع شوق وماعنده شغل اذا رجع الشرقيه الا هي
محمد: عمره 28ولد العم سالم الكبير اجمل اخوانه يعتبر حتى عن فيصل رومانسي وحساس يحب زوجته(بنت خالته)بجنون
......................................
الساعه 8
بوراكان: تأخرنا ياعيال بسرعه
شوق:لحضه(وهي محتاسه)يمه وين واقي الشمس
راكان:ترانا ليل
شوق:ادري يمه وينه حطيته هنا الصباح
راكان : شوق شتبين فيه
شوق: اتكشخ فيه يالذكي
راكان:ههه ليه نضاره هو
شوق: يو صح وين النضاره
بوراكان: ترى بمشي ان ما لبستي عباتك
شوق: خلاص خلاص هذاني جايه
طلعت العايله بتروح مزرعة العم سالم
طبعا بما ان شوق رئيسة الشله الكل كان في استقبالها
سلمت على عماتها منى ومها وعلى حريم عمامها ام خالد وام فيصل
هنا لازم اعرف بالكل
بسم الله
اولا العمه منى:اكبر العمات عندها بنت اسمها غصون في الرياض ساكنه مع زوجها وعيالها عمرها 32 سنه
بعدين مات زوج العمه منى وتزوجت بو منصور بعد خمس سنوات من وفاة زوجها وهو اللي ربى غصون واعتنى فيها وجابت منه:
منصور: متخرج له سنه من الجامعه ويشتغل في شركة العايله مع ابوه عمره24سنه
ودانه في ثاني ثانوي
ثانيا: العمه مها عمرها 39اكبر عيالها منيره في ثالث كليه عيونها ناعسه وحلوه وشعرها يوصل لنهايه ضهرها اسود سواد الليل وهي بيضا وطولها عادي وكانت ايه في الجمال
ونواف في ثاني كليه اذا شفته ودك تذبحه من حركاته بس بعض الاحيان يطلع حبوب وش حليله
ونجود في ثاني ثانوي صديقة دانه روح بالروح ومعاها في المدرسه
واصغر ولد عبد العزيز في رابع ابتدائي
ثالثا العم خالد
وعياله
خالد وسبق تكلمنا عنه
وهيا في ثالث كليه ودايم مع منيره
ونوره: في ثاني ثانوي رجه ودجه الكل يستانس عليها وحلوه
وهي كربون خالد بس خالد طبيعي بيكون احلى
وليد: في ثالث ابتدائي وهادي
وباختصار بنات واولاد العايله كلهم حلوين بس على مستويات
والعم سالم(بو محمد)تكلمنا عنه
اجتمعوا البنات في جهه والحريم في جهه وسوالف وهذره وشوق مسويه نفسها مؤدبه شوق :بنات بصراحه ابي اسبح الحين زهقت من سوالفكم البايخه
هيا: شوفي انتي الاولاد متى يخلصون علشان نسبح بعدهم
شوق: لو يتقطعون احنا بنسبح قبل
خذت شوق جوالها ودقت على اخوها راكان اللي كان جالس مع عيال عمه
وسوالف واخذ و عطا والشياب بلحالهم يتكلمون عن الشركه ومشاكلها
دق جوال راكان االكل سكت
راكان: اله شفيكم والله لو كندليزا رايس دقت ماسكتوا هذي شوق اختي
ناصر:وناسه قلها متى نتهاوش
راكان:اقول انشعموا (اسكتوا) كلكم بحط سبيكر بس ان احد تكلم ياويلكم
راكان:الو
شوق:هلا ماصارت وينك عن الجوال تعبت وانا ادق
راكان :يالشلاخه هذي اول دقه وثانيا مشغول مع الشباب
شوق :يعني مين غير عيال عمك المحترمين
ناصر:شوق متى بنتهاوش؟؟
شوق:اولا ياراكان سكر السبيكر صوت المرأه عوره<<<<ماشا الله عليك ياشوق الصوت عوره ها؟؟ ماكنه يطلع مع المؤذن من قوته
ثانيا انا ماتخانق مع بزران وقليلين عقل(اذا خاطبك الجاهلون قالو سلاما)
ثالثا انتوا متى بتسبحون علشان احنا نشوف متى نسبح
ناصر وهي تتكلم يحط يده على راسه مو مصدق شفيها معصبه
راكان:احسن تستاهل
المهم لحضه شوق
سأل الشباب و قالوا خلوا البنات يسبحون بعدين حنا
راكان: خلاص سبحوا انتوا
شوق: مع السلامه

وقبل لا تسكر:بنات الى البركه

فيصل: والله خبله هالبنت

جا دور الاولاد وبالموت طلعوا البنات طبعا احتلوا كل اماكن تبديل الملابس وطاحت فيها شوق المسكينه فاضطرت انها تطلع من البركه وتروح الحمامات الخارجيه وهي طالعه بملابس السباحه اللي عباره عن بنطلون اسود لتحت الركبه ستريج وبلوزه كت فتحة الجيب مثلثه
دق جوالها
شوق:هلا والله
ساره(صديقتها(هلا شوقي شخبارك
شوق:بخير شخبارك انتي
ساره:الحمدلله بخير ها مارديتي علي تجين بكره
شوق:والله مدري الى الحين مو متاكده بس اشوف واحتمال لا
ساره:عاد
شوق:لا ثمود
ساره :ههه يللا حاولي
شوق:انشالله احاول بس 50 بالميه لا
ساره:المهم
شوق:انشالله
سكرت شوق من ساره ولا انتبهت للي كان يطالعها فيصل كان بيدخل البركه وشاف بنت لابسه ملابس سباحه وشايله شنطتها على كتفها وشعرها بدى يجف ويطير مع الهوا البارد نسبيا
عرف انها شوق من طريقة كلامها
شوق خذت عقل فيصل وملكته هو يعرف انها جميله وان الكل يتكلم عنها بس ماتوقع انها تكون بهالزين هذا وهي مبهدله اجل لوكانت متزينه
انتبه على عمره ودخل البركه
دخلو البركه وبدت الساعة صدر بس فيصل كان في عالم ثاني
فيصل: شباب بطلع
راكان: مالنا نص ساعه وين بتروح
منصور وهو يرش فيصل بالماي:يلاا بلا بقاره اجلس ياخي وش تفكر فيه من دخلنا البركه وانت سرحاان
فيصل:اوف خلاص بجلس بس وسعوا الصدر
الا يجي بو منصور:ياعيال العشا
طلعوا العيال من البركه وراحوا تعشوا ونفس الشي البنات مع الحريم
الكل تعشى وراحوا البنات عند الالعاب يبون يرجعون ايام الطفوله واللي ركبت الزحليقه واللي راحت الدريفه وحالتهم حاله
والامهات رجعوا لسوالفهم
ام فيصل: الا ام راكان ذيك المره لما جينا عندكم حطيتي لنا بسبوسه وش طريقتها
ام راكان: عطيتك اياها ذاك اليوم نسيتي؟؟
ام فيصل: ضاعت علي عطيني اياها
ام راكان : اذا رجعت البيت دقيت عليك
العمه منى: ماشالله ام راكان طبخها حلو
ام راكان: تسلم ايدك الا ماسمعتوا بخطبة ساره بنت ام سعود
ام خالد: مين اللي قال انها انخطبت توني اليوم شايفه امها الصبح
العمه مها:اجل مطلعين اشاعه يمكن
ام راكان:يمكن
هذا نموذج من سوالف الامهات
.......................................
في امريكا كان خالد في شقة صديقه الكويتي فواز ومعاهم احمد السعودي و سعيد الاماراتي وسيف العماني وداقينها سوالف وهذره مجمعين من كل الجنسيات
فواز:اقول شباب بترجعون في اجازة الكرسميس
خالد:والله ماتوقع برجع مره وحده كل اللي باقي لي ست شهور عاقت علي لي سنتين ماشفت اهلي
احمد: حتى انا يمكن اجلس وبرجع مره وحد
سيف:والله ودي ارجع بنت عمي تترياني وتبيني اتزوجها
سعيد: يدعيك قلبك ما تعزم رفيجك سعيد
سيف:والله لو ترجعون عزمتكم
خالد: شخبارها
سيف: اه بموت عليها تكفون لا تييبون طاريها
خالد:الله شدعوه
احمد: لانك ماجربت طعم الحب وحلاوته
خالد:انا اجرب لا انشالله
احمد: نشووف ياخالد الا فواز انت بترجع
فواز:ودي ارجع بس احاتي شلون بفارق جونيا
خالد:قلنا لك من البدايه اترك عنك هالاشياء لان مصيرك بترجع بلدك
فواز: صراحه انت الوحيد اللي مستغرب منه شلون تروح غربه وتحتك ببنات ولا تصادق وحد وماقلنا لك حبها
خالد:انا اصيل وماعندي هالخرابيط
فواز: شقصدك انا مب اصيل
خالد:اي مب اصيل لو انك اصيل تركت عنك هالخرابيط
وبدى الهواش بينهم بس كالعاده مايطلعون الا متسامحين
طلع خالد مع احمد وراحوا شقتهم علشان بينامون
اما سيف جلس مع سعيد و فواز في سوالفهم وهواشهم المتكرر
رجعت العوايل كلها من المزرعه وناموا الا شوق جاها النوم في المزرعه ونامت في احدى الغرف لما رجعوا نامت لها ساعتين وقامت اول ماقامت فتحت النت ودخلت الماسنجر شافت عندها اضافه ومتصل بعد فتحت حوار محادثه
شوق: مين
: اسف خذت ايميلك امس
شوق:مين ترى مو فاضيه لك ولا امثالك
: انا خالد
شوق(فكت عيونها على الاخير):شلون خذت ايميلي؟؟؟
خالد: امس عادي؟؟ من الدعوه
شوق: أي بس خايفه من راكان
خالد: قلت له
شوق: اوكي
خالد:وش سويتوا اليوم في المزرعه؟؟
شوق:ههه والله وناسه
خالد:الله شكلك مستانسه وش سويتوا بالضبط
شوق:لعبنا زحليقه ودريفه ورجعنا ايام الطفوله والله وناسه
خالد:ههه والله انكم خبلان
شوق:يو اقول بطلع الحين
خالد: شفيك
شوق:ولا شي بس ودي اروح احل واجباتي علشان افتك والنت لاحقه عليه
خالد:صح انتي في أي صف
شوق:احم احم ثالث ثانوي
خالد:ياحليك والله كبرتي
شوق: اجل انتضرك لين تجي وتاشر لي
خالد:ههه والله انا اللي زهقت من هالجامعه بس يالله فتره وانا عندكم
شوق: حرام عيك سنتين ماجيت والله فقدناك
خالد:اله انتي تفقديني
شوق: وليه انت مو ولد عمي اكيد كلنا فقدناك ولا لاني راعية سوالف وهذره تحسبون اني ماعندي مشاعر لعلمك انا رومانسيه لابعد الحدود
خالد:اله اله شوي شوي علي ماقلنا شي يالغاليه بما انك رومانسيه اجل تصلحين لي