ليازي مضايقة وتبى تفضفضلكم

1. السلام عليكم ورحمة الله وبركاته

السلام عليكم ورحمة الله وبركاته

انا قررت اكتبلكم بعد ماحسيت بيأس واحباط وانا عارفه ان محد راح يجبر بخاطري غيركم بالكلام اللي يطمن لان كلنا يف الهوى سوى وحاسين ببعض..صح انه مجرد كلام!!! بس يبرد الخاطر وانا اعتبره مسكن خفيف او تصبيره لان شعور حلو لما تحسون في حد جنبكم في الازمات......
طبعا بعضكم قروو موضوعي هذاا >>> خطبوني... ولكن...شاركوني - موقع و منتدى الفراشة النسائي
وانا اعتبرت الموضوع انتهى مع ان محد كلمنا من طرف العريس ونهاه ..اخويه واهل مرته نهو الموضوع باسباب انا ولا اهلي مقتنعين فيها...قالو الولد مش زين واخو مرت اخويه اللي قال لاخويه ان المعرس مش زين ... وشوية يقولون مرت اخو المعرس قايله ان المعرس مش زين مع ان هيا سبب خطبتي له وهيا اللي كان ادورله على عروس!!!!!!!!!!!!!!! واللي مش مقتنعه فيه .... ان الناس الغرب كلهم قالو عنه زين واللي طلعو فيه بلاوي الدنيا نسايبنا ووحده من اهله مثل ماقال اخويه مع اني مش مقتنعه بمرت اخو المعرس انها مكن تتكلم عن اخو زوجها بهالطريقة واهيا سبب خطبتي له ...واللي شككني بالموضوع من اسبوع في حرمه اتصلت لاهلي وقالت ان اهل المعرس متخبلين عليه ومو مصدقين اني بكون مرت ولدهم ومادحيني مدح على جمالي واخلاقي ....
انا حاسة ان في اسباب ثانيه لان كل شي كان ماشي تمام واخويه مقتنع في المعرس وكان موافق وفي يوم واحد بس اتغير كل شي وفي هاليوم اتعبى راس اخويه بكلام مش زين عن العريس والحقيقه مش عارفتنها ومنو سببها الاساسي ... بصراحة مش عارفة اصدق اخويه ولا لا مستقر على سبب واحد مبين ان في احد اقنعه بالرفض من غير مايدور على الحقيقه وهاللي زعلني اذا العريس فيه كذا وكذا طيب روح اتأكد!!! ليش ما رحت اتأكدت!!! على الاقل عشان خاطر اختك!!!
والله مكسور خاطري يابنات انا لين الحينه اصلي استخارة على امل ان في معجزة راح تصير بس للحين مافي شي مش عارفه هل هذا خير لي!!! ولا راح تصير اشياء جديده بالمستقبل!!!
تعرفون يا بنات انا اشتريت ملابس يديده قبل ماعرف انه راح يصير كل هذا التغير اشتريتها لما حسيت ان كل شي راح يصير تمام اشتريتها لما اهلي كانو يقولولي ياعروس ....اشتريتها عشان البسها قدام اهل خطيبي وخطيبي
الحين حسيت بالبنات اللي يجهزون لعرسهم وفجأة تتفركش الزواجه ومايتزوجون ...اكيد نفسيتهم توصل للحضيض الحمدلله ان موضوعي كان في البداية وماعشت الجو وايد...مع اني حسيت بحلاوته...واللي حاز بخاطري اني ماجفت العريس ههه ... يا فرحه ماتمت...
ادعولي بالصبر وان الله يعوضني باحسن منه ....او يصير تجديد في موضوع اللي خطبني لو كان فيه خير لي ,,,لان اهلي لين الحينه يقولون عندنا امل في الموضوع وراح تظهر الحقيقه,,, ويبعد عني العواذل يارب انا ابي الحلال اللي انت امرتنا فيه وهالمواضيع بايدك يارب العالمين فلا تحرمني يا كريم يا رحيم....
والله يا بنات اللي يجوفني يقول هذي عايشة حياتها انا انسانه مثل مايقولون حضاريه استايل يعني جميلة ومهتمه بشكلي وبلبسي بالاختصار احب الموضه واشتغل بمكان عام مختلط بالناس واحب الدراسة والثقافة واحب اكون متميزة في المجتمع ... بس عارفة حدودي...ودايما لما احد يجوفني ييسالوني اكيد انتي حد بحياتج او تحبين مستحيل تكون حياتج فاضيه وانا والله يا بنات لا ابي احب مع ان الحب شي جميل بس مدري حابة حياة الاستقرار حابة اكون ام حابة اعيش حياتي 100% نظيفة حابة اعيش الحب مع زوجي ,حابة اتزوج زواج تقليدي عادي ,, مدري شو يايني مع ان زمان ايام المراهقة كنت حابة مواضيع الحب ,طبعا الحب النظيف العذري ,, بس صراحه هالموضيع يبالها مجازفه ومغامره ,, وممكن اطلع منها انا الخسرانه وكله ولا كسرة النفس والسمعه.... والله هاللي بخاطري اتزوج زواجه تقليديه واحد الله يبعثه لي واكيد انا راح اكون متيقنه ان هذا اللي راح يعوضني عن الحرمان اللي عيشته نفسي قبل الزواج يارب لاتخليها بخاطري والله يا بنات كثيرين يبون القرب مني بس انا عارفه نواياهم يبون يلعبون وبس عشان جي اصدهم لان عارفه اللي يبى وحده على سنة الله ورسوله راح يوصل للبيت اوحتى رح يكلمها ويقوللها انا اباج على سنه الله ورسوله مش يقوللها انا معجب وانا معرف شو يصير فيني لما اجوفج انا عارفه ان كله خربطان واللي يقوللكم شرات هالكلام اعرفوه جذاب ويبى يلعب...
. اللهم استعففت فاغنني من فضلك يارب العالمين اللهم ا كفنا بحلالك عن حرامك واغننا بفضلك عمن سواك
اللهم ارزق بنات المسلمين ازواج صالحين وارزق شباب المسلمين زوجات صالحات
حسبي الله لا اله الا هو عليه توكلت وهو رب العرش العظيم