ليلة رونسيه حريقه

1. بسم الله الرحمن الرحيم

بسم الله الرحمن الرحيم

حبيت انقلكم ليله رومنسيه حريقه كانت بمناسبة خروجي من الاربعين لمن جبت لولي المهم جبت شموع صغيرة حقت الفواحه ورصيتها بخطين متوازيين من باب الشقه الين باب غرفة النوم وحطيت ورد روز طبيعي رصيته بسيقانه على الباب سار شكل الباب روعه وبعدين حيطت على الكومدينتين شموع على شكل قلوب حمرا وجبت لحاف سرير احمر وحطين ونثرت ورد روز احمر مفرفط وبعضوا ورد زي ماهو بسيقانه على السرير والارض
وجبت طاوله صغيرة جنب السرير وحطيت فيها تبسي فضي كبير وحطيت فوقه قماش احمر وكرمشته وقلب مفرغ كله ورد وادخلت فية كاس وحطيت ماء بثلج وشمعدان حق الشمع الطويل بالاضافه الى شموع صغيرة على شكل قلب وسار منظر الغرفة جنان (طبعا على ضوء الشموع)
المهم وديت روفي ولولي عند ماما وجات الساعة 11 وجاء الله يديمه فوق راسي زوجي حبيبي واتفاجا لمن فتح الباب ومشي في الممر الين الباب ولقاني لابسه قميص النوم الاحمر ومتزينه وكاشخه والغرفه كلها شموع في شموع وريحة الغرفه فواحه زهور الريف المشهورة
ودخل الحمام وطلع وقرب مني وبدانا الاحتفال والا اسمع صوت كانه كيس نايلو وادير ضهري والاقي التبسي كله نار والكاس صارت سودا فحم اتاري الشمعهة الطويله مالت وطاحت والقماش كله صار نار والورد انحر المهم قام جوزي بسرعه وجاب كاس مويه من الحمام وكباه فوق النار وإلا النار ترتفع الين السقف والدنيا تسير غبار واتكتمنا وصرنا نكح وفتحنا الشبابيك وصار جوزي بدل ما يطفي ناري وشوقي صار يطفي نار حقيقية والحمد لله ان التبسي كان بعيد شوي عن اللحاف ولا كان من جد انحرقنا والحمد لله انها جات على كده
ها ايش رايكم في ليلتي الرومنسيه؟؟؟؟ حريقه مو؟؟؟