ليله رومنسيه خاصه بالعيد

1. وأكتبي فيها بيتين شعر وألفي كلمتين معايده خاصة ودافئه ااحم احم

ليله رومنسيه----)خاصه بالعيد
ليلة العيد
تعالي لغرفة النوم وغيري ترتيبها حسب أستطاعتك أما تغيير جذري وضع السرير الكراسي .......
.أو وضع السرير على الأقل الا ما تقدر نقول لامشكله
إذا ما تقدرين تغيرين في الترتيب أضيفي شي من الأثاث لها طاوله وتهتمين بتزيينها بمفرش
أضيفي أو غيري منظر اللوحة اللي على الجدار
حاولي قد المكان يكون هالتغيير ملاحظ وملاحظ جدا
طبعا لارومنسية بدون ورود
على الأقل مجفف أو صناعي حاولي توفرين هالرمز للرومنسية على الطاوله
ولو قدرتي توصين على طبيعي فجميل أن تربطي وردتين بشريط سولفان أو ستان عريض وتربطي فيهم بطاقة جميله

وأكتبي فيها بيتين شعر وألفي كلمتين معايده خاصة ودافئه ااحم احم

وبعدين ضعيها بطريقه ملفته على السرير بحيث تكون في مكان بارز (في المنتصف ) وأبتعدي عن الأطراف طبعا ماراح أوصيك كل شي اليوم بيكون في الغرفة جديد من المفرش إلى . إلى وأكيد أن حتى لو ماعندك الجديد لكن تغييرك وأضفاء لمساتك الخاصة بيخليه جديد
أجمل شي ليل وضو خافت لاتقولين أبجوره سنعه والا ...لالالالالالا
الله مكثر من الشمع
هات الشموع وأبعدي الدموع
طبعا الكل يعرف أن الشموع أشكال والوان وانواع وروائح بعد واللي تقدر تجيب من هالأنواع تمام واللي لأي ظرف ماتقدر نقول نو بروبلم لا مشاكل الله مكثر من الشمع في البقالات والحكمة في الجوهر لا المظهر فقط
هات شموعك ورتبيها وضعها في شمعدان على الطاوله أو وهذا اللي أفضله وزعيها بطريقه ساحره في الغرفة على الطاوله على الكومدينو على التسريحة بحيث تعطي هالات ضواء مختلفه في القوة لما تشوفينها من مكان جلوسك
جربي تشغيل الشمع والأضائه قبل تقررين تثبيتها نهائيا
على فكره ممكن بعد حتى مقاسات الشمع يكون مختلف في نفس الوقت وهذا يطلب منك وقت واهتمام علشان يكون فيه تناسق في الضائه
ممكن تضعي مفرش ووسائد صغيره على الأرض
الآن تقريبا الغرفة متغيره 180 درجة ناقص رساله إلى الصدر وش هي ؟؟؟؟
هات العود والا ماتحب نقول ضعي رائحه عطر محببه إلى قلب زوجك بس أنتبهي لحاجتين
أنك لو استخدمتي شموع برائحة معطرة لاتؤدي مع رائحة العطر المستخدم إلى نتيجة غير مرغوبه
وبعد مع عطرك اللي راح تستخدمينه
الآن بقي القمر الذي سيضيئ هذه الغرفة مين ؟؟؟؟!!
أنت عزيزتي
يامن أختارها زوجها من بين نساء العالمين لتكون الشريك
قاعده مهمه
كوني كما يحب لا كما تحبين على الأقل هالليله
ألبسي لون يحبه هو حتى لو ما تحبين هاللون !!
كوني بسيطه ولكن جذابه بمعنى لا تبالغين في الزينه
استفيدي من ركن الأناقة في هالمنتدى الرائع
أحرصي يكون لبسك وزينتك من مما أشتراه لك هذا العيد فهو أحق من يراه عليك
وش بعد والله الكلام كثير والأفكار بعد بقول كم وحده على السريع يمكن تستفيدين منها ولكن مهم طريقة تنفيذها لاتفتعلينها :
1/ حضري مشروبكما المفضل أي عصير جيبي الكاستين وادهنيهم من الخارج بعسل وبعدين غمسيها في سكر ناعم وممكن تربطين شرائط ستان أو سولفان بسيطه قريب من قاعدة الكاسه
2/ ممكن تحضرين أو تشترين خلفيات صوتيه ولكن بعيده عن الصخب وتضعينها في الكاست مافيه برضوا لامشاكل الأكيد أنه يريد سماع أجمل نغم منك
3/قدمي له دعوة منذ الصباح بشكل غير مباشر مثلا تضعين له بطاقة في مكان بارز أو تضعينها له قبل خروه في الجيب دقي عليه تلفون قولي ترا جاك دعوة من ناس يحبونك وحطيتها لك في المحفظة أقراها قبل تجي
بس لازم تكون كلمات البطاقة جادة علشان مايفكر أنه مقلب ههه (وحده تحب المقالب )
4/دايم خليه يحس أنه وجوده أهم شي تفكرين فيه بحياتك وبعد وجودك في حياته طبعا أكيد الكل بيقول ماهي جديده أدري ولكن الذكية هي اللي تبتكر في كل مره طريقة لتخبره بها
مهم لاتكثري من الحديث هذه الليله ولما تتكلمي خلي جملك معبرة وقصيرة
أعطيه فرصة هالمسكين يتكلم ولو ليله
(وانا اول وحدة راح اسويها يالله يابنات لا تفوتونها)