ليه

(ليه ؟؟؟)
للكاتبه :
m!$s NaNa
هذي اول قصه اكتبها ان شاء الله تعجبكم
·
جوري : طالبه بثنويه هذي اخرسنه لها طيوبه والكل يحبها مالها لأخ ولا اخت وحيده مالها غير امها
ابوها تركها وهي ماصارلها أسبوع والسبب تعرفونه بالأحداث الجايه .... اللي يشوفها يقوول عنها انها بدويه لأن اللي يمزها ان عيونها كباار ورموشهاا طوال ولها غمازه وحده على الخد الأيسر وشعرها طويل ولونه اسوود . متوسطه الطول جسمها متناسق مع طوولها
·
ام جوري : اسمها نورا عمرها 38 طيوبه لابعد حد وطيبتها هي سبب تعاستها عاانت كثير مع اللي حوليها
عشان كذاا لما تشوفها تعطيها اكبرمن سنها بكثير مرح اتكلم كثير عنها لأن بتعرفون شخصيتها مع الأحدااث بس ام جورري غنيه ابوها تارك الورث كله لها نظرا لان ماعنداها اخوان يعني وحيد واختها متوفيه من هي صغيره ..
·
ابو جووري : اسمه عبد الله عمره 45 كل اللي اقدر اقوله ان ماله شخصيه والسبب امه وخواته
ابووه متوفي مسكين ماات والسبب زوجته......عبد الله عنده اخو واحد اسمه عبد العزيز اصغ منه لكن سبحان الله فرق بينه عن اخوه مايمشي كلام امه ولا خواته عليه شخصيته حلوه وطيب وحنون مع الكل الا جوري وامها والسبب بعد بالأحداث تعرفونه ... خواته : هم ثنتين وحدها أسمها مريم والثانيه هند لسه ماتزوجوا وهم توأم عمرهم 37 يعني يعتبرون عواانس
^^^
احسن مالت عليهم وهم طبعا مشفوحات على الزواج وينقهرون من اللي يتزوجون ويحبون يفرقون بين اي احد متزوج طبعا يعرفونهم يعني لا تخافون تراهم مايعرفونكم خ
خلاص بعدين اكمل تعريف الشخصيات
.
جوري:يمه والله زهقانه تكفين خليني اطلع مع البنات من زمان ماشفتهم
ام جوري : حبيبتي مايصير تروحين لحالك
جوري : طيب انتي تعاالي معاي
ام جوري : انا تعبانه مافيني اتحرك كثير
جوري والدمعه بيعينها : طيب انا ايش ذنبي اذا ماعندي لاخ ولا اخت ولاحتى اب طيب ايش اسوي ( قامت تصيح )
ام جوري بكت على حال بنتها المحرومه من اخوان والأخوات وحتى ابوها اللي تخلى عنها وهي صغيره : خلاص حبيبتي لا تبكين خلاص انا بروح معك
جوري طبيعتها ترضى بسرعه مسحت دموعها ورسمت على شفاتها ابتاسمه وقامت حبت راس امها : شكراا ياأحلى ام بالدنيا
ام جوري: والله انك عياره
جوري : عادي طالعه على امي قبل شوي مافيها تتحرك والله انك عياره ههه
ام جوري تبي تضحك بس تمثل دور المعصبه : لا مين العياره ها
جوري فهمت امها بس حبت تنهي الموضوع لانها تبي تطلع : اقول يمه ادري انك تبين تضحكين خلاص انا بروح البس وانتي اضحكي بس لاتطولين عشاان مانتأخر
ام جوري : والله ان مافي احد فاهمني غيرك
جوري بصووت وااطي : ليه في احد لنا نعرفه ( ونزلت دمعتها بسرعه بس مسحتها على طوول) قامت تتصنع الأبتسامه عشان امها ماتحس بشي وقالت : يالله يمه انتي تحبيت تضيعين وقت
وراح كلا بطريقه يلبس ويتجهز وكلمت جوري السواق عشان يجي .
مرت عبد العزيز اسمها حصه بناديها بأسمها : يا خالد يالله قوم تره زهقتني
خالد : يمه خليني شوي انام الله يخليك بس دقيقه
حصه : انا ابي افهم يعني هذي الدقيقه ايش تفيد
خالد : يووه انتوا ماتخلون احد يرتاح بالبيت خلاص بقوم
حصه : عن الهذره الزايده والله انك ماتستحي
خالد : يوه زعلت خلاص حقك على انتي تعرفيني لما انام ماحب احد يقومني
حصه : انزين انزين يالله قوم ( وطلعت من الغرفه وهي تدعي ان ربي يهدي ولدها )
في مجمع الراشد
جوري: يمه انتي اجلسي هنا ارتااحي انا بروح اتمشى مع البنات اذا بغيتيني كلميني طيب
ام جوري : خلاص حبيبتي انتي روحي استانسي مع صديقاتك بس انتبهي على نفسك
جوري : ولا يهمك يمه يالله سلام
في بيت ابو خالد
ام خالد : ها اشووفك طالع على وين ان شاء الله
خالد : اي بروح مع خويي الراشد ليه بغيتي شي ؟؟؟
ام خالد :لا سلامتك ....... خالد
خالد : هلا
ام خالد : صليت الصلوات اللي فاتتك
خالد بقلبه يوه الحين شقول : ها اي اي صليت
ام خالد : الله يهديك ياولدي
خالد رن جواله خويه اللي اتصل : اقول يمه يالله هذي خويه ناطرني برى يالله الحين انا بطلع
ام خالد : خلاص طيب يالله رووح الله يحفظك ويهديك
طلع خالد لخويه فيصل
فيصل : ياخي وينك صيفت علي كل هذا تلبس
خالد : معليه ياخي بس امي مسكتني
فيصل : لادام السالفه فيها امك معليه سامحتك
خالد: احلف انت احلف هيي اصحى تره امي متزوجه ابوي وعندها ولد اسمه خالد وبنت اسمها حلا
فيصل : لا والله توني ادري حسافه .....اقول على طااري حلا وينها ماشفتها تلعب بالحوش
حلا اخت خالد عمرها 9 سنوات لسانها طويل متعلقه بأخوها مره ودايما تتهاوش مع اخويائه وخصيصا فيصل لأنها تغار منه
خالد : تصدق ماشفتها اليووم شكلها عند الجيران تلعب
فيصل : والله وحشتني من زمان ماتهاوشت معها
خالد : اقول استح تراها اختي
فيصل : حتى انا اعتبرها اختي
خالد : انزين خلاص اسكت شكلك انقلبت حرمه من كثر ماتسولف ( قام على صوت المسجل عشان يسكت فيصل )
في الراشد
جنى : بنات خلونا ندخل ريفير ايلاند
جوري: اووكي ماعندي مانع
جنى : وانتي ايش رايك يابنت العم
هدى تقلد صوت جنى : وانتي ايش رايك يابنت العم والله حاله لايكوون ماعندي اسم تره اسمي هدى هدى فهمتي
جنى : اوف انزين يالله قومو ندخل المحل
جوري تضحك على هباال هدى وجنى وتتمنى ان يكوون عندها اقارب تعرفهم : خلاص يالله مشينا
( وصلوا خالد وفيصل المجمع وبدوا يتمشون ويلاحقوون بنات طبعا )
جوري : والله انك تحفه حرام عليك جننتي الهندي
هدى : يستاهل اجل ينافخ بوجهي
جنى : مالت عليك ليه ايش فيه وجهك زود
هدى : مالك دخل يالغيووره
جنى : مين انا لا لا ماقدر استحمل انا اغار منك ليه انجنيت
جوري : اقول انتوا تره وقفتنا غلط شوفوا الشباب اللي قاعدين يطالعونا امشوا خلونا نرووح بعيد عنهم
هدى وجنه : طيب
( بعد مابعدوا عنهم وهم مايدرون انهم ملاحقينهم )
هدى : جوري ابي اشوف وجهك
جنه : لا لتورينها اخاف تعطيك عين ترى عينها حاره
هدى : لا قالولك جنه بعدين انا زعلانه منك ماكلمك فأحسن لك خليك سااكته ....جوري معليك منها يالله وريني
جوري : اذا رحنا دورات المياه اوريك الحين مقدر اخاف احد ينتبه علينا
هذى : ماالي دخل الحين يعني الحين
جنه : هدى خلاص بعدين توريك
هدى : مالي دخل ......وتروح تقرب من جوري وتشيل النقاب وترجع جوري على ورى وتدعس على عباتها وتطيح
بس خاالد كاان وراها ومسكها ...
في بيت ابو خالد
ام خالد : عبد العزيز الولد كبر لازم نزوجه عشان يعقل
ابو خالد: انا ماعندي مانع انتي كلمتيه قلتيله
ام خالد : اي معليك انا بكلمه وبشوف اذا باله وحده مع اني ابيه لوحده بالي
ابو خالد : خلاص انتي شوفيه وارجعي خبريني
ام خالد : ان شاء الله ولا يهمك
ابو خالد : خلاص اجل انا الحين برووح عند صديقي تأمرين على شي
ام خالد: سلامتك
ابو خالد : اجل يالله مع السلامه نهايه الجزء الأول
ايش تتوقعوون بيصيير
خالد بيعرف جوري ؟ ولا لأ ؟؟؟؟
خالد اذا عرفها بيعصب عليها لأن شافها كاشفه ولا بيكوون عارف السالفه من اول ؟؟
هدى ايش يكوون موقفها ؟؟؟
ام خالد مين اللي تبيها لولدها ؟؟
خالد بيوافق ولا بيعارض؟؟
انتظروني بالجزءالثاني
عاد ماوصيكم بالردود