ماأدري هو البخيلوالا انا كفارة عشير

فواكه استوائيه

23-10-2022 - 04:39 am

السلام عليكم ورحمه الله وبركاته
كيفكم فراشاتي العزيزات؟؟؟
الحقيقه هذي اول مشاركه لي
ياليت استفيد من خبراتكن وتجاربكن
ابي اراء الجميع بلا استثناء
زوجي طيوب وحبوب ومافيه شي يعيبه ولله الحمد
لكن عنده مشكله الفلوس
يعني مستحيل يعطيني ف يدي فلوس الا في حاله وحده
اذا جا يسافر وحطني عند اهلي!!!
كذا مره اطلبه يقول:ناقصك شي؟؟
اللي تبينه قوليه لي!!
هو مايقصر بس برضو الوحده حلو يكون معها فلوس
مب دايم بأطلب منه!!
انا بصراحه مو مدح لنفسي اقتصادية جدا في طلباتي
وعلى فكره اذا رحنا للسوق وشفت شي اعجبني وغالي شوي مستحيل اطلبه!!
واحيانا اطلب الشي يقول:ماله داعي وشهوله؟؟!!
والله ان نفسي في اشياء بس الشكوى على الله
نسيت اقول لكم شي
مره اخوي عطاني مبلغ حوالي 5000 قام اخذها قال برجعها ولا شفتها للان!!
هل اطلبها\منه والا احنا خلاص شي واحد؟؟؟
بس هو مايحب يمد الفلوس علي حتى لو سلفته انا؟؟
بالله عليكم انا جاحده؟؟؟والا هو بخيل؟؟
وماهو الحل في نظركم؟؟
الله يعافيكم

التعليقات (9)

عمة دحوم

23-10-2022 - 06:54 am

حبيبتي صحيح هو زوجك بس حلو الوحده تكون مستقله بذاتها
يعني يكون بخاطرك شي تستحي تقول كل شوي عطني..
ومن رأي..موضوع السلف هذا حقك يعني مو عيب اذا رجعه لك ..وانتي عاد ادرى بزوجك
والله يوفقك يارب ويسخره لك يارب

كاندي 2001

23-10-2022 - 07:55 am

قصتك تشبه قصة بنت عمي .. كان زوجها في هدف براسه و هو انه يحوش و يشتري اي محل او يصير عندهم شيء من الاملاك...بس لانه كان متدين و يحب الصدقات خصوصي لاخواته هي دخلت له من هذا الباب و قالت انه ايصا اللقمة اللي تحطها بفم زوجتك صدقة ..و كان يقول ليها شو ناقصك هي تسكت و تقول و لا شيئ الى حين ادركت انها غلطانة و انها عودته انها ما ليها طلبات .. و بالتدريج بدت تطلب احتياجاتها اللي تعرف انه يقدر عليها ..الى ان صار رائع و كريم بس تغبر بعد 5 سنين و بعد ما اشترى بيوت و اجلرها يعني امن مستقبلهم
انتي بيني له كم ضروري طلبك و انك تحتاجيه وايد و خبريه بضرورة يكون معك مصاري للطواريء كان تروحي فجاة للدكتور او تنزنقي في مسالة و حتى لا تتدايني من احد و اخلي من نقطة ضعفه

اكليل الوردfh

23-10-2022 - 08:56 am

مدام مو مقصر بطلباتك عادي
وخصوصاً يسأل نا قصك شي
يعني مو مصقصر
أني ما أخد مبلغ معين منه
لان لو يعطيني بتطير في ثواني
الله يسخر لك يارب
وسالفه المبلغ اللي أعطاك أياها أخوك
لا تلحين عليه في طلبها
بس لمحي له بين حين وآخر لا تسكتين عنه
لان يمكن يتعود مع الايام أدا أخد شي ما يرجعه

#فرحة الدنيا#

23-10-2022 - 09:57 am

اهم شي مو مقصر عليك لا بأكل ولا بشرب ولا بلبس
بس الخمس الالف اللي اخذها منك لازم ترجعلك هذا حقك يااختي لازم تقوليله انا محتاجه ال5000 الالف قبل كنت متسلفه من اختي او بنت خالتي او اي من كان ولازم ارجعلها فلوسها عشان مايجلس يتحجج عليك ويقولي بصرفهم عليك شوي شوي ..

فواكه استوائيه

23-10-2022 - 10:58 am

مشكورات اخواتي ماقصرتو
الله يعطيكم العافيه
لا مو مقصر بس مشكلتي اهلي معوديني على الدلع كل اللي ف نفسي يتنفذ حتي لو ما طلبته بشكل صريح!!!
حبيت اقول لكم شغله
المشكله انه سافر خارج المملكه 4 مرات مع اصدقائه!!
وكانو يسكنون منتجعات 5 ستار!!!
وفالينها ع الا خر
واذا جا سكتني بسفره داخليه يومين ولا فندق ولا يحزنون!!
شقق ومش حالك!!!
والله مدري كيف اتصرف معه؟؟؟
احيانا احقد عليه
واحيانا اقول:سامحيه يابنت الناس!
لانه والله حبوب وما يحب يجرحني حتى لو مزح!!!
اتمنى تثروني بارائكن ولكم دعائي وشكري

فواكه استوائيه

23-10-2022 - 11:59 am

الشكوى لله!!!
165 مشاهده وما رد الا 4؟؟؟
وين البقيه؟؟؟
بليز تفاعلو معاي

زهرانيه عيوني عسليه

23-10-2022 - 01:00 pm

لا هو بخيل ولازم تعودينه يعطيك مصروفك و5الاف مو شوي المفروض يرجعها صدق زوجك بس الحق يرجع لاصحاابه يااقمر
وجه نظري وانتي بكيفك

*فـــجـــر*

23-10-2022 - 02:01 pm

اولا ليه تخلينه يسافر مع اخوياه ؟؟؟ وليه ما يدور بسطته معك؟؟ وتسكنون باحلى الفنادق؟؟
قولي له
ليه ؟؟؟
وعلى سالفة الفلوس عوديه قولي يوم كنت عند اهلي تسلفت من امي لاني احتجت الفلوس طلبنا من مطعم او رحنا لكافي او شفت شي حلو بالسوق وبغيت اشريه
وعلى سالفة الخمس الاف يفترض انه يرجعها
وفيه شي افكر فيه انا انه من النوع اللي ما يحب مع الحرمه فلوس وان الحرمه تخرب اذا صار معها فلوس يمكن كذا

بقربه تحلى الحياة

23-10-2022 - 03:02 pm

لا حبيبتي قولي له مو ناقصني شي بس انا لازم تخلي عندي فلوس ماتدري عن الظروف ويمكن ابي اخذ اشياء مو لازم كل شي اقولك عنه

الجنس والغرب خطير←
مساعدتكم افكاركم ذكرى زواجنا قرب مادري وش اعمل→