ماابغى اروح بيت اهلي ساعدونى

1. بصراحه البيت موده نكد محد يجي وملل

السلام عليكم ورحمه الله وبركاته
خواتي انا في هم لايعلمه الا الله راح ادخل بالموضوع بدون مقدمات
انا متزوجه ببلد غير بلدي والحمدلله مرتاحه مع زوجي ومرتاحه بالبلد الي عايشه فيها
مشكلتي ان زوجي لازم كل سنه نسافر لبلدنا علشان ياخد راحته ومايحس ان عليه مسئوليه وهدا على كلامه
طبعا هو يكون عند اهله وانا عند اهلي لان بيت اهله لما اروح انام عندهم يعطوني غرفه استقبال الضيوف يعني فيها مجلس عربي برغم ان في غرفه يستخدموها طول النهار يعنى فيها التلفزيون وانا اقول لزوجي المفروض يعطونا هادي الغرفه علشان ناخد راحتنا وانا اروح اجلس عنهم بالكثير 3 ايام لانى ما ارتاح برغم انهم والحق يقال يعاملوني احسن معامله بس انا ماارتاح

بصراحه البيت موده نكد محد يجي وملل

بتقولون اجلسو ببيت اهلك هادي مشكلتي بيت اهلي صغير وكمان نكد نكد نكد لابعد حد ودائما مشاكل
والوالد عصبي يعني مااقدر اخد راحتى بطلوع الا ادا زوجي اخدنى ابوي مايتكلم اما لو زوجي مو موجود لازم استادن من الوالد والوالد اسئلته كثير ولو عصب مانطلع من البيت يعنى انا انحبس مع الجميع اما لو زوجي موجود عادي
المشكله ن زوجي يقول بنسافر سوى بس بارجعه انا راجعه بطياره بعد زوجي بيومين وهو باسياره وانا ماابغي اضل ببيت اهلى والله انى مااعرف اودع الناس او اروح بيت اهلى من تصرفات ابي
كلمت زوجي بكل شي بس احسه انانى مايبغى الا راحته وانا دي مكتئبه ابغى ارجع معاه يقول الرجهع باسياره بهدله ايش اعمل دلونى
ببكيت وحاولت بس مافي فايده اول مره احسن ان دموعي مااثرت بزوجي
الله يجزاكم خير ويبلغكم مرافقه لحبيب