ماتخيلتك حبيبي طلال وشهد رومانسية حييل

شنو تتوقعون يصير
هل الملكة تتم ويحن قلب ابو شهد على شهد
بنته الوحيدة والمحرومة من حنانه سنين طويلة
طلال والسر اللي يخفيه عن الكل
وهل ممكن في يوم يطلع هذا السر

الرواية جونان ..
بليز كمليها بسرعة
و يشرفني اني اكون من اول المتابعات لها ..

طيب يالله كملي بليز

واو البارت رهيب
بليز قلبو كمليها بسرعة
الله يوفق بين شهد و طلال ...>>>>> متأثرة الأخت مره
لا تتأخري علينا

روعة القصة
رهيبه بس مو كأن شهد زودتها
يااريت ماتطولين علينا بأنتظاارك
تحياتي

مرحبا يالغالية
اشكرك على الرواية
حبيت اسالك الرواية انتي كاتبتها ؟؟
او انتي ناقلتها؟؟
والسؤال الاهم // الرواية كاملة عندك او لا ؟؟
تحياتي لك

مشكورة الرواية روعه
أنتظر البارت ..

مراحب
تسلمون قلبواتي عالردود
وأحب أقولكم ان الرواية منقولة
والرواية عندي كاملة يعني ماتخافوا
من هذي الناحية
لأني مجربة اللطعات والتطنيشات حقات
الكاتبات
المهم ما اطول عليكم وهذا البارت الجديد
&&& الجزاء العاشر&&&
دخلت على أخوها الغرفة لقتها ظلمة و بارده
وشغلت الأنوار
سارة بحزن: إلى متى سلطان خلاص راحت البنت في نصيبها
سلطان : ما توقعت شهد ترفضني
سارة: شهد تعتبرك أخوها
سلطان بغضب : أنا ما هو بأخوها
سارة بحده : انتهى الموضوع الحين و البنت على ذمة رجال
سلطان بحزن : شهد أجرحتني
سارة : الله يعوضك احسن منها
سلطان : ما اظن ألاقى احسن منها وطلع من البيت
سارة تكلم نفسها وتبكي: هي أنجبرت تأخذه
***** *
وأم نوال انحرجت من رد طلال
طلال يبي يحرج شهد وغمز بعينه وهو يبتسم
و شهد فتحت فمها .. من كلام طلال وكذبه
أم طلال ما عجبها كلام أختها وبوجود شهد وأنبسطت من رد طلال عليها
أم نوال :بدر متى تخلص دراسة؟
بدر يبتسم في وجهها: أن شاء الله هذا الترم
شهد منقهره منها و بسخرية : بتخطبين له بنتك
أم نوال بنرفزه : أنتي وش دخلك أنا وولد أختي
شهد بدلع : والله هو ولد عمي
نوال بغرور وهي تطالع طلال: أنا ما أبي بدر
طلال لف وجهه عنها يطالع شهد وهي عصبت من نظرات نوال
شهد ترفع حواجبها وبغضب : ما هو ميت عليك.. وش هذي النظرات لطلال ونوال انحرجت من كلامها
أم طلال تفأجات من غضب شهد و بحده : شهد خلاص
أم نوال بقهر : لا خليها تكمل بنت هدووه
شهد بغضب اكثر: هدى تاج رأسك يا لعجوز
أم نوال بحده: عجوز بعينك قليلة الحياء
شهد بتريقة: الحياء خليها لبنتك إذ كانت تعرفه
بدر ويحاول يملك أعصابه : شهد خلاص
شهد بغضب : لا ما هو بخلاص
أم طلال أشرت لطلال يطلعها من هنا لانه شهد ما هي ساكته مادام في الموضوع أمها!!
طلال وهو يرص على أسنانه: شهد تعالي معي
شهد تبي تقهر أم نوال: حاضر حبيبي وتمسك أيده الجو هنا خنقه وطلعت وهي تناظرها من طرف عينها
أم نوال منقهره منها: هذا ألي اخترتيها لولدك
أم ماجد بغضب:اجل احد يقول الكلام آلي قلتيه
ومر على ملكتهم أسبوع وفي وجودها بعد؟!!
أم نوال عصبت: أنتي لا تتدخلي في شئ ما يخصك ولا هي بنتك عشان تدافعين عنها
أم ماجد بإصرار : بنت زوجي وتأشر على نفسها يعني بنتي
بدر بحده :خالتي شهد ما غلطت هي تدافع عن كرامتها
أم نوال بتريقة: حتى أنت!
أم طلال بغضب : الحق ينقال وعلى الأقل احترميها في وجودنا
نوال و أمها انقهروا منها الكل يدافع عنها
*************
سعود يسبح و يلعب مع بناته في البحر
فرح :سعود جيب البنات لا يبردون
سعود يضحك : لا ..كذا عاجبنا صحيح بناتي
البنات بصوت عالي : صحيح بابا
فرح بتهديد:سعود جيب البنات ولا ما راح يحصل لك طيب
سعود يدعي الخوف: يا مامي خوفتيني
هدى وهي فاطسه ضحك على فرح وسعود
فرح تضحك: تضحكين بدل ما تساعديني على أخوك
هدى بتريقة : آسفة و هذا زوجك أهبل
فرح تضحك :و أنت غشيتيني فيه
سعود بزهو :أنا تتكلمون فيني يا بنات حواء
هدى تدافع عن نفسها : فرح هي ألي تقول
سعود يناظر فرح بنظره اجراميه!!
فرح شهقت : أنا يا هدى
سعود بتهديد: في البيت أعلمك كيف تتكلمين من وراي
فرح بحب ودلع: أنا زوجتك حبيبتك
سعود من طرف عينه : ما أعرفك خليك بعيد
فرح تترجئ هدى: ساعديني أنت تعرفين أخوك و أجرامه
هدى وهي ميته ضحك : وأنا بعد ما أعرفك
فرح بثقة : ما تقدر تسوي شئ لي
سعود يبتسم بمكر: متأكدة
فرح شافت نظراته :على شنوا ناوي يا سعود؟!
سعود يحرك حاجب : كيفي
*********
مروان متردد يكلم أبوه عن شهد
مروان : يبه أبيك بموضوع
بوماجد يتنهد: خله لصباح الحين تعبان
مروان برجاء: مجرد خمس دقايق
بوماجد جلس بعد إصرار مروان لجل يكلمه
مروان بتردد: احم يبه أنا عرفت انك أجبرت شهد على الزواج من طلال ..ليه؟؟
كان ماجد ومازن جالسين معهم يبون يعرفوا.. اسمعوا من عمر بس يبون يعرفوا من أبوهم
بوماجد بوجه جامد وقف: شئ خاص فيني وفي بنتي
وتركهم
مروان تفاجئ بطريقة رد أبوه عليه وانه تركهم من دون إجابة
مازن يضحك على شكل مروان : هههاى والله ها الشيبه ما هو بهين ولا عبرنا
ماجد يضحك على كلام مازن :هههاى هم يضحك وهم يبكيّ!!
مروان يبتسم : والله انتوا فاضيين وقام عنهم
*********
أول ما طلعوا شهد فكت يدها من طلال و ابتعدت عنه
بس طلال مسك أيد شهد ويشد عليها بقوة
وهو يمشي معها وصلوا الكرسي ألي بالحديقة
شهد هي تناظر طلال معقول أكون غرت عليه ولا عشان اجرحت كرامتي؟ وليه عصبت من نظراتها له؟ ليه ؟؟
و يدفها على الكرسي بقوة
شهد تتألم : وجع أن شاء الله
طلال بقهر وبحده : لسانك ما يطول على أحد من أهلي أو على
شهد بتحدي: إذا خالتك ما احترمت وجودي أنا بعلمها الاحترام و أنت بعد
طلال قرب لها و يمسك بفك شهد حست راح ينكسر كان ضاغط عليها بقوه
طلال يشد بقوه وبغضب: عيدي ألي قلتيه مساع!!
شهد بألم : أنا ما اكرر كلامي
طلال وهو يفكها وبغضب : إذا ما حترمتيها ع الأقل احترمي أمي!!
شهد بثقة : أنا وخالتي نتفاهم..هي تحط يدها على خصرها وأنت عاجبك كلامهم ونظرات الست نوال لك
طلال يبتسم وبحده :هي ألي تناظر ما هو آنا؟ ليه تغارين علي ؟؟ !!!..ونزلي أيدك لا اكسرها لك
شهد عصبت عليه وبتهور: ترضى أناظر رجال غيرك
شهد ما حست انه غلطت إلا لمن مسك طلال رقبتها
والهواء انقطع عنها
طلال بغضب : تبين اقلع عينك من مكانها ناظري غيري و يشد على رقبتها ..
شهد ما هي قادرة تتنفس وتتكلم بصعوبه : طلال بختنق هي تضرب يده تبي يفكها
طلال حس على عمره وفكها وشلون مسكها من غير ما يحس من مجرد كلمتين وابتعد عنها .. وشهد تأخذ هواء ومغمضه عيونها
ويتاملها و بحركه لا اراديه مد ايده صوب وجهها
وشهد و أبعدت يده عن وجهها بعنف
طلال وصوته ارتفع: هذا ما هي حاله يا شهد
بتمشي و طلال مسك يدها
*******
بدر من النوع ما يحب يزعل أحد منه
وراضى خالته وصالحهم على بعض و طلع لغرفته و نوال طلعت وراى طلال وشهد
شافتهم في الحديقة تتجسس عليهم.... وشهد لمحتها
لما طلال مسك يدها وحبت تقهرها زياده ..
شهد بدلع : حييبي اترك أيدي
طلال استغرب الصوت فيه دلع و طريقة كلامها معه!! وبدل ما تزعل مني : شهد فيك شئ؟!
شهد تتبسم وتلف أيدها حول رقبته
: فيها شئ إذا تدلعت على زوجي ؟
طلال ونفذ صبره بيتكلم و شاف نوال وعرف سر التغيير.. وقرر في نفسه يعاقبها على التلاعب فيه ويبتسم بمكر ضمها إلى صدره بقوة وحبها على خدها
شهد تفاجات من حركة طلال
الجزء الحادي العاشر )
سعود رجع من البحر تروش و تمدد على السرير
وهدى في غرفتها ترتاح
وفرح تتروش مع البنات و بعد ما خلصت طلعت تنشف شعرها و تفاجات بسعود
{ سعود ما ينام مع فرح في غرفة وحده بسبب الوحم }
فرح : تبي شئ
سعود رفع حاجبه: جيت أعاقبك
فرح بخوف : سعود عن الهبل
سعود يبتسم: جربي من الهبل شوي
فرح ترجع لورى وسعود قرب منها وحملها وهي تصرخ
سعود بتهديد : ما اسمع صوتك لزيد لك العقاب
فرح بترجي : حبيبي وتبوسه على خده نزلني
سعود يبتسم بخبث: بعد البوسه لازمن أزيد العقاب
فرح تحاول تفك نفسها من أيد سعود وهو يمشي إلى السرير
سعود وهو يضحك : ما لك أمل
ونزلها على السرير .............
××××××××××
شهد اعتقدت طلال بيفك أيدها من رقبته بس صار العكس
وحاولت تفك نفسها من يد طلال لكن مسكها بقوة ويقبل في خدودها
ونوال متفاجئة و منقهره من ألي يصير
شهد بخجل و بخوف: وجع يا طلول فكني وتحط يدها على فمها تحاول تمنعه لا يقبلها
طلال معاند وبمكر: لا مرتاح كذا ومن طلول وخري أيدك عن فمي
شهد بعصبية وتهدد: لا. و أنت طلول.و فكني لا اصرخ
طلال وهو يضحك:هههاي اصغر اولادك وعناد لك مانيب فاكك ومن الحين لبكره اصرخي
شهد شوي وتبكي وبرجاء: طلال الله يخليك
طلال بلعانة : ام بشرط
شهد بسرعة: ألي تبيه بس فكني
طلال يضحك ويقرب خده :بوسيني
شهد شهقت وتبتعد : بأحلامك
طلال عناد وضمها اكثر: اجل مانيب فاكك
شهد بتهديد: إذ ما فكيت ابعضك
طلال عقد حواجبه: عشان اكسر أسنانك. .ما تبين أنا أسويه عنك وبكل حب و قرب جنبها!!
نوال لما شافت طلال رجع يقرب لشهد جاءت عندهم
نوال بغيره : احم
طلال فك شهد... وشهد تحمد ربها على تدخل نوال
طلال يهمس لشهد : مش كل مره تسلم الجرة ويقبص خدها . وتضربه على يده
نوال وعينها على شهد: طلال نبيك تودينا البيت
شهد متخصره و بنرفزه : وسواقك وينه فيه؟؟
نوال ما ردت عليها
طلال أعجبه تنرفزها وابتسم شهد تغار علي
: أنتي روحي وأنا جاي وراكي
نوال بدلع : طيب ... ومشت
شهد بتمشي مع نوال طلال مسكها
شهد ارتعبت لما مسكها طلال
طلال بتهديد: إذ كررتي لعبتك ثاني مره معي
ما راح أفكك من يدي وأنت فاهمه .. وقبص
في خدها وهو يضحك
شهد وهي تشتمه : وجع وكسر بيدك وعمى
بعينك .. وجعتني
طلال بحمق : قالت شئ
شهد بقرف: تلمس خدها ما قالت شئ
طلال طالعها بنص عين ومشى عنها
وشهد من وراه تدعي عليه بقلبها
××××××××××
مروان و بدر ارجعوا إلى بريطانيا
طلال وشهد على حالهم كل ما يشفون بعض
يتخانقون وعرسهم تقدم
شهد لما عرفت عصبت على أبوها وعمها وما اتركت دعوة على طلال ما قالتها
طلال تضايق من أبوه وعمه من تدخلهم حتى في تحديد موعد زواجهم.
سعود يحاول يقنع هدى تسوي العمليه وهي رافضه
سلطان خلص أوراقه لدراسة في الخارج بفرنسا
×××××××××
هدى: شهودي
وشهد مندمجه مع بنات خالها بلعب وما سمعت أمها
هدى بأعلى صوتها : شهود و وجع في ابليسك
شهد : نعم
هدى تبتسم : طلال اليوم بيجي و
شهد تقاطع أمها : ليه بيجي
هدى بملل : لانه حضرتك ما تروحين لبيت أبوك
شهد بكل جدية: ولاراح أروح بسبب النحس ألي عنده
هدى تهز رأسها: المهم يبيك تختارين الأثاث معه
شهد بملل : اتركيه هو يختار أنا مالي شغل هدى بنظرة سخط : شهود و أنا قلت لك بيجي اليوم
شهد بيأس: أمري لله ... مرومي آسولي تعالوا نلعب في الحديقة
هدى بحده : طلال بيجي بعد ساعة أو اقل
شهد وهي بتطلع و تتأفف : سمعت
قبل لا تطلع نادتها أمها: شهد أنا وفرح بنزور الجيران
شهد وهي متضايقة: يا سلام لما يجي النحس من يستقبلها
هدى بتنهد : استغفرا الله العظيم
شهد حست انها عصبت أمها وتحبها على رأسها: بس لا تزعلين علي عاد أنا بنتك الحبيبه خلاص أنا أستقبله
هدى تبتسم: خالك سعود هنا نايم
شهد بتأفف: شايفه هو نايم
هدى ملت من شهد و اخذت عباءتها من ما غير تعبرها وطلعت مع فرح
××××××××
طلال متنرفز: هذا اليوم ما يعجبني .}.قال في نفسه أنا اهدد شهد فنقلبت علي{
أم طلال : خلاص اليوم تحدد
طلال بضيق : على كيفكم انتم تحددون وحنا ما لنا رأي .تحددون وأنا وهي ما اتفقنا على شئ
أم طلال بجديه :مع الأيام بتتفقون . اليوم تروح عند شهد تختارون الأثاث و الصبغ
طلال بضيق: أنا مشغول وما اقدر أروح اليوم و يمه حرام والله ألي تسوونه فيني
أم طلال تبتسم : لا اليوم . ماهو بحرام زواجك ما بقى عليه شئ وآنت لما الحين ما غيرت في قسمك شئ
طلال يتريقة : يعني شهود بتتغير
أم طلال بأمر: خذا الكتلوج معك علشان تخترون ألي يناسب الغرف وتغير الصبغ
طلال بعناد : الصبغ ما راح أغيره
أم طلال : ما هو على كيفك
طلال يضحك : على كيف من اجل
أم طلال تعبت منه : روح الحين لمن ترجع اتفاهم معك
طلال يستعبط عليها: طيب ..الساعة كم أروح
أم طلال تناظره من فوق ألي تحت
طلال لم شاف نظراتها طلع بسرعة عارف أمها إذ عصبت يمكن تحذفه بأي شئ قدامها
×××××××××
بوطلال و بوماجد وأم ماجد يتفاهمون على شكليات الزواج
أم ماجد : اخذوا رايهم يمكن ما يعجبهم اليوم
بوطلال بتسلط : لا ما يحتاج رايهم هم عندهم علم
بوماجد : والقاعة من يحجزها
بوطلال : عمر أو طلال
أم ماجد : شهد تبي أي قاعة
بوماجد: تتفاهم مع طلال ..
بوطلال : لازم نخلص قبل لوازم العرس بفترة
×××××××××
شهد نست جيت طلال وهي تلعب في المويه مع مرام أسيل وهي مبلله مويه
طلال ظل فترة عند الباب وفتحت الخدامة وطلال بيدخل المجلس وسمع صراخ شهد من ورى البيت وركض ..
شهد بعد تركض تبعد عن الموية.. إلا في وجهها طلال
... طلال تفاجئ بشهد و اعجبها شكلها وشعرها المدرج الحريري ونزلت خصل على جبهتها وهو أول مرة يشوف شعرها واصل الي أخر ظهرها ولونه كستنائي ذهبي من غير حجاب ...وهو ما نزل عينه يطالعها من فوق الي تحت....شهد من الصدمه جمدت مكانها وشافت نظراته كيف يتفحص فيها ما تحركت الي لمن سمعت صرخة خالها وشهقت ورجعت وراى وهي استحت من نظرات طلال
طلال متوتر : أسف سمعت صرخه افتكرت صاير شئ
سعود وهو يخفي غضبه : لا عادي أنت تفضل المجلس و بعد شوي بنجي
أول ما ابتعد طلال تحركت من ظهر خالها
وهي خايفة منه بس تكابر: الحمد الله راح
سعود وهو يشد اذنها بغضب : بعد ما ناظر فيك لمن شبع
شهد تألم :هو ما يستحي و اذني بتتقطع
سعود عقد حواجبه: صراخك واصل الي اخر الشارع و أنا ألي في البيت أنصرعت من صراخك
شهد تحاول تفك ايده عن اذنها: خلاص ما عيدها
سعود فك شهد : روحي غيري وانزلي عند طلال
شهد شهقت : بعد ما شافني كذا لا
سعود يضحك وعارف انه استحت من طلال : اذا ما نزلتي بدخل غرفتك
شهد تافف: خلاص
×××××××××××
بدر و مروان يفطرون
مروان يأكل خبز : عرفت أنهم حددوا موعد الزواج
بدر يشرب النسكافيه : اتصل طلال وهو منقهر من أبوي وعمي
مروان يضحك: ولله خايف يقلبون علينا
بدر يبتسم: ما هو بعيد عليهم
مروان : خساره ما راح نحضر العرس
بدر: لا توجع قلبي أنت و قم الحين لا نتأخر
مروان : الحمد الله يللا
××××××××××
طلال يفكر في شكلها وهو أول مرة يشوف شعر شهد في الملكة رافعته بتسريحه وما انتبه له و يتأمل بجسمها و
وقاطع عليه تفكيره دخول سعود
سعود : أسف تأخرت عليك
طلال يبتسم: لا عادي البيت بيتي
ادخلت الخدامة جايبة العصير وقدمته
سعود : سونا نادي شهد بسرعة
سونا : اوكي بابا
بعد فترة دخلت شهد ومعها أسيل ومرام وشهد لبسه طقم مكون من تنوها وبلوزه باكمام طويلة مع طرحه بنفس اللون ازرق سماوي
شهد وهي تبسم : السلام عليكم و سلمت على طلال بيدها
طلال استغرب وبتسم : وعليكم السلام وبهمس غريبه الادب
شهد تبتسم : عشان خالي هنا. وجلست جنب خالها
سعود وقف : أنا استأذن عندي شغل في البيت ويبتسم لشهد
طلال عرف يبي يتركهم لحالهم ...أول ما طلع خالها مع بناته
شهد وهي تشدعلى أسنانها : اقدر اعرف ليه جاي يعني ما تعرف تأثث بنفسك وهي تحط يدها على خصرها
طلال تفاجئ من الهجوم عليه
طلال عصب وبصوت حاد : انثبري .. وقص في هذا اللسان ونزلي يدك ..لا اهفك كف يجيب أخرتك
}الجزء الثاني عشر {
مازن معترض على موعد الزواج
بوطلال بحده: أنت أش دخلك أن قدمنا أو نأخره
مازن منقهر : لانه قبل اختباري بيوم
عمر رفع حاجبه: ذاكر قبل العرس
مازن منقهر: انتوا عارفين أن شهد هي تراجع معي
بو ماجد : خلاص راجع لحالك
مازن :هي تبسط لي.. اجلوا الزواج بعد الاختبار
بوطلال : لا وراجع لحالك
مازن قام وهو معصب
OOOOOOO
شهد خافت شوي من طلال لا يعصب اكثر و يسطرها كف
شهد بترد على طلال
طلال يحط السبابه على فمه وبحده: اش ما اسمع صوتك .. وتعالي نختار بسرعة لانه عندي موعد
جلست شهد بعيد عنه .. طلال يطالعها ويبتسم
:أبى اعرف كيف تختارين وأنت بعيد
شهد ترفع حواجبها: وأنت اش دخلك بعيد أو قريب
طلال تتأفف : متى راح تحترميني تراني الحين زوجك افهمي ... وعادي إذا جلستي جنبي
شهد عاقده حواجبها: أش دخل الاحترام في القرب والبعد.. وأنت ما فيك ثقه
طلال يبتسم و يحك رأسه: والله أنا رجال مؤدب.. والي يصير معك غصبن عني.. يعني عادي
شهد تنرفزت : لا ما هو بعادي وما احب تصرفاتك
طلال تضايق و بحده : اخلصي عندي موعد و ما ابى أتأخر اكثر
شهد بصوت يرتجف: توعدني انك ما تقرب أو تسوي شئ من حركاتك البايخه
طلال وهو كاتم الضحكه: ايه.. طيب تعالي
شهد جلست بجنبه ..وهو يختار شئ وشهد عكسه حتى في البويه والديكور
طلال عصب عليها : يعني ما حنا خالصين
شهد: أنت ما تعرف تختار .. قسمك كم غرفه
طلال ماسك أعصابه: غرفتين ومطبخ للتحضير السريع وحمامين
شهد : م غرف رئسيه وغرف لضيوف
طلال فهمها غرفة لضيوف ها أنا اوريك ورفع حواجبه :لا الثانية بسويها مكتب لي
شهد بحده : لا خل مكتبك تحت عند أبوك
طلال يبتسم : و أي قاعه لزواج تبين
شهد بنص عين: ما يصير نلغي الزواج
طلال يبتسم: لا.. لا إراديا وحط يده على خصرها
طلال هو ما يعرف كيف يفقد سيطرته على نفسه لما تكون هي جنبها
شهد شهقت و تبي تبعد عنه ودفه بيدها وهو ماسكها بقوة
شهد تنرفزت : طلال أنت وعدتني.. وتحاول تفك نفسها
طلال يبتسم بخبث:متى وعدت . ليه لابسه طرحتك عندي انت زوجتي عادي اكشفي لي ورفعها من على رأسها وهي تحاول تمنعه وتناثر شعرها المدرج الحريري على أكتافها
شهد بحده : أنا عارفه ان ما منك أمان و فك شعري
طلال وهو يلمسه ويدخل اصبعه بين شعرها وقرب منها : شعرك يعجبني
قرب يبى يبوسها .. شهد كانت أسرع منه رفعت يده وعضته من قلب ..وصرخ ألا بدخلت أمها
طلال يتألم وشهد تضحك
أم شهد بخوف ونظره حاد لشهد : فيك شئ
طلال ينظر شهد بغضب : لا سلامتك
بعد السلام
أم شهد تسأل : اخترتوا
شهد وهي تضحك : بشوف الغرف وبعدين أقرر
طلال استاذن من أم شهد يروح
أم شهد بنظره حادة : وصلي زوجك للباب
شهد خافت من نظرة أمها : أن شاء الله
شهد تمشي مع طلال بس بعيد عنه شوي
طلال يتوعد : هذى العضة بطلعها من عينك
شهد بتكبر : انت الي تعديت حدودك وهذا جزاك
طلال بتريقه : تقوي في بيتكم ..وفي بيتي ابسنعك بطريقتي و اذ تعديت حدودي فهو ملكي .. وطالع
شهد خافت من تهديد طلال له اذ في فترة الخطوبه كذا .. اجل بعد الزواج أش بيسوي
OOOOOOO
بعدها بيومين
ريم اتصلت في شهد تسأل عنه من بعد الاجازة الي خذتها شهد
شهد : اهلا وسهلا يا القاطعة
ريم بتريقة : أنا ولا ناس من شافوا العريس نسونا
شهد بسخرية : تصدقين لسى طالع من عندي من بعد الأحضان والبوس
ريم صدقت وشهقت : قولي والله تكلمي بسرعة
شهد ما قدرت تمسك نفسها وضحكت بقوة :هههاى والله انك مهبولة
ريم عصبت : سخيفة وبايخة وسكرة الجوال في وجهها
ورجعت شهد تتصل عليها وهي تضحك : هههاى محد يمزح معك
ريم : مزحك بايخ مثلك... انت كيف حالك وحشتيني يا دبه
شهد تضحك : ما على من شر وانت وحشتني كثير
المهم ابي تجين معي للسوق عشان أجهز لعرسي
ريم بفرحه : مبروك ..متى العرس والله زين تجهزين
شهد بضيق : قريب في / / وتساعدين اخلصي بسرعة
أمي حلفت علي ولا ما كان تحركت من مكاني
ريم بحماس : الساعة ثلاثه العصر أكون عندك ... وطلعوا مع بعض المجمع ... و ارجعوا الساعة تسعة تقريبا
شهد شكرتها كثير لان معها خلصت الأغراض المهمة
ريم تبتسم: أنت أختي... ههه وشكله اخوي جاء مع السلامة
وهي فاتحه الباب إلا في وجهها رجل !!
OOOOOOOO
عمر جاي يزور شهد وهو يضرب الجرس طلعت فرح في وجه وما هي متغطية. فرح فكرته أخوها يستعجلها
عمر ارتبك وقف الزمن عنده : مها
فرح متوتره ارجعت بسرعة عند شهد
شهد مستغربه: فرح ما هو أخوك
فرح مرتبكه: لا بس واحد قال لي مها
شهد عرفت على طول وراحت لعمها و دخلته المجلس و عودت لريم
شهد تضحك : وش رأيك أزوجك عمي
ريم وهي تسمع هرن السيارة : موافقة بس هو في عيب شرعي
شهد استغربت : ايش
ريم وهي تطالع : انك أنت بنت أخوه وطلعت تركض
شهد استوعبت :اوريك يا دبه
وعمر كان يسمع كل شئ وجلس يضحك
لانهم عند الباب
OOOOOOO
معقول مها رجعت لي الله يا مها و فجاءة تذكر شئ مها عينها سود وهذي عسلي أنا لزمن اسأل من هي ..وليه أسال لانه تشبه مها
ومشى وقف عند الباب وهو يسمعهم أول انصدم وبعدها ضحك
شهد وهي جايبه معها العصير قدمته لعمها
يشرب العصير ويضحك على شهد وصديقتها
شهد من طرف عينها : ليه تضحك اعجبك الكلام
عمر هز رأسه أيه و يضحك : أول مرة اشوف حد يهزئك غير طلال
شهد تبتسم :و مبسوط أنت لا والله
عمر بجديه : من هي يا شهد
شهد بحزن : الي تفكر فيها مو هي
عمر يبأس : عارف ..حبيت اعرف
شهد وهي تضم عمها : انساها وعيش حياتك
عمر غير الكلام : سمعت طلال من يومين جاك تختارين الأثاث
شهد ما حبت تضايقه بسيرتها :وما اتفقنا
عمر:أنا أروح معكم عشان تخلصون بسرعة
وفعلا عمر ساعدهم لانهم ما كانوا يتفقون على شئ
وعمر يدخل بينهم وبعد ما توصل هوشتهم السماء
وبعض الوقت تنشغل في تجهيز نفسها وهم يقضون الباقي
OOOOOOO
و ما بقى شئ على العرس
و في اليوم الأخير ..
كانت ليلة الحناء.. وبعدها العرس
وما هي براضيه تتحنى و أمها حلفت عليها
ومسحت أمها دموعها وجلست تنصحها كيف تعامل زوجها؟! وكيف تطيعه ؟وما تعصى أوامره ؟!
شهد ما تبي تضايق أمها: أن شاء الله ... لخليك تندم يا طلال على اليوم الي ما قدرت تقول فيه لا
هدى لمحت نظراتها غريبة : شهد أنتي معي
شهد بتردد: أيه .. برجاء يمه نامي معي اليوم
هدى بكل حنان : أنت خايفة
شهد تبكى هل هو خوف ؟أو حزن؟ أو الاثنين معنا؟!!
وهي في حضن أمها : يمه الله يخليك لا تتركيني وكانت ترتجف بين أيدين أمها
هدى وهي حاضنتها: ليه ترتجفين وأنت خايفه من طلال أو الزواج
شهد تبكي بحرقه : يمه أنا ما بي طلال مابي اعيد تجربتك مع أبوي في طلال
هدى استغربت تفكيرها : شهد حبيبتي أنا وأبوك غير عنك أنت وطلال
شهد مستمره في البكي : لا هو مثله نفس التسلط و القسوه والغرور و أنا ما احبه
هدى مرتبكه : شهد أبوك مو كذا بس ما يعرف يظهر مشاعره يرتبك هو ما في اطيب منه وارهف من قلبه
شهد : ليه ما حسيت فيها إذا كانت موجوده
هدى تبتسم : أنت عاملي طلال بحب