مادري شقول غير حسبي الله

انا بصراحة متضايقة ودي افضفض لكم زوجي دائم يتكلم بالحريم الجميلات والجمال وتعرفون غبرة الحريم فاقول انا اجمل يزعل ويهاوش واذ عصبت قال ليش تزعلين من الواقع والله حطمني وانا الحمد لله مو شينة صح انا فيه احلى مني كثير بس هو عقدني من هالسالفة اليوم يناديني ويقول تعالي شوفي بالنت استغربت مو عاادةويوم شفت ولا صورة فنانة وهو يتبسم نظرات اعجااب وقال خلاص هي تشبهلك يبي قلت نعم قال فيه احد يزعل اذ شبه بالقمر قلت بس انا احلى قال لالالالا عاد والله انفهرت وللمعلوميه هي مو جميلة بس لاطخة مكياج ومستشورة وانا ادري ان اي وحدة لو تهتم بنفسها حتكون حلوة بس انا من زمان مارحت للسوق دائم اقوله ودي اشري ملابس بيت وطلعات ويقول عادي بالبيت ماتفرق معي والمشغل من زمان ابيه ويقول ماله داعي وهو راتبه متوسط تصدقون اني دلئم بالبيت ياتنورة سوداء او بنطلون ابيض شاريته قبل ثلاث سنوات وابدل عليهم بلايز من ابو عشرة ماعندي حركات المتزوجات كله اوفر له ويليته ماينظر غيري والله احس بداخلي قهرمرة امتدحتني وحدة من الحريم استانست ورحت قلت له على طول زعل وقال لاتحاولين تغيرن افكاري ولانتصدقين اي احد والله اني دائم افكر بكلامة وصرت دائم شاردة مو مع الناس وكرهت اي وحدة اشوفها جميلة اتذكر كلامة اه بس بنات فيه احد مثلي ترى حنا زواجنا بدون نضرة بس كان مقتنع من وصف اخته بعدين قال انا منت متخيلك شكل غير وانصدمت من شكلك حسبي الله ونعم الوكيل تصدقون اذ حطيت راسي ع الوسادة اتخيل اني جربت خلطة وصار وجهي عريض واعجبه احيانا افكر بالحقن بس اخاف انه حرام وماودي اعصي ربي علشانه اخ بس جاب لي الوساوس بنفسي