ماذا بعد الإنتظار وماهو الحل

السلام عليكم ورحمه الله وبركاته
مساء الخير ..
من بعد ما قرأت العديد من قصص أخواتي .. وطبعا قصة تأخر الحمل لديهن .. تشجعت وقررت أن أضع موضوع يخصني ..
سأخبركم بقصتي .. عل وعسى تساعدوني لكي أجد الحل .. وربما قد تحلون مشكلتي التي ليس لي خبرة فيها ..
.
.
بعد ماخلصت الثانوية تزوجت على طول ..
والحمدالله عايشة حياتي تمام التمام .. وانا أدرس في الجامعه .. وقررت أنا وزوجي ما أحمل ع الاقل مده 5 او 6 شهور .. وأنا في بالي لمده سنه على الاقل ..
بعد ماكملت 4 شهور حسيت أن خاطري بياهل وقررنا اني احمل .. وحملت والحمدالله ..
كملت شهر وانا طايرة من الفرحه .. ودخلت الشهر الثاني وانا افكر فيه ..
بس في بداية الشهر الثاني سقطت الياهل .. والسبب .. كانت فيني حرارة مرتفعه .. ومارحت للمستشفى لأن الدنيا ليل وكنت استحي من زوجي اقوله اريد اروح المستشفى ..
المهم ..
بعدها قررت ما احمل على الاقل 3 او 4 شهور بطلب من الدكتورة عشان يرجع الرحم لمكانه و و و و و و..
وبعد هالفتره .. نفس الحاله .. ماحملت .. شو السبب ماعرف ..
وقررت أني أكشف واسوي فحوصات ..
والحمدالله كل شي اوكي حتى البويضه شافتها الدكتورة .. وقالت كل شي زين ..
واستغربت والله .. وحده من الحريم قالت لي سوي فحص لقناة فالوب ..
بس البويضه كانت موجوده ؟
الحين كملت سنة و 8 شهور من تزوجت .. وسنة بعد ماسقطت الجنين الاول ..
طال انتظاري .. بس مابيأس .. لأن قصص بنات كثيرة صبرن ل 5 سنوات ..
0سنوات ... 17 سنة ..
بس خايفه .. وأريد حل ..