مارأيكم بهذا الخطيب نقاش جاد اتمنى الدخول

أنت قدري

14-12-2022 - 12:45 am

مساء الخير جميعا . . . .
قبل كلشي
بنات رجاء خاص لا تخيبوا املي فيكم
اتمنى قراءه الموضوع بتمعن
وفعلا تحطين نفسك بهالموقف وأبي الرد بجديه واكون شاكرة لكم
بدون مقدمات ..
نفرض انك بمرحلة خطوبة ( بعقد قران )
و خطيبك .. هذي ايجابيته وتلك سلبياته
ايجابياته ..
كريم
ويصل كرمه للاسراف على شغلات تافهه .. يعني على اخر الشهر تلاقين رصيده صفر
( شي ايجابي وسلبي في نفس الوقت )
مايكبر الامور..
لو زعل يرضى بسرعه ..
ولو غلطتي مايمسكها عليك
لو زعلتي لازم يراضيك ..
اجتماعي
ماديا ميسر
سلبياته ..
عصبي ..
حتى على اتفه الاسباب ,, ولما يعصب ينسى اللي قدامه .. حتى لو كنتي انتي
=============
مايتفاهم ..
ولو بغيتي تتفاهمين معاه يصارخ ويتكلم بصوت عالي
واذا قلتي له انت ماتتفاهم يقول انا اتفاهم بس انتي اللي ماتتفاهمين ..
(زين انت تصارخ شلون تتفاهم )
=============
قول بدون فعل ( أحيانا ) ..
لو طلبتي منه شي لاتسويه لمصلحتك ..
يقول ان شاءالله دامك معاه .. من يبتعد سواه
=============
عجول في كل شي يخطر على البال ( حتى في الفراش ) ..
ماعنده صبر ابد .. مثال ,, على النوم .. لوكنتي في احلى نومة . .
تخيلي تقعدين على صراخ وزعل .. مايسوا عليك هالنوم ولله
=============
غير صادق ..( غالبا ) سواء مواضيع بسيطة او كبيرة
=============
من عصبيته مايحترم اللي قدامه حتى لو كنتي انتي
=============
مو رومانسي
=============
اوقات المزح اكثر من الجد ,, ( مزح ثقيل )
يعني لو بغيتي تفاتحينه بموضوع مهم مثلا موضوع يتعلق بالبيت ..
تبين تتحاورين معاه في شي مهم مايعطيك مجال
يمكن عشان يتهرب من المووضوع نفسه
=============
مايثق فيك
.. من جميع النواحي .. دايما يشيك السجل والمسجات ولو جاك رقم غريب
يسال هذا منو ( بنوع من الغضب والاتهام )
لو مشيتي معاه بالسوق والتفتي لشي معين ..
يسالك : شفيك شاللي تطالعينه .. ؟ ( وهم بنوع من الاتهام)
=============
مايخليك واثقه من نفسك
.. يعني لو مرة سألك عن شي وجاوبيتيه .. مايثق بالاجابه
ويدور شخص ثاني يساله عشان يتاكد
=============
لو كنتي تدرسين مايشجعك على الدراسة ..
بس مع هذا كله يقول احبك!!!!
يقال ان ( وراء كل رجل عظيم إمرأة )
فلوكنتي خطيبة هذا الرجل
اللي يتمتع بقليل من الايجابيات .. والكثير من السلبيات
وبما انك مازلتي في مرحلة الخطوبة ( بعقد قران ) ..
فهل بامكانك تغييره .؟ ولو حاولتي وفشلتي .. تصبرين ؟
تصبرين اكثر وتبحثين للاستقرار والزواج وتستمرين معه ؟
ام لكل منكما طريقه ؟ والانفصال هو الحل ؟
والسؤال الاهم
هل رجل بكل تلك المواصفات يدخل القلب ؟؟؟

التعليقات (9)

~ C l a s s i C

14-12-2022 - 04:13 am

ام
أتوقع لا
شوفي أنا أكره صفة عندي الكذب أكرهها
وكل الصفات اللي قلتيها أحس انه انسان مو قد
المسؤولية ..يعني ما أقدر أعتمد عليه وما أحس بالأمان معه
هذا رأيي^_*

روح الغالي (:

14-12-2022 - 05:14 am

بصراحة لا
الله يسخر لك ويسخر لي ياارب ويستر عليك وعلي

هـمـس طفلــه

14-12-2022 - 06:15 am

لأ .. مش حقبل فيه حتى لو كآن يموت فيني . .
مدآمو مو وآثق فيني . . وكذاب ومآيتفآهم : |
آتحمل لو كآن فيه تفاهم . . بس عصبي ومآيتفآهم لا مآظنيت اني بقدر آستمر معه وبختآر الآنفصال . .
ثاآكيو ..

أنت قدري

14-12-2022 - 07:16 am

3 آراء ب لأ ..
يسلمو يحلوات وبانتظار باقي الحلوات

أنت قدري

14-12-2022 - 08:17 am

فوق وين الناس لاتحبطوني اهئ

* حبة لولو*

14-12-2022 - 09:18 am

صراحة فيه العديد من الصفات اللي تكرّه الواحد فيه لكن لو جيت للناحية الشرعية هل هناك سبب مقنع لطلب الطلاق ؟
هل يسكر؟ هل يتعاطى المخدرات؟ هل يسهر خارج المنزل أوقات طويلة؟ هل يمد يده عليك؟ هل وهل وهل وهل وهل..؟
صح اللي يده في النار مو زي اللي يده في المويه بس لا يجوز طلب الطلاق بسبب الأشياء اللي ذكرت هناك الدعاء في أوقات الإجابة وغيرها.. بأن يصلحه الله ويهديه ويسخره لك ويهديه لأحسن الأقوال والأفعال والصفات
جمع الله بينكما على خير

نسائم الود

14-12-2022 - 10:19 am

الحقيقة
فيه صفات حلوة تفقدها الكثيرات
بس سلبياته تخوف
تخليك تحتاجين كثير من التفكير حتى تقرري
بس بصراحة اذا كان كذا ولسا مافي زواج وباقي حيا بين الزوجين ومجاملات
اجل ايش بيصير بعد الزواج وصار يجرا ويمون عليك
اتصور ماراح ترتاحين
"وماخاب من استخار "
والمولى نعم النصير اددعي وماراح يخيبك راح يدلك للي فيه الخير
من كل قلبي اقول: الله يوفقك

كاتمه الصمت

14-12-2022 - 11:21 am

ايجابياته حلوه لكن فيها السي
لكن اهم شي الثقه
كل شي يهون ويتغير الا الثقه
اذا هو مايثق فيني كيف انا باثق في نفسي بتهتز شخصيتي
هذا رايي ولك حريه الاختيار
الله ييسر امورك ويفتح بوجهك ابواب الخير والسعاده
موفقه

^الماسه وحساسه^

14-12-2022 - 12:22 pm

انا كنت مخطوبة لواحد زي حالتك وبصراحة فضلت الانفصال وماني ندمانه
والله كريم يعوضك بالي احسن منه

موتى نفسك عشان جوزك ميتجوزش عليكى ههه←
ادخلوا ماراح تندمون→