ماضي دمر نفسيتي ريحوني الله يريح بالكم

السلام عليكم ورحمة الله وبركاته .. انا حدخل في الموضوع على طول واتمنى تقبلوه بصدر رحب لاني والله محتاجه لمساعدتكم في موضوعي اللي مو معكر حياتي غيرو ومني عارفه انا صح ولا غلط.
زوجي طيب ويحبني ومايرفضلي طلب الحمدلله وماشاءالله تبارك الله ..الله لايجعلنا ممكن يكفرن العشير .. هوا صارحني في ايام الملكه عن كل شي في ماضيه وماضيه زي اي شاب عادي بس انا في حكاية ماقدرت انساها وكنت حفك الملكه بسببها مع انها انتهت وراحت بحالها ومالها اي أثر بس راجعت نفسي وقلت كفايه صراحتو معايا وكل الشباب بيغلطو ووقتها انا ماكنت موجوده فحياتو فمالي حق احاسبو وهادا ماضي وانتهى وكملت معاه واتزوجنا والان ليا تقريبا سنه وتسعه اشهر متزوجه وسعيده وراضيه ولله الحمد بس مني قادره انسى دا الموضوع ومره شرت خوافه وشكاكه من دي الناحيه "اللي تخص الموضوع" مع انو عمري ماذكرتو ولاعايرتو بس يبان عليا من ردة فعلي وهوا مره تعب معايا بسبب شكي وغيرتي الزايده بس بالنسبه ليا اللي صار شي كبير يمكن عشاني احبو مني عارفه كيف انسى واشيل دا الشي من بالي الله يوفقكم لو عندكم حل ولو بسيط ساعدوني .