ماعاد فيني صبر

السلام عليكم ورحمة الله وبركاته
انا متابعه المنتدى ودايم اقرأ مشاكل كثير من العضوات وادري مافي احد ماعنده مشاكل وحياته
كلها راحه وصفاء
بس ماتوقعت اني في يوم من الأيام راح اكتب لكم اللي اعاني منه.
انا تزوجت من ثلاث سنوات وذحين ماشيه في الرابعه تزوجت وانا عمري 22 وفي فرق تقريبا
5 سنوات بيني وبين زوجي !
من اول ماتزوجت بعد شهور قليله اكتشفت ان زجي مدمن افلام اباحيه وعانيت كثير من الشي هذا
ومافيه فايده للاسف حتى اصحابه يرسلون له ع الايميل وياما لقيته مخبي عني في الجهاز وياسلام
لما اروح لاهلي واجلس عندهم وارجع الاقيه محمل مقاطع ومخفيها..
انا الحمدلله تربيت في بيت محافظ وكان ابويامحافظ علينا لدرجة مايخلينا نروح حتى لصحباتنا
اللي بيجي الله يحيه اما تروحون لا هذا كان كلامه لنا وانا احمد ربي ليل ونهار ان ابويا حافظ علينا
لان الزمن هذا مافيه امان..
المهم اني في بداية زواجي كنت غيوره جدا يعني تصير بيني وبين زوجي مشاكل بسبب التلفزيون
او لما نروح السوق واشوفوا يطالع في الحريم ولما يحس مني الشي هذا اني اغار او ازعل
تعرفون كيف كان يتعامل معايا؟؟
بالظرب والسب !!
وللاسف مقصر في حق ربه بعدين في حقي يعني مايصرف علي زي الناس ومايهتم واحسو اناني
لانه يهتم في اشياءه كثير اما انا صفر على الشمال!
كنت كل مااروح لاهلي امي تعطيني مبلغ مع انها امي كنت انحرج وارفض بس كانت تصمم علي
وزوجي كان موظف وللاسف كان مايصرف علي الا في المناسبات..
صح بكون جاحده للنعمه بس ماكان يصرف علي زي باقي الرجال على حريمهم مع انه راتبه الحمدلله
يسمح له !
والحمدلله مع اني صح مااكذب عليكم اقول ماابغى شي ..بس انا الحمدلله من النوع اللي يقتنع
يعني ممكن امشي حالي بس كان اهم شي ان زوجي يكون معايا تمام وطز في كل شي ثاني.
مع الايام انفصل من عمله وبدات المعاناه بعدها ..تخيلو كان يظلمني ويهزئني ومره من المرات
كان في العمل حقه وبيجوني اخواتي اهلي طبعا ماهم في نفس المدينه اللي انا فيها يعني هم
في مدينه وانا في مدينه المهم قلت لهم الله يحييكم تعالو ودق عليا بالصدفه ووقتها كان زعلان
قالي ماتستقبليهم طيب مو عيب هم مايجوا الافين وفين وانا قايله لهم تعالو اخر شي اتصل واقول
لاتجو.! ماقدرت صراحه كلمت الوالده قالت ماعليك انا اتفاهم معاهم وماجو طبعاً!!
والله كنت دايم اقول حسبي الله ونعم الوكيل على اي شي يصير لي منه للاسف اهله دايم معاه
حتى لما احكيلهم كل شي احسهم مايقتنعو ومن عيونهم احس يقولو علي كذابه!
طبعا قلت مره من المرات حسبي الله ونعم الوكيل فيك وهو سامعني مو من وراه
عاد في يوم من الايام قالي ربي مايستجيب لك انتي لانك تدعين علي بالظلم قالها واحنا صايمين
في رمضان وكان صباح..
فتره قصيره وانفصل من العمل وبدات المعاناه الحقيقيه
طبعا صعب يجلس في البيت بدون عمل في الاخير صار يشتغل ليموزين ورقمه مافي حرمه
تركب معاه ماتاخذه وشوفو عاد اللي تتصل 3 في الليل تبغى مشوار؟
واللي 5 الفجر!
وكيف حالك ..ورسائل اللي راسله له وظيفه في المكان الفلاني !
واللي ماعاد يوصلها وراسله له مااستغني عنك وماادري ايش!
صراحه انا وصلت حدي .
يعني معاملته معايا زفت ولايحس فيا وفوق هذا كله الحريم كلملو الناقص
فيه منهم محترمين تقول ابغى مشوار وتقفل لاتكثر ولاشي!
وبعضهم مايستحو اسمع ضحكها وانا جالسه جنبو بمسافه ؟
وانا صبرت وسمعت كلام من كثير ماشاءالله عليك ماادري كيف صابره على الحاله هاذي
وهم عارفين زوجي من زمان انه مو محافظ على صلاته ولايعاملني تمام وعصبي!
وانا مصبره نفسي اللي حارقني ذحين واكتب لكم وانا منهاره فيه وحده ماتستحي علي وجهها
وقليلة ادب ..تخيلو تقترح على زوجي كان بيوصلها ومعاها مجموعه تقولو عادي اركب قدام!
وتقولو انا اطمن معاك لو اروح مع احد غيرك لازم آخذ معايا احد!
وهي تشتغل في مستشفى ولا فوق هذا كله تخلي زوجي رايح جاي عليها
يشتري لها غدا من المطعم الفلاني ويوصلو لها الين باب المستشفى ومو بعيده ينزله لها
ويدخل بنفسه!
وعارف انه ماني مرتحاة لها وياما قلت له سيبها ودور غيرها مو راضي ..قلت له طيب
لاتسيبها بس لاتزودها معاك لدرجة تخليك حتى الغدا حقها انت تشتريه لها يعصب
وياما زاعلني ونام في مكان وانا في مكان بسبب الحرمه هاذي وربي انها حارقه قلبي
وهو مو عاجبه اني معارضه عليها ويقول محترمه وماادري ايش اذا محترمه يطلع منها هذا كله؟؟؟؟؟
المشكله ذحين اني حامل وهذا اول حمل لي والله واللي خلقني لو كنت ماني حامل
اني سبته لاني صبرت عليه كثير قلت يمكن يوم من الايام يتغير
والله ياما قالوا لي اهلي اذا ماانتِ مرتاحه معاه سيبيه من قبل مااحمل وانا ماسمعت كلامهم
صبرت وقلت يمكن يتغير وذحين لما اشوف ان الوقت مناسب اني اسيبه صرت مااقدر لاني حامل
مع ان اهلي قالوا لي مستعدين نستقبلك انتي وعيالك بس اهم شي تعيشين مرتاحه
واصلا اهلي انصدمو فيه لان كثير مدحوه لنا وقالو طيب ومحترم وفي الاخير للاسف طلع العكس
انا ماانكر اني عشت ايام حلوه معاه بس تنعد ع الاصابع والله اكتب لكم وانا منهاره ودموعي بعيوني
وقل مااتذكر اللي في بطني اقول اش ذنبه وفي نفس الوقت ابغاه..
طولت عليكم وهذا اللي كتبته فيه اشياء ماكتبتها لان لو كتبت اكثر يمكن اللي يشوف موضوعي يعرفني
وانا ماني ناقصه اكثر من اللي شفته وحسيته
دعواتكم ان اذا حياتي فيها خير لي معاه تستمر واذا فيها شر لي معاه تستمر
ويصرف الحرمه هاذي اللي اشوفها انا شيطانه عن حياتنا
والله لايوريكم اللي شفته ..