ماقدر أدق المسمار فما هو البديل

السلام عليكم
كيفكم يامبدعات ..
أخذت جولة ممتعه في القسم وبصراحه لفتني ناس أذهلتني بأعمالها ماشاء الله
ماشاء الله فيه أذهان مبدعه يمكن تعطينا شوي من إبتكاراتها
بقولكم سآلفتي مابغى اسميها معاناتي عشان مايتأزم الوضع أكثر <~ ياحياة الشقا
كل يوم اصبر نفسي
أنا ساكنة بلندن والشقه حليوة لكن جدرانها فاضية تجيب الكئابه ولونها بيج وإضائتها اصفر
وأثاثها بني
وعليها تأمين يعني ممنوع أدق مسمار فيها ولازم أسلمها زي ماأستلمتها
ويبغالها شوي لمسات وتصير مريحة لأن الوضع مو عاجبني لا أقدر احط علاقات ملابس ولا لوحات ولا شي يفتح النفس
أحترت أش اسوي بحيث اركب لوحات بدون مسامير وتخريم جدران
والعلاقات الجاهزة مااظن تخدمني باللوحات يمكن تنفع للملابس لكن للحين مالقيتها بالسوبر
فكرت بالقماش اللي يلصق مادري شو اسمو المهم تبع التشيك تشيك <~ أفهموها عاد
ألصقه في الجدار واللوحة واخاف يكون خفيف وماتثبت فيه
ابغى شي مايخلي اثر على الجدار لو طلعنا من البيت
اخاف احط غراء واذا جيت اشيلة تنشال البويةالأساسيه معاه
مع اني ماراح اركب شي كبير يادوب اطارات خفيفه وصغيرة زي اللي بإيكيا
وعندي طلب ثاني أبيكم تشورون علي فقط <~ مع اني احس المكان غلط لكن مشوها
وش رايكم اسوي حركة بالتجليده زي البويه بشكل طولي وألوان بس بالركن عشان يصير المكان فرايحي شوي
لأن الكنب الموجود لونه بني والستارة بني وناوية اشتري زولية ملونة وفاتحه وخداديات ملونة
تتوقعون تنفع التجليدة الخفيفه ولاّ فيه بديل ..؟ غير ورق الجدران لأني اخاف يخرب الجدار عند النزع
طفشت وربي حتى ماقدر اغمض عيوني من الأفكار براسي
وإن شاء الله لو لقيت فكرة راح انزل صور قبل وبعد
يلا العشم فيكم