مالي بعد الله غيركم يافراشات

بسم الله الرحمن الرحيم
السلام عليكم ورحمة الله وبركاته
حبيباتي واخواتي الفراشات..ابي منكم خدمة
زواجي بالصيف بمشيئة الله تعالى وقررت تكون الكوشة والطاولات نظام بحري
والمفارش فوق الطاولات بعد..المشكلة ابي فكرة مبتكرة للمدخل وفكرة للزفة وفكرة للمسكة وفكرة لفستان الزواج هل اختار اوف وايت ولا بيج ولا ابيض ولا ذهبي ولا اوف وايت واضيف عليه شي يدل على ان كل شي بحري ؟ وابي طريقة حلوة وغير تقليدية لو ضعية الطرحة فوق الرأس؟
تكفون حبيباتي ابي منكم هالخدمة ابي افكار للمدخل تدل على ان كل شي بحري يعني اول مايدخلوا الضيوف بمجرد مايمرون على المدخل قبل الصالة يحسون كانهم داخلين داخل البحر..وش بعد ممكن اضيف على فستاني ؟ومسكتي وش تنصحوني اجيب مسكة تدل على النظام البحري؟
بنات جدة ياحبيباتي ولا هانوا الفراشات الباقيات.,ابيكم تساعدوني وين الاقي فستانين زواج تصميمها رائع ومبتكر واسعارها معقولة؟ومحلات للمسكات؟وياليت اي وحدة عندها طريقة للمسكة سواء طريقة في مسكتها بيدي او تكون مثلا لها حركة معينة مثل ماشفت في مناسبة تكون المسكة بداخل صندوق وتجي العروس وتاخذها ابي طريقة مبتكرة.وبعد طريقة عمل الشرعه او الطرحة.
الله يعطيكم العافية والله يستجيب دعوة كل من تفيدني وتساعدني..
للعلم فقط زوجي مهو بداخل معي والقاعهة مافيها نظام بلكونه يعني عبارة عن باب خلف الضيوف تطلع منه العروس وممر طويل للكوشة.تكفون ساعدوني بافكاركم..