ما عندي أحد أشتري له حق العيد

شمة البادي

21-03-2022 - 03:13 pm

هلا اخواتي اشحالكم ..؟؟

عساكم بخير .. وعسى الله يرزق كل محرومة بالذرية الصالحة ..

هلا اخواتي اشحالكم ..؟؟

عساكم بخير .. وعسى الله يرزق كل محرومة بالذرية الصالحة ..

أمس أجتمعت مع حريم أخوان ريلي.. وكل وحده يلست تقول شو شرت حق العيد لعيالها من ملابس واغراض.. وحرمة اخو ريلي اللي متزوجة مع بنفس اليوم وماشاء الله عندها بنوته عمرها 9 شهور-طبعا كنا مجتمعين عندها- يات تراوينا ملابس العيد للبنوته والذهب اللي شرتهم لها(جنها تغيضني).. وطبعا كل وحده تتكلم عن عيالها وهالسوالف وانا يالسة كالاطرش في الزفة.. ما عندي حد احكي عنه.. ما عندي حد اشتري له..
شريت كل شي حقي ..الاشياء اللي احتاجها واللي ما احتاجها لميتها من السوق بس سبحان الله ما حسيت بفرحة ابدا ... خاطري اشتري ولو لعبة لولدي او بنتي...
خاطري اشتري بدلة حق ولدي او طقم حق بنوتي ...
خاطري احس انه عندي طفل اهتم فيه وادلعه واكون امه...
يالله ابي استمتع مثلهم ..ابي احس بأمومتي..
عمري يمضي ويضيع.. وانا اتريا ,,,,,,,,,,,,,,,,,,,
متى ارتاح بضمة وليدي لصدري ..
متى احس بالاحساس اللي هم يحسوه؟؟!! ويستمتعوا بيه؟؟!!
الله يخلي لهم عيالهم يارب والله يرزقنا جميعا بالذرية الصالحة ..
ع فكرة بنات سرت عند دكتورة فوفو وطلع عندي تكيس بالمبيضين..
وذيج الدكتورة اثرها مافاهمة شي ..تقول انامافيني شي بس التهاب وعطتني مضادات لمدة 17 يوم وتحاميل لشهرين مع اني ابدا ما كانت عندي اي اعراض للالتهاب ولا هي سوت لي اي تحاليل او زراعه..الله يسامحها بس
ضيعت شهور عالفاضي..
المهم ..حد يخبرني هل التكيس صعب ؟؟!!
وعلاج التكيس يطول ؟؟؟ وشو أفضل علاج له؟؟!!
وهل ممكن مع التكيس الوحده تحمل ؟؟!! ويثبت الحمل ؟؟!!

التعليقات (9)

شمة البادي

21-03-2022 - 05:27 pm

وصح قالت لي لازم انزل وزني ..
بس مشكلتي ما اصبر عن الاكل ..
احس يوم اسوي رجيم تزيد عندي حالة الاكتئاب..
وانا اصلا مب ناقصة اكتئاب!!
شو اسوي بنات نصحوني ؟؟!!
وصح بغيت اسأل شو أسباب التكيس ؟؟!
من نوعية الاكل ؟؟!!

أم فاطمة وحمزة

21-03-2022 - 06:28 pm

كلامك اباكى حبيبتى رزقكِ الله عاجلا غير اجلا انتى وكل محرومة حبيبتى ربك كريم ليكِ بالدعاء ربك يحب العبد اللحوح ادعلى مهما طالت المدة اعرف اخوات كثير بعد مده طويل ربنا اكرمهم بالزرية منهم اختى عندنا نفس مرضك واكرمها الله بست اولاد فى عشر سنوات بعد سنين علاج واشعات افرحى حبيبتى ولا تأسى من رحمة الله هدعيلك انتى وكل محرومة بالزرية الصالحة

أم فاطمة وحمزة

21-03-2022 - 07:29 pm

حبيبتى لازم تنزلى وزنك ده الحل ان شاء الله جاهدة واصبرى وان شاء الله تحملى قريب

ام كنان

21-03-2022 - 08:31 pm

معلش حبيبتى احمدى الله على كل شىء لا تعرفى رب العالمين ماذا مختار لك ، وطبعا اكيد الخير ، لا تزعلى وان شاء الله العيد القادم تشترى حق ابنك ؟وكل عام وانتى بخير

بنت الاصول000

21-03-2022 - 09:32 pm

الله يرزقنا ياعيني ويفرحنا ان شاء الله
وما يجي رمضان الا واطفالنا بين ادينا امين يارب

شمة البادي

21-03-2022 - 10:33 pm

مشكورات حبيباتي عالردود ..والله يخلينا لبعض ..
والله ان شاء الله يرزقنا بس سبحان الله ما حاسة بطعم العيد..
احس نفسي ما ابي اعيد ..
ما ابي اطلع اواجه الناس ..
يللا الله يعين..

نوف العوف

21-03-2022 - 11:34 pm

ربي يرزقك والعيد الجاي تجين وتحكين لنا وش شريتي لولدك والا لبنتك
قولي يارب
وربي ماينساك
يارب ترزق اختي وحبيبتي شمه البادي وتفرحها بالحمل وتمامه قريب غير بعيد

توتي الصغيره

22-03-2022 - 12:35 am

الله يرزقك ويرزقني ويرزق الجميع ان شاء الله السنة الجاية تطلعين صور لبس اولادك

بلسم القلب

22-03-2022 - 01:36 am

يارب ياكريم ترزق شمة البادي وكل محرومه
انت القادر على كل شي يارب العالمين
..
..

الكل يدخل ممكن0000000000←
طمنوني تراني على نار→