ما كنتي تعرفي انجليزي وبعدين صرتي محترفة ساعديني

هلا حبايبي كيفكم ان شاء الله بخير ...
اتمنى الاقي منك حل لمعاناتي مع الانجليزي .........
اذا كنتي ما تعرفي انجليزي وبعدين صرتي تعرفي ياريت تكتبيلي ايش سويتي ولا كيف اتعلمتي ...
لا تقوليلي معهد ماراح اقدر اروح .... واذا جات على الكتب
عندي واشرطة وعندي وسي دي عندي (طبعا راح تقولوا هذا كلة
وماهي عارفة ايش التناحة هاذي )
الصراحة اني افهم الي يتكلمو بس انا ما اقدر اتكلم ولا اعرف
اركب الكلام مع بعض حاسة انه مرة صعب
وحوسة وقد ما حاولت اتعلم افشل ..
وكل الوظايف الي قدمت فيها يحتاجوا لغة .... وتعالوا واتفرجوا
علية في المقابلة الشخصية ...
يعني تخيلوا مرة رحت سويت مقبالة في البنك الأمريكي سامبا
وقابلتني مديرة الفرع وكل المقابلة كانت تمام الا في شي واحد ....
سألتني ايش سويتي من يوم ما صحيتي إلا ما جيتي كلميني
بالإنجليزي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وانا
ياسلالالالالالالالالالالالالام على دي الورطة يالله في
اسهل من اني صحيت من النوم ودخلت الحمام وفطرت ولبست
وجيت على البنك ..... لكن ايش تقولوا مع وحدة زي
(مع العلم انه معايا شهادات انجليزي من المعهد السعودي الثقافي وكلها 95 97 من 100 )
المهم ايش رديت على مديرة الفرع اخذت الموضوع مزح وعرفت
اني مراح انقبل وقلتلها good bye غود باي ههه طبعا سألتني عن
المدرسة الي درست فيها وقلتلها اسم المدرسة تخيلو ايش قالتلي انه
المدرسة هاذي البنات عشان ينجحوا في الثانوية يروحوها عشان
يجمعوا علامات .......... والله فشيلة ... بس والله مو كل بنت كانت
في مدرسة خاصة اتخرجت وهيه تعرف تتكلم انجليزي ...والجامعة كل سنة وانتو طيبين تدخلي وتخرجي وبرضوا انجليزي مافي ...
وغير المواقف الي تسير في المطاعم اتكلم واركب جمل خطأ بس
الي قدامي يفهمني ....
وتخيوا موقف صارلوحدة من صحباتي ونفس المعاناة راحت لمطعم
وبس كان قدامها ملعقة وسكينة وهيه دحين تبغى شوكة ياللة كيف
تطلب الشوكة تخيلوا ايش قالت للجرسون (بليز اي ونت سستر
اوف سبون ) طبعا الأخت تقصد انها تبغى اخت الملعقة إلا هيه
الشوكة وبعد عناءءء طويل فهم الجرسون وجات الشوكة بس
الحمدللة هاذي البنت دحين في لندن راحت تاخد لغة ودايما تقولي
اروح وارجع وياريت الاقيكي اتعلمتي الانجليزي والله يابنات نفسي بليز .....................