مبتدئة تبغين تشترين ماكياج كامل ولا تعرفين ارجوا من الجميع الدخول

السلام عليكم ورحمة الله وبركاته
مساء الخير
شخباركم فراشاتنا عساكم بخير
موضوعي اليوم مهم وارجوا منكم الافادة والتجاوب معاي عشان نستفيد كلنا وكل وحدة تكتب اللي عندها عشان نتبادل الخبرات
الموضوع هو اني كل ماتكون عندي مناسبة وابي احط مكياج احس اني في اشياء ناقصة مع اني دايما اشتري مكياج ماشاء الله كل يوم عن يوم اتزيد المنتجات وتطلع اشياء جديده
وابي اسمي هذا الموضوع
أدوات المكياج من الألف إلى الياء
وفي وايد بنات مايعرفون شو اللي يحتاجونه من المكياج وخاصة المبتدئات والعرايس
موضوعي اليوم هو للي ما عندهن خبرة أو المقبلات على زواج زهبة ماكياج كاملة وممكن اتكون الأساسيات أو الأدوات الرئيسية للمبتدئات في عالم الماكياج...
يالله عاد نبي كل ادوات المكياج كل وحدة تدخل اتقول شو عندها وإذا عندكم صور حطوا عشان نستفيد اكثر و نشتري ونعرف شو اللي ناقصنا

• كريم قبل المكياج (مرطب)
• البودرة المضغوطة
• كريم الاساس
• البودرة المنثورة
• فرشاة البودرة والاسفنجة
• خافي العيوب
• الشذو بكل ألوانه مع فرش الشذو كاملة المائلة والعادية والاسفنجية من مكياجي
• الكحل السائل والجاف (القلم) مع الفرش
• البلاشر مع الفرشاة
• الارواج الجافة والسائلة(القلوس)واقلام التحديد والفرشاة
• مشط الحواجب
• البرايه
• منظف المكياج مع القطن
• شنطة المكياج

ومب عارفة شو بعد عندي كبت كامل خ
تقريبا عندي كل شي بس ناقصني بودرة الاضاءة وبودرة تصغير الانف اللماعي ومثبت الشذو
ومب عارفة اذا نسيت شي
يالله بس ابي اسماء المحلات عشان المبتدءات يعرفون واسماء الماركات والاسعار