متابعة ريجيماتى انا وعيلتى

يا فراشات اذيكم
هاحكيلكم اللى حصل معى
واتمنى تدعولى انى اعرف اوصل لهدفى
ممكن فى البداية تنادولى ((جاكى))
المهم
انا دخلت الموقع هنا من اسبوع واتشجعت معاكم اوى وطبعاً انا لسة متشجعة بيكم
انا كان عندى ميزان باتابع عليه وزنى كان وزنى قبل الريجينم 80 كيلو
ولما غيرت الميزان وزى ما اغلب الفراشات عارفين وهم اللى مشجعينى جبت ميزان جديد ديجيتال
لقيت ان القديم مش مظبوط وفيه فارق 2 كيلو
الهمم كان وزنى 82 كيلو وخسيت حتى الان 5 كيلو بتشجيعكوا
ودلوقتى انا بقيت 77 (ده قياسى الجمعة اللى فاتت)
وانا قبل الزواج والاطفال كان وزنى 66 كيلو
لقيت زوجى كمان زايد ووزنه 93.1
وبنتى اللى عندها 7 سنين ونص وزنها 37 كيلو
فقررنا كلنا نعمل دايت مع بعض
فقررت التزم بالموضوع ده انا وزوجى وبنتى عشان كلنا زايدين
هاكتب يومياتى انا فقط
لكن الوزن هاتابعه كل يوم جمعه معاكوا ومع الجروب الجميل اللى انا مشتركة فيه
اما ابنى الصغير مش محتاج دايت وزنه كان 16.5 كيلو وعنده 5 سنين يعنى مثالى الحمد لله
هابدأ من اليوم معاكوا بيومياتى
اليوم الثلاثاء
الفطار : فنجان قهوة + 1 توست ريجيم + كوب زبادى لايت
الغدا : ربع قطعة مكرونة بشاميل
العشاء : نص قطعة مكرونة بشاميل
الرياضة : مشيت 4 دقائق فقط وجالى تليفون عطلنى عن المشى بالسير