متضايقه حيل دورولي حل

1. بسم الله الرحمن الرحيم


2. كيفكم بنات ان شاء الله تمام

بسم الله الرحمن الرحيم

كيفكم بنات ان شاء الله تمام

المهم... انا طبعا طالبه بكليه عمليه درست السنه الاولى عند اهلي والثانيه درستها بعد ما تزوجت ونهايه السنه الثانيه حملت بس مو ماده حملت بيبي وطبعا نص الحمل كانت بالاجازه داومت ثالث وانا بنهايه السابع المهم داومت وكافحت ولا غبت ولا يوم عشان اذا ولدت يصير عندي رصيد بالغيابات كملت الحمل كله ولا غياب ولله الحمد لانه اصلا كنت اروح وانا ابكي بس قلت لازم اتحمل ولدت ولله الحمد وجبت بنوته وبعدها ما قدرت اكمل الكليه تعبت وسهرت مع بنتي وطبعا هذا الكلام على نهايه الترم الاول انا درست كل شي ما بقى لي الا الاختبارات بس للاسف مره كنت مو قادره اكمل اجلت السنه والان بدت السنه الجديده احس بضيقه بصدري جالسه اشوف صديقاتي برابع وانا بثالث لا والمحاظرات ممله لانها مكرره بالنسبه لي واوقات محاظراتي غير عن زميلاتي وانا مو من النوع اللي يصاحب ويخالط الطالبات بسرعه المهم هذه مشكله ان شاء الله اتفاداها ولكن المشكله الكبرى اني احس اني اهملت بنتي وزوجي زي ما قلت لكم بالبدايه انا بكليه عمليه يعني شغل بالبيت ومكاتب وحاله
المهم انا من النوع اللي اذا كثرت علي الاشياء اضيع واجلس ابكي زوجي تضايق مني يقولي انت بس كذا نكد وبكا حتى الرغبه في العلاقه الزوجيه معدومه جلست اقرأ اسبابها بالنت طلع من اسبابها القلق وقله التركيز
اسفه طولت عليكم بس ياليت تتحملوني وتشورون علي الان من الاولى بيتي والا دراستي علما ان باقي لي سنتين واخلص ما تحسونها خساره اني ما اكمل ؟؟؟؟؟؟؟؟؟؟؟؟