متضايقه وابغاكم تساعدوني

صراحه لو ما احسكم زي اخواتي ما افكر اكتب لكم الموضوع نهائي بس يا ريت تفيدوني لاني محتاره ومتضايقه انا بقولكم السالفه من اولها عشان تكونو معايه في الصوره وتكونو فاهمين كل شي يلا نبدا
لما كان عمري 16 جات عمتي وخطبتني لولدها وكان توه جاي من امريكا طازه الله لا يبلى مسلم كان يسوي كل شي خمر على زنا الله لا يبلانا على كل شي تتوقعوه المهم في ذيك الفتره كان فيه مشاحنات بين امي وابويه لانه امي مو موافقه وابويه عشان اخته موافق مع انه ماحد داري عن الولد انه يسوي ذي البلاوي بس امي مو مرتاحه المهم ماحد كان داري عن الموضوع الا امي وابويه بس جاء صاحب اخويه ذيك الفتره وتقدم لي كان انسان خلوق ومحترم وما شاء الله عليه ما فيه عيب وملتزم المهم ابويه قله انه البنت مخطوبه وانفجعنا كلنا لانه كنت متامله انه يكون زوجي المهم الولد صار مره ما يكلم اخويه وانقطعت علاقته فيه لانه على باله انه اخويه داري عن الموضوع المهم ملكت على ولد عمتي وكانت الملكه مدتها سنه وفي ذي السنه حسيت انه مغصوب لانه ماكلمني الا 3 مرات بس تخيلو المهم قلت امكن يتعدل بعد الزواج وتزوجت الله لا يوريكم يا بنات اللي شفته خيانه وخمر وفي شهر العسل ورربي ما حسيت بمعنى الكلمه اني متزوجه نهائي المهم قعدت معاه سنتين وما كان نهائي يجيني يعني ينام معايه كان تعامله معايه زفت يعني ما اشوفه الا في الشهر مره رحت عند اهلي ورجعني على اساس انه راضاني ولا كانه في فايده رجع الحال اسى من اول لين ما حصل الطلاق بعد كذا جاء صاحب اخويه اللي قلت لكم عنه وتقدم لي وخطبني من جد يا بنات توني احس انه فيه زواج شي مشترك بيني وبين زوجي بس فيه شي مضايقني فيه انه لما يتذكر سالفتي الاولى يقول انه ابوكي هوه السبب والله يا بنات اني صرت اوسوس انه يكره ابويه تخيلو لانه كل ما جات سيره ذاك الزواج بالصدفه يطلع موال طويل عريض عن ابويه لانه هوه السبب كم مره حاولت افهمه انه قسمه ونصيب بس للاسف مافيه تفاهم يا بنات ساعدوني ايش اسوي خايفه اكره والسبب كلامه عن ابويه بالشكل ذا وخاصه انه ابويه مره يحبه ويعده زي اخواني الثانين بنات بليز ساعدوني وربي محتاره