متفشله من وضعي وفقر زوجي انصحوني

1. السلام عليكم ورحمة الله وبركاته

السلام عليكم ورحمة الله وبركاته

انا اول مره اكتب موضوع هنا اتمنى انكم تتفاعلو معي وماتفشلوني وقبل كل شي اتمنى كل وحده تحط نفسها مكاني وتنصحني على هالاساس اوكيه اتفقنا
اولا خواتي انا ساكنه في شقه ملك الحمد لله بس على ماتملكنها فلسنا يعني زوجي ماعنده ولا وراه المهم سكنا في الشقه وهي بلاط يعني ننام على البلاط مافي الا مكيف واحد في الشقه كلنا متحاشرين في ذي الغرفه الصاله بلاط بس المجلس كذالك بقية الغرف نفس الوضع انا ساكنه في نفس المدينه الي اهلي واهل زوجي فيها وحنا لنا اكثر من 4سنوات ماعزمناهم لان شقتنا بلاط ومافيها الا سجاده وحده في الغرفه الي احنا قاعدين فيها ناكل فيها نام فيها كل شي فيها متخيلين الوضع ومانقدر نروح لهم لانهم دايم يعزمونا ونروح لهم ونستحي نروح مرة ثانيه المهم انا نفسيتي تعبت مره من الموضوع هذا سنه ورى سنه مو قادرين ناثث ذا البيت وانا وحده مره اجتماعيه احب اعزم اهلي واهله اخواني واخوانه بس كنت مستحيه واقول في نفسي يابنت لو عزمتيهم وين تقلطيهم فشله من اهلي واهله يابنات انا الحين جاني احساس صرت عادي مو متفشله من احد لان السنين تركض واخاف شيابنا يصير فيهم شي وحنا لسه نستنا الفرج يعني صرت ماهمني كلام احد ابي اعزم اهلي وجلسهم على السجاد عادي مافي شي صح واعزم اهله واجلسهم على السجاد نفسه عادي مافيها شي انا بوصفلكم الغرفه الوحيده المؤثثه عندي الي بستقبل فيها الضيوف عشان تنصوني وش اسوي وتكوني معي في الكره هي غرفه سيراميك فيها سجاد عادي جدا وصغير الدريشه مافيها ستائر المكيف ماعليه برواز وسلامتكم ها لو انتم مكاني وش بتسون بتعززمون ولا بتستحون انتظركم ولا تقولون اشتري من الرخيص ما افي فلوس لاللرخيص ولا للغالي اللهم لك الحمد من قبل ومن بعد