متملكه ومتضايقه من كلام خطيبي تكفون ساعدوني يامتزوجات الله يسعدكم ويفرج همومكم

انا إنسانه حساسه عمري 25 وخطيبي 31
ملكت من شهر ماكان ودي كل يوم اكلم خطيبي بس هو اصر اكلمه كل يوم
وماكنت اناديه الأ يالغالي او غلاي او دنيتي سواء بالرسائل او المكالمات
وحسيت انه متضايق من ذا الشئ ودايم يقول انا رومنسي )مثل اللي يقول كوني رومنسية صرت ادلعه
اقوله حياتي روحي عمري لكن ابد ابد ماقدرت اقوله احبك او اعطيه بوسه ودايم يطلبني واقوله بعد
الزواج....... لكن من كم يوم احسه صار يستفزني مثلا جالس يوصف المصوره في ملكتنا يعني ماشاء
الله عيونه على المصوره والبارح يتكلم عن خاله يقول يقولي خطيبته صغيره عمرها 18 سنه ابد
ماتتكلم طول وقتها بالجوال ساكته شكلها حيويه وانا قلت له الله يعينك عليها وقلت له عنا وقلت له
عن رسايلنا انا وانتي قال خطيبتك تبادلك نفس الشعور عشانها كبيره عمرها 25 ودايم يقولي خالي
يقولي خطيبتك كبيره احسه عقدني من عمري وانا لي سنتين مخطوبه وتوي ملكت
وما صرت افهم عليه ...هو موظف ويدرس انتساب بالجامعه ويذاكر هالأيام وبعد كلامه قلت له خلاص
ما ابي اكلمك الأ بعد شهر ونص بعد ماتذاكر وتختبر وزعل واليوم مقفل الجوال........
بنات اش اسوي معاه اسلوبي معاه صح او خطأ