مجموعة كرب وهموم ياربي فرجها ارجوكم أدخلوا وأدعوا لي

عزيزاتي ...هذا المكان الوحيد من المنتدى اللي احس فيه بطمأنينية وراحة وأحس فعلا أن كل مافيني من هم وضيق يروح طبعا بعد الله سبحانة بعد ما أقرا ردودكم الطيبة ومساعداتكم للبنات وها أنا جيتكم أفضفض لكم مافيني,, واللي عندي مع كل بنت خايفة على مستقبلها وايش ممكن يصير لها في السنوات الجاية من عمرها,,,,,
أنا عمري 25 ملتزمة وأحاول أرضي ربي بكل شي وأستغفر أحيانا و أقرأ سورة البقرة وأحيانا تجيني فترة ركود وخموول وكسل ما اسوي شي,,,أنا متخرجة وماحصلت وظيفة رسمية إلا بالأجر اليومي تكون فترة قليلة وتنتهي بعدها يعني ممكن أحصل منها مبلغ تسد مصروفي وحاجياتي الشخصية وأهلي ما مقصرين علي بأي شي وربي يعطيهم طولة العمر والعافية ,,,,,>>>وين المشكلة طيب
أنا راضية بقضاءوقدر ربي متى أتزوج وعلى مين وأنه كل مكتوب وأنا ببطن امي بالرغم من انه عندي اختي اصغر مني ب 6 سنوات ومتزوجة ووراح تولد قريب وانا فرحانة انه راح اصير خاله قريب,,, موضوع زواج أختي قبلي أثر فيني لفترة مؤقتة بس داخليا وغصبا عني ومابينت لأحد وبنفس الوقت متفائلة ولازلت بس تلاشى تدريجيا خاصة وأنه راح تولد ها الأيام وراح تتنفس عندنا بالبيت وراح يكون عندنا بيبي في بيتنا بعد فترة طويلة>>> للبنات اللي ماثر فيهم هذا الموضوع
بس لابد من التفكير والهم وهو أنه أنا خايفة ما يجيني رجال أنا ما ارضي به يعني مافيه من الموواصفات اللي انا أبغاها أنا متأكدة أن ربي راح يستجيب لدعاائي وأنه راح أ تزوج يوم من الأيام بس خوفي من الشخص نفسة كيف شخصيتة وكيف تفكيرة وسلوكة,,,,
أنا في بالي شخص يقرب لي من اولاد عمي هذا الولد ملتزم وبار بأمة ورجال بمعنى الكلمة وهبة ريح الكل يمدحة في أخلاقة حتى والدي سمعتة مرة يمدحة ويمدح أهلة وأتمنى انه يكون زوجي واحيانا أدعي أنه يخطبني بس سمعت من بنات أنه ما تدعين بشخص معين يمكن باطنة مختلف عن ظاهرة و يكون العكس وما اتوفق بس صرت أدعي بالرجال الصالح اللي فيه الصفات اللي أنا أبغاها ,,,
بس المشكلة أن أمي ما تحب هذولي الناس لإنه مستواهم أقل مننا وراتبة ضعيف وماعنده دخل قوي مع أن أخواته يحبوني و يهتمون فيني وأمي حست أنهم يبغوني بس أمي عندها اسلوب اقناع وأقنعت والدي بأنهم مش أوكي وأنهم فيهم أشياء مش حلوة,, والله اني مقهورة ليش امي تسوي كيذا!!!وأمي تمدح اهلها عند والدي أنهم يحبوني و وأنا مستحيل اوافق على اي احد من أولادهم لأنهم ما يناسبوني لا في شخصيتي ولا ميولي ولا أحبهم ما أتخيل أني متزوجة عندهم,,,,
أنا شخصيتي ضعيفة وحساسة أحيانا وكتومة للآخر شي وأحاول أرضي امي ولا أرفع صوتي عشان ربي ما يسخط على وأنفذ لها طلباتها حتى لو ماكنت مقتنعة ولا عاجبني بس خفت ما تلزمني بشخص انا ما أريده مع أني انخطبت اكثر من مرة وأهلي يردوهم من غير علمي بحجة أنهم منتظرين الأحسن,,,, بنات والله بالي مشغول طول الوقت
لا تقولون لي سوي واشغلي وقتك أنا دخلت أكثر من دورة بعد ماخلصت دراستي واشغل وقتي باي شي بس مادري ليه هذا الموضوع شاغل بالنا وهو همنا الكبير أستغفر الله,,,
ابغى منكم أي كلمة تريحني ودعوة حلوة ويعلم الله أني بكل صلواتي أدعي لكل بنات المنتدى بالزوج الصالح اللي يسعدهم .....
تحياتي لكم