محتاجة استشارتكم في موضوع مضايقني يا متزوجات

السلام عليكم اخواتي
هذا اول مووضوع لي في المنتدى لاني مو لاقيه اشاور احد حولي لانه ممكن يسبب مشاكل لذلك فضلت اني استشيركم و اعرف رايكم
انا متملكة لي فترة و الحمد لله زوجي طيب و حنون لكن احيانا في بعض المواضيع يعاند و يتنح و لاسباب غير منطقية
زواجي راح يكون بعد ثلاث شهور و للحين بس حجزوا القاعة ما رتبوا باقي الامور من طقاقه و فوق الطاولات و الكروت ...الخ ، عايله اهل زوجي شوي عمليين و ما يهمهم التنسيقات و الاخراج الاخير للمناسبات و انا و جماعتي العكس تماما ننتبه للتفاصيل هذه و انا احب اسوي هالامور كلها بنفسي
مثلا فرح اختي و فرح اخوي انا كنت مرتبه كل شيء و كنت مبسوطة و انا اسويه و اخرجه بالشكل المميز و المبهر
احنا عادات الزواج عندنا انه الزواج كله على اهل الزوج و العروسه و اهلها يجون زي الضيوف، و العروسه مالها علاقة الا بالكوشة و زفتها و الباقي مالها علاقة فيه و لا تتدخل فيه ..
في فترة الملكة اللحين، ترددت كثير قبل ما اقول لزوجي و بعدين قلت له اعطيني المبلغ اللي ودكم تحطونه في الطاولات و التنسيقات و انا بنسقها مع بعض حتى تصير كلها تصميم واحد بداية من الكروت لين الكوشه لين فوق الطاولات ..الخ و قلت له ماراح اتعدى الميزانية اللي انت حاطها
استغربت رده فعله، قال لي لا انا ما ابغى اتعبك و الحريم ما يملى عينهم شيء.. و الترتيب و التنسيقات بزيادة تخلي الناس تحسدك و تقول اش هالعروسه اللي مرتبه كل شيء.. انا لو عليه ما اخلي فيه فرح للحريم ولا اخلي الحريم يشوفونك لانهم راح يحسدونك
و قال انا بحط شيء ياكلونه على الطاولات و مو شرط يكون مرتب و منسق بزيادة.. يحمدون ربهم اي شيء يحطونه ياكلونه و يمشون.. لانه كذا كذا راح يحشون ليه تتعبين نفسك!!
قلت له ليله الزواج مره وحده و احنا لازم ننبسط فيها و انا احب هالتنسيقات و زواج اخواني انا كنت مهتمه بالامور هذه.. و اذا انت تبي تسوي زواج عشان الناس ولا زواج يفرحني و بالشكل اللي احبه... اذا انت بتسوي فرح عشان الناس لا تسوي فرح احسن...
قال افضل بس اعطيني طريقة اقول لاهلك فيها.. و المبلغ اللي راح يكلف في الفرح راح احطه في يدك و انتي حره فيه !!!
هو عملي مره و ما يهمه التنسيقات في يوم الفرح .. يقول اهم شيء عندي في ذاك اليوم انه تخلص الزفه بدري و اخذك معي !!
هذا غير انه ما يبغى ينزف معي عشان الحريم... يقول يحسدونا و يقارون و كذا... قلت له ممكن نسوي زفه بعد المغرب انا وياك و ماراح يكون احد في القاعة و خلي المصورة تصورنا و نفرح و ماراح يكون فيه احد... و بعدين انزف لحالي اخر الليل عند الحريم ... قال لا مافي داعي و انا ما ابغى انزف !!
حاولت اقنعه و قلت له انت حاجز قاعه و متكلف عشان ما تفرح ليه... لازم نفرح يومها و نرتب كل شيء يفرحنا... احنا مو مسوين الزواج بس عشان نسكت الناس !!!
طبعا ما اقتنع و اخر شيء قال هذا الموضوع قفليه ولا تناقشينه معي مره ثانية ... !!!
اسلوبه العملي والله كسر فرحتي مره .. انا ودي ننبسط في هذا اليوم و ودي ارتب كل شيء على مزاجي و هو يقول لا مافي داعي نحط اي شيء بس عشان الناس تسكت و تخلص الليله على خير !!!
هو من عايله ثانيه بعيدة عن عايلتنا.. و احس بطريقته ذي راح يصير يوم الزواج شيء يفشل بالنسية لي و لاهلي و معازيمنا لانه زي ما قلت لكم جماعتي هالامور عندهم مهمه و غير كذا انا احب هالامور من زمان كيف يوم زواجي يكون شيء ما يجمل قدام الناس !!!
والله تعبت بنات من التفكير و حاسه بتوتر مره... حاسه بضغط علي انه ليله زواجي بتكون اعفن زواج ممكن يصير :(
محتاجه نصايحكم.... انا اللي اطلبه غلط؟ و كيف اقنعه ؟