محتاره وابي كلام يريحني

مرحبا ,,
احب استشيركم ,, انا مملكه لي تقريباُ 4 شهور حبيت زوجي هذي الفتره واحسه الحمدلله مره يحبني يعني ماشاءالله مافي شك من ناحية العواطف وطيب وحنون بس في شي مضايقني منه صراحته معاي تتعبني دائماً يحكي لي عن ماضيه
انو احياناً كان يكلم وعاش قصة حب وخانته اللي حبها وانه كان يسافر برا بس يحلف لي انه ماعمره مشى في طريق الحرام وان عمره مالمس حرمه ولا شرب شي بطال ,, هو لما يحكي صحيح انقهر بس احاول اعطيه الثقه عشان يتكلم اكثر وكل ماصارحني بشيء يقول انا مااعترفلك بهذي الاشياء الا لأني من يوم ملكت عليك وانا احمد الله انك زوجتي وحبيبتي وكل اللي عرفتهم ولاوحده تسوى ظفرك وفيهم ملكات جمال بس انتي احلاهم وماقارنك في اي وحده انتي حلالي ,,
الحين اللي مضايقني هل هذا الشيء طبيعي انه يصارحني ؟ اوقات اشك فيه بس ارجع اقول لو بيخبي شي ماكان حكى من البدايه ,, لأني ما أسأله هو اللي يتكلم ويفضفض ,,
انا احبه واموت فيه بس اوقات اخاف منه ؟؟ انا بس محتاجه منكم كلام ونصايح تريح بالي ..
وجزاكم الله كل خير ..