مخطوبه محتاجه لكم يامتزوجات

السلام عليكم ورحمة الله وبركاته بنات انا تعبانه مره مره واحس حالي خلاص بنفجر ماحد حاس فيني انا تعبانه والله العضيم ابكي وانا اكتب لكم انا مخطوبه واحس من لما انخطبت في اشياء واجد لازم اسويها وماني عارفه وش اسوي اول شي انا من لما كنت صغيره او من لما عرفت الحياه وانا عندي صلع في مقدمه شعري جبهتي كلها مافيها شعر صلع مرره يعني الشعر يبدا من وسط راسي مو تساقط لا خلقه من ربي تخيلو ولما الشوفه جلست احط كحل علشان تغطي شوي وحاولت اغطيها رجعت الشعر الي ورا قدام لين تغطت وحطيت كحل وانا من لما كنت صغيره متعقده منها حتى لما ابي اطلع عند ناس او يجونا ضيوف اخلي الطرحه براسي لما كنت ادرس بالبتدائي البنات كانو يضحكون علي ويتريقون فيني ولما صرتت بالمتوسط تعقدت خلاص اشوف نضرات الخوف والشفقه من البنات والي يضحكون وخلاص صرت البس طرحه مستحيل اروح المدرسه واجلس بدون طرحه تعودت عليها لين يومكم هذا ماعرف الكشخه زي البنات نفسي اسرح شعري زي ماابغى ارتاح بحياتي المشكله اهل خطيبي ماعمرهم شافوني بالصلع دايم يالبس طرحه او يشوفوني بالزواجات واجلس ارقع فيها احط كحل وازود شعر لين يتغطى الصلع نفسي اعيش حياتي زي باقي البنات البنات لما ينخطبو كلهم يفرحوو ويستانسو وانا من اول مانخطبت وانا ابحث بالنت عن زراعات للشعر ودي اسوي زراعه قبل اتزوج واحيانا افكر افسخ الخطوبه مابي اضلمه معاي حرام وبعض صديقاتي يقولون قوليله عن الصلع مسستحيل يابنات اقوله فشله وحتى انا انسانه عندي احاسيس ومشاعر وش موقفي لو جلسو الناس يتكلمون عني ويقولون صلعا ولاشي بنات ساعدوني نفستي صارت زفت مره مو قادره اتحمل لاصرت اضحك ولاشي بس ابكي وعلى النت __________ وحده قالتلي اشتري باروكه شعر طبيعي واقصها واحطها مكان الصلع فقط وتقول سالت شيخ يقول اذا عشان تغطي العيب عادي مافي مانع لاكن اذا للزينه لا مايجوز حرام وانا يابنات بسس بغطي العيب الي تعبني من سنين بس مدري كيف اركبها واحطها بمكان الصلع وهل الشي هذا بيضبط ولالا يعني لو حطيت فيها صمغ الي يكون حق الباروكات ويجي معاه زي البخاخ يفك نفس الصمغ انا شفته وكذا تتوقعون تبغى معاي طول العمر ____الاقتراح الثاني وحده قالتلي اسوي زراعه لاكن يابنات ماعندي فلوس اسويها مره وزواجي بشهر 10 لو بسويها لازم ابدا من الحين عشان يبدا يطلع الشعر خلاص ست شهور والمشكله ملكتي بشهر 8 يعني الزراعه مابتنفع معاي لان مهري مراح يعطوني الا بعد الملكه وانا ماافكر بهالاشياء عشان خطيبي وبس بالعكس ابي ارتاح في باقي حياتي لان العمر الي راح تعبت وعانية فيه لدرجه ثقتي بنفسي صارت للاسف x من كثر ماشوف البنات يضحكون علي وبالعياد البس ملابس كشخه واتعطر والبس طرحه تخيلو بنات تكفون ساعدوني انا قبل ماكنت مهتمه لها لان ماطلع من البيت لاكن الحين بتزوج وراح يشوفني زوجي وراح ازور اهله لازم افسخ الطرحه وراح يكون في عزايم طلبتكم ساعدوني ودورولي على حل تعبت راسي صدع صارلي شهر ابحث كل يوم تعبت ولا اذا مره مافيه حل يامتزوجات وماساعدتوني بفسخ الخطوبه صح اني احبه وابيه لاكن بضحي وش اسوي احس اني فاقده الامل بالدنيا خلاصص يارب رحمتتكك (ماعندي فلوس اسوي الزراعه_والي بتتقولي سوي غره وش يبغا شعر ورا لو سويت غره لان شعري يبدا من وسط راسي ياليت تفهمون علي وشعري من ورا خفيفة_وشرايكم بفكرة صديقتي من ناحية الباروكه _اذ عندوكم حلول ثانيه ساعدوني ماعندي اخوات وامي مطنشتني وبنات خالتي وخالاتي ماقدر افاتحهم بالموضوع هذا ) ماانسى صار لي موقف مره كنت بالمشغل واول مره اشيل الربطه قدام اختي في المتوسط قالتلي وربي وربي تخوفين كانك وحش لاني بالبيت اغطيها لازم ولما شافتها وربي خافت مرره تقول تخوفين امانه بنات ساعدوني محتاجه لكم لاتخلوني بليزز وش بيكون موقف زوجي اذا شافها احس راح اضلمه معاي شكلي بخليه يروح يشوف نصيبه مع غيري افيدوني بليز