الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
لؤلؤه الكويت
10-04-2022 - 09:05 pm
السلام عليكم ورحمه الله وبركاته
حبيباتي انا عضوه جديده قديمه ..... جديده بمنتداكم قديمه بمنتديات ثانيه
على العموم مريت بازمه الله العالم فيها والسبب هو اخت زوجي وحبيبتي وصديقتي الرورح بالروح واختي السابعه بعد خواي الله يخليهم لي
ما اطول عليكم السالفه راح اكتب لكم مذكراتها بالملي كل شي صار لها بحياتها يوم تزوج عليها زوجها واذا
حابين اتشاركونها حياتها وتشيرون عليها بالشور الزين بدون وقاحه لانها مصرحه لي اني اعرض عليكم قصتها
وكل ما جاتني في بيتي (كل يوم تزورني ) راح اراويها تعليقاتكم بس للافاده ولاخذ العظه والعبره والرجاء لا احد يحاول جرحها اهي حساسه جدا بعد اللي صار لها الصراحه اقولكم اني جدا متاثره باللي
صار لها ولكن ارد واقول الآيه الكريمه (وعسى ان تكرهوا شي وهو خير لكم )
بدايه القصه
في نص السنه اللي طافت لاحظت (راح اسميها ليلى ) لاحظت ليلى ان زوجها صار غريب الاطوار كل يوم
مبالغه اهواش واخناق وزعل ونفسيه خايسه وضغط نفسي مستمر رغم استحمالها له الذي دام 17 سنه
من فقر وضرب واهانات ونفسيه متقلبه لكن مع ذلك في ايام لا انكر جميله جدا بينهم سفر طلعات حب
رومانسيه بس الغالب العصبيه والمزاج المتقلب وبينهم 7 اطفال مثل الورد وفوق كل هذا اهي من اعرق
العائلات الكويتيه واهو اقل بدرجه من عائلاتها حياته الحاضره كلها سفر وطلعات وقعدات مع الشباب اللي
بسنه 36 سنه واهي كبره بالضبط بس الرجال رجل شريف ومحترم ماشافت عليه شي بس يحب يمتع
نفسه على العموم اهي موظفه وعندها سياره وبيت جمال طبيعي لا اله الا الله جنها ماعندها اعيال
الجسم الرشيق والشخصيه الحلوه وفوق هذا كله الطيبه والنفس الحلوه والاناقه
لا حظت ليلى على زوجها غير المشاكل المفتعله وطردها من البيت وازعاج اعيالها والشوشره عليهم ايام
الدراسه لاحظ كل يوم يطري لها الزواج الثاني كان على طول اتقول له روح تزوج انت ما يتحسر عليك احد
خل اللي تاخذك اتحس في اللي احس فيه وكل يوم يقول افلان عنده 3 افلان عنده 2 واحد عنده 4 وابو
الاربع شيقول له والله اني عايش في نعيم ان كل يوم وحده جنها عروس البخور والعطور والكشخه والذرابه
قالت الله اكبر مافي مشاكل مافي زيارات الاهل مافي طلبات مافي مستشفيات مافي حفاضات قال لا ابدا
ابدا كلهم عسل في عسل ....
كان كل يوم تشكيلي مع العلم الكل يحبها ويعزها حتى امه وابوه ايموتون عليها قلت لها اصبري كل هذا
فتره وتعدي يمكن في شي ...
ودخلت اهله واهلها ومافي فايده اذا قاعده على التلفزيون هاوشها اذا قاعده على الاب هاوشها اذا
تشتغل في البيت هاوشها راحت مع ابوها الحج على احساب ابوها هم موعاجبه موقادره ترضيه مع العلم ا
نه يحبها بس ما عرفت شنو فيه هالرجال استخف انسحر جاتهم عين ما تدري وامها وخواتها ما يدرون بس
انا وصر الحمل حملي كل يوم زوجي يسألني اش فيج اش في ليلى مو على بعضها اقول اتعرف اشوي
مشاكل زوجيه بس ما اقوله انه طاردها من البيت يوم من الايام وردت بسرعه
المهم المره انزلت 10 كيلو على هالمشاكل في الاخير قالها يا اختي ما عندج اهل ما عندج عزوه ما عندج
احد يلفيج حلي عن وجهي اشوي على قوله اخوانا اللبنانيين فديتهم خليني اشوف حياتي ؟؟؟؟؟؟؟؟؟
اهنيه حست ان السالفه فيها انه راحت للاهل اللي يقولون هذي مشاكله كل يوم ليش جايه قالت احد
بيطردني قالوا لا بس تبين الطلاق احنا انطلقج تبين خلع تبين تبين شنو اللي تامرين فيه قالت ابي اشوف
تاليه زوجي
المفاجأه
بعد اسبوعين انتشر خبر زوجا زوجها وكتب كتابه طبعا اختنا عاقله علموها اخوانها وراحت مسحت ادموعها
اللي انهمرت لا اراديا وتذكرت قول الرسول الكريم بما في معناه اللي يهمه امر يفزع للصلاه ففزعت حبيبتي
للصلاه ودعت الله ان يفرج همها حتى انا ما دخلت عليها ولا اطلعت من غرفتها طول اليوم .....
بما ان اصابعي نملت وتعبت من القرقه راح اكمل قصه حماتي عن قريب يمكن باجر يمكن اليوم الفجر لا اعلم
انا حتى ما حطيت لي صوره رمزيه تراني مهمله في الشغلات هذي
المره الجايه راح اتكلم عن حالتها النفسيه اللي مرت فيها .. ارجوا ان يعجبكم موضوعي واحلف لكم ان القصه
صحيحه 100% حتى انا خايفه ان احد يشوف القصه ويعلم زوجها بس راح اغير بعض الاحداث التي لا تغير
من صلب القصه مثل الاسماء وبعض الاشياء الصغيره حتى لا تبين شخصيه الزوجه الاولى
تابعوني
حبيباتي انا عضوه جديده قديمه ..... جديده بمنتداكم قديمه بمنتديات ثانيه
على العموم مريت بازمه الله العالم فيها والسبب هو اخت زوجي وحبيبتي وصديقتي الرورح بالروح واختي السابعه بعد خواي الله يخليهم لي
ما اطول عليكم السالفه راح اكتب لكم مذكراتها بالملي كل شي صار لها بحياتها يوم تزوج عليها زوجها واذا
حابين اتشاركونها حياتها وتشيرون عليها بالشور الزين بدون وقاحه لانها مصرحه لي اني اعرض عليكم قصتها
وكل ما جاتني في بيتي (كل يوم تزورني ) راح اراويها تعليقاتكم بس للافاده ولاخذ العظه والعبره والرجاء لا احد يحاول جرحها اهي حساسه جدا بعد اللي صار لها الصراحه اقولكم اني جدا متاثره باللي
صار لها ولكن ارد واقول الآيه الكريمه (وعسى ان تكرهوا شي وهو خير لكم )
بدايه القصه
في نص السنه اللي طافت لاحظت (راح اسميها ليلى ) لاحظت ليلى ان زوجها صار غريب الاطوار كل يوم
مبالغه اهواش واخناق وزعل ونفسيه خايسه وضغط نفسي مستمر رغم استحمالها له الذي دام 17 سنه
من فقر وضرب واهانات ونفسيه متقلبه لكن مع ذلك في ايام لا انكر جميله جدا بينهم سفر طلعات حب
رومانسيه بس الغالب العصبيه والمزاج المتقلب وبينهم 7 اطفال مثل الورد وفوق كل هذا اهي من اعرق
العائلات الكويتيه واهو اقل بدرجه من عائلاتها حياته الحاضره كلها سفر وطلعات وقعدات مع الشباب اللي
بسنه 36 سنه واهي كبره بالضبط بس الرجال رجل شريف ومحترم ماشافت عليه شي بس يحب يمتع
نفسه على العموم اهي موظفه وعندها سياره وبيت جمال طبيعي لا اله الا الله جنها ماعندها اعيال
الجسم الرشيق والشخصيه الحلوه وفوق هذا كله الطيبه والنفس الحلوه والاناقه
لا حظت ليلى على زوجها غير المشاكل المفتعله وطردها من البيت وازعاج اعيالها والشوشره عليهم ايام
الدراسه لاحظ كل يوم يطري لها الزواج الثاني كان على طول اتقول له روح تزوج انت ما يتحسر عليك احد
خل اللي تاخذك اتحس في اللي احس فيه وكل يوم يقول افلان عنده 3 افلان عنده 2 واحد عنده 4 وابو
الاربع شيقول له والله اني عايش في نعيم ان كل يوم وحده جنها عروس البخور والعطور والكشخه والذرابه
قالت الله اكبر مافي مشاكل مافي زيارات الاهل مافي طلبات مافي مستشفيات مافي حفاضات قال لا ابدا
ابدا كلهم عسل في عسل ....
كان كل يوم تشكيلي مع العلم الكل يحبها ويعزها حتى امه وابوه ايموتون عليها قلت لها اصبري كل هذا
فتره وتعدي يمكن في شي ...
ودخلت اهله واهلها ومافي فايده اذا قاعده على التلفزيون هاوشها اذا قاعده على الاب هاوشها اذا
تشتغل في البيت هاوشها راحت مع ابوها الحج على احساب ابوها هم موعاجبه موقادره ترضيه مع العلم ا
نه يحبها بس ما عرفت شنو فيه هالرجال استخف انسحر جاتهم عين ما تدري وامها وخواتها ما يدرون بس
انا وصر الحمل حملي كل يوم زوجي يسألني اش فيج اش في ليلى مو على بعضها اقول اتعرف اشوي
مشاكل زوجيه بس ما اقوله انه طاردها من البيت يوم من الايام وردت بسرعه
المهم المره انزلت 10 كيلو على هالمشاكل في الاخير قالها يا اختي ما عندج اهل ما عندج عزوه ما عندج
احد يلفيج حلي عن وجهي اشوي على قوله اخوانا اللبنانيين فديتهم خليني اشوف حياتي ؟؟؟؟؟؟؟؟؟
اهنيه حست ان السالفه فيها انه راحت للاهل اللي يقولون هذي مشاكله كل يوم ليش جايه قالت احد
بيطردني قالوا لا بس تبين الطلاق احنا انطلقج تبين خلع تبين تبين شنو اللي تامرين فيه قالت ابي اشوف
تاليه زوجي
المفاجأه
بعد اسبوعين انتشر خبر زوجا زوجها وكتب كتابه طبعا اختنا عاقله علموها اخوانها وراحت مسحت ادموعها
اللي انهمرت لا اراديا وتذكرت قول الرسول الكريم بما في معناه اللي يهمه امر يفزع للصلاه ففزعت حبيبتي
للصلاه ودعت الله ان يفرج همها حتى انا ما دخلت عليها ولا اطلعت من غرفتها طول اليوم .....
بما ان اصابعي نملت وتعبت من القرقه راح اكمل قصه حماتي عن قريب يمكن باجر يمكن اليوم الفجر لا اعلم
انا حتى ما حطيت لي صوره رمزيه تراني مهمله في الشغلات هذي
المره الجايه راح اتكلم عن حالتها النفسيه اللي مرت فيها .. ارجوا ان يعجبكم موضوعي واحلف لكم ان القصه
صحيحه 100% حتى انا خايفه ان احد يشوف القصه ويعلم زوجها بس راح اغير بعض الاحداث التي لا تغير
من صلب القصه مثل الاسماء وبعض الاشياء الصغيره حتى لا تبين شخصيه الزوجه الاولى
تابعوني
التعليقات (9)
م كمليها بسرعه اتحمست
الله يسخره لها يارب والله زعلت عليها شكلها ما تستاهل
الله يسخره لها يارب والله زعلت عليها شكلها ما تستاهل
وعليكم السلام
اختي لؤلؤه الكويت اسلوبج وايد حلو وسلس ومحزن جدا والله غصتني العبره لما قرأت القصه وشكلها صج واقعيه لان يحدث اللي اكثر من جذيه مآسي الله يصبركم وتكفين خليج وياها خطوه بخطوه عشان الله يوفقج ويوقف وياج يوم العرض احنا بانتظار التكمله
اختي لؤلؤه الكويت اسلوبج وايد حلو وسلس ومحزن جدا والله غصتني العبره لما قرأت القصه وشكلها صج واقعيه لان يحدث اللي اكثر من جذيه مآسي الله يصبركم وتكفين خليج وياها خطوه بخطوه عشان الله يوفقج ويوقف وياج يوم العرض احنا بانتظار التكمله
أسأل الله أن يشرح صدرها وييسر أمرها ..
من رايي الوحدة إذا تزوج عليها زوجها خلاص تسوي اللي عليها لوجه الله خلاص تعتبر زوجها جسر للوصول للجنة .. تهتم بعيالها وتعيش حياتها تزور جيرانها تطلع مناسبات تكون لها اهتمامات ما يسوى تجيب لنفسها ضغط وسكر صح التطنيش صعب لكن الزعل ما بيفيد شي غير الامراض والقهر.. الله يصبرها ويريح قلبها .. ولا تصير حساسة لانو كثير تزوجوا عليهم ازواجهم وما فيهم نقص ..
من رايي الوحدة إذا تزوج عليها زوجها خلاص تسوي اللي عليها لوجه الله خلاص تعتبر زوجها جسر للوصول للجنة .. تهتم بعيالها وتعيش حياتها تزور جيرانها تطلع مناسبات تكون لها اهتمامات ما يسوى تجيب لنفسها ضغط وسكر صح التطنيش صعب لكن الزعل ما بيفيد شي غير الامراض والقهر.. الله يصبرها ويريح قلبها .. ولا تصير حساسة لانو كثير تزوجوا عليهم ازواجهم وما فيهم نقص ..
السلام عليكم ورحمة الله وبركاته
حبيباي آسفه على التاخير كان عندنا عطله بالكويت وسحبتها نومه على العموم توني سامعه خبر ان واحد من الجماعه بعيد اشوي يخطب على زوجته عاد زوجته والله مو اقصها شي جمال ويبه ومدرسه واخذه قرض اتسنع بيت اهل زوجها واهي ماتدري اش رايكم احاول اوصلها الخبر اليوم دعيت ان الله يرده عن عرسه الصراحه موضه ماخذينها عسى افلوسهم الحرق والله مو ماخذينها اتباع سنه والله من كثر الفلوس مو عارفين شيسوون حتى قمت اخاف على زوجي والله كريم
ليلى المزيونه
المسكينه حاتي اكملكم قصتها مبعا مره ثقيله ماتسرعت احبست نفسها بالغرفه ليا راحوا اخوانها وخواتها لبيوتهم وطلعت من الغرفه وقام ابوها حب راسها وامها كذلك طبعا واعدوها بكل شي حلو احنا بنربي اعيالج ردي مثل ماكنتي بنوتتنا الصغيره ولا يهمج هذا طريقه طريق غير ولا هو اول ولا آخر واحد يعرس على مرته ولا يستاهل مج دمعه وبيت ابوج وبيتج كلهم واحد اللي تامرين فيه راح يتنفذ ( وعود حلوه بس اللي ايده في الماي مو مثل اللي ايده بالنار ) تبين الطلاق احنا انطلقج تبين اتردين بيتج ردي تبين تهجرينه اللي يعجبج عاد اهي لانها انصدمت واول مره يمر عليها نفس هذا الوقف يعني ما اتعرف قبل تجارب ولا شي ولا اسمعت قصص خلاها ما اتعرف شتسوي ؟؟؟
قصه العجوز
كانت ام ليلى يوم ن الايام بعد مرور 3 اسابيع على ملكه زوجها طبعا ما اسمعت اي خبر عنه بس الكلام اللي وصلها انه يقول للناس ان زوجتي كل يوم اتزعل واتروح عند اهلها واهو ظالمها حسبي الله ونعم الوكيل وان اهي عوبه ولسانها طويل ودايما تعصي اوامره ودايما تطلع من البيت من غير شوره غير انها (الطامه الكبرى ) يقول ان فيها ريحه هذا اللي خلانا ننصدم لانها اشاء الله عليها اعرفها من ايام المراهقه قبل آخذ اخوها وليومكم اجمل لون وبشره والعطور اشكل وانواع يعني وحده تشتري العطور بالالاف ظنكم تطلع فيها ريحه لما اسمعت الكلمه هذي خاصه اسجدت ودعت عليه وقالت حسبنا الله ونعم الوكيل اللي حتى وانا انفاس وايام الصيف وايام الدوام مايطلع فيني ابدا ابدا الحين قام يعذرب فيني وتبجي وتبجي حسبنا الله ونعم الوكيل (كل زوج يتزوج على زوجته يطلع فيها الف عيب اذا مو خايف من ربه )
المهم الكل قام يدق يواسون امها اهي ماتبي احد يكلمها بس اصر وحده عجوز ما اتصير لها انها تكلمها وعشان كبر سنها وافقت على انها اتكلمها سلمت عليها وقالت ياليلى اني مو بنت اصغيره انتي مره ام اعيال ردي لبيتج والتعب على زوجج خليها يدور يدور يدور مرده لج اكشخي والبسي ودشي نادي وزوري صديقاتج وخلي حياتج عاديه وشوفي يا حبيبتي اشلون راح يصير الصبر زين وانا امج لا اتخلين بيتج للمره الثانيه احنا على كبر سنا عرفنا وشفنا نزوات الرياجيل مع الوقت راح اتقولين ياليتني ما بجيت ذاك اليوم ولا احتريت ياما رياجيل الله وراهم ان ما احد يصبر عليهم الا زوجاتهم الاولات هذا اذا اقعدت عنده واذا اقدرت تصبر عليه يمكن من صالحج ان الله يسخره لج والله يوسع رزقج واني الامره والناهيه واذا ما اقعدت وانا امج ابركهامن ساعه راح اعرف قدرج في كلا الحالتين ردي لبيتج ولا اتخلينها يدخلها عليج ...
ليلى صارت في دوامه اخذت مشكلتها منحنى ثاني انها ترد لبيتها وتواجه زوجها وعشرين سؤال وسؤال يدور في بالها هل تروح لبيتها هل تكلمه او ما تكلمه هل تقعد في بيت اهلها بلا وجع دماغ ومحاتات هذا الزوج
المره الجايه راح اعلمكم قرارها بس ابدوا رايكم هل تذهب ليلى لبيتها ام لا
يمكن اكمل ان شاء الله الليله او قبل صلاه الفجر والله انا اقص عليكم وتأزمت لاني قاعده اتذكر اللي صار لليلى مع العلم ان زوجها صار له شهرين معرس
اشوفكم على خير ان كان في العمر بقيه
حبيباي آسفه على التاخير كان عندنا عطله بالكويت وسحبتها نومه على العموم توني سامعه خبر ان واحد من الجماعه بعيد اشوي يخطب على زوجته عاد زوجته والله مو اقصها شي جمال ويبه ومدرسه واخذه قرض اتسنع بيت اهل زوجها واهي ماتدري اش رايكم احاول اوصلها الخبر اليوم دعيت ان الله يرده عن عرسه الصراحه موضه ماخذينها عسى افلوسهم الحرق والله مو ماخذينها اتباع سنه والله من كثر الفلوس مو عارفين شيسوون حتى قمت اخاف على زوجي والله كريم
ليلى المزيونه
المسكينه حاتي اكملكم قصتها مبعا مره ثقيله ماتسرعت احبست نفسها بالغرفه ليا راحوا اخوانها وخواتها لبيوتهم وطلعت من الغرفه وقام ابوها حب راسها وامها كذلك طبعا واعدوها بكل شي حلو احنا بنربي اعيالج ردي مثل ماكنتي بنوتتنا الصغيره ولا يهمج هذا طريقه طريق غير ولا هو اول ولا آخر واحد يعرس على مرته ولا يستاهل مج دمعه وبيت ابوج وبيتج كلهم واحد اللي تامرين فيه راح يتنفذ ( وعود حلوه بس اللي ايده في الماي مو مثل اللي ايده بالنار ) تبين الطلاق احنا انطلقج تبين اتردين بيتج ردي تبين تهجرينه اللي يعجبج عاد اهي لانها انصدمت واول مره يمر عليها نفس هذا الوقف يعني ما اتعرف قبل تجارب ولا شي ولا اسمعت قصص خلاها ما اتعرف شتسوي ؟؟؟
قصه العجوز
كانت ام ليلى يوم ن الايام بعد مرور 3 اسابيع على ملكه زوجها طبعا ما اسمعت اي خبر عنه بس الكلام اللي وصلها انه يقول للناس ان زوجتي كل يوم اتزعل واتروح عند اهلها واهو ظالمها حسبي الله ونعم الوكيل وان اهي عوبه ولسانها طويل ودايما تعصي اوامره ودايما تطلع من البيت من غير شوره غير انها (الطامه الكبرى ) يقول ان فيها ريحه هذا اللي خلانا ننصدم لانها اشاء الله عليها اعرفها من ايام المراهقه قبل آخذ اخوها وليومكم اجمل لون وبشره والعطور اشكل وانواع يعني وحده تشتري العطور بالالاف ظنكم تطلع فيها ريحه لما اسمعت الكلمه هذي خاصه اسجدت ودعت عليه وقالت حسبنا الله ونعم الوكيل اللي حتى وانا انفاس وايام الصيف وايام الدوام مايطلع فيني ابدا ابدا الحين قام يعذرب فيني وتبجي وتبجي حسبنا الله ونعم الوكيل (كل زوج يتزوج على زوجته يطلع فيها الف عيب اذا مو خايف من ربه )
المهم الكل قام يدق يواسون امها اهي ماتبي احد يكلمها بس اصر وحده عجوز ما اتصير لها انها تكلمها وعشان كبر سنها وافقت على انها اتكلمها سلمت عليها وقالت ياليلى اني مو بنت اصغيره انتي مره ام اعيال ردي لبيتج والتعب على زوجج خليها يدور يدور يدور مرده لج اكشخي والبسي ودشي نادي وزوري صديقاتج وخلي حياتج عاديه وشوفي يا حبيبتي اشلون راح يصير الصبر زين وانا امج لا اتخلين بيتج للمره الثانيه احنا على كبر سنا عرفنا وشفنا نزوات الرياجيل مع الوقت راح اتقولين ياليتني ما بجيت ذاك اليوم ولا احتريت ياما رياجيل الله وراهم ان ما احد يصبر عليهم الا زوجاتهم الاولات هذا اذا اقعدت عنده واذا اقدرت تصبر عليه يمكن من صالحج ان الله يسخره لج والله يوسع رزقج واني الامره والناهيه واذا ما اقعدت وانا امج ابركهامن ساعه راح اعرف قدرج في كلا الحالتين ردي لبيتج ولا اتخلينها يدخلها عليج ...
ليلى صارت في دوامه اخذت مشكلتها منحنى ثاني انها ترد لبيتها وتواجه زوجها وعشرين سؤال وسؤال يدور في بالها هل تروح لبيتها هل تكلمه او ما تكلمه هل تقعد في بيت اهلها بلا وجع دماغ ومحاتات هذا الزوج
المره الجايه راح اعلمكم قرارها بس ابدوا رايكم هل تذهب ليلى لبيتها ام لا
يمكن اكمل ان شاء الله الليله او قبل صلاه الفجر والله انا اقص عليكم وتأزمت لاني قاعده اتذكر اللي صار لليلى مع العلم ان زوجها صار له شهرين معرس
اشوفكم على خير ان كان في العمر بقيه
تكفون ساعدوني→
ذكريها انو المسلم مبتلى ربي بلاها بزوجها وهي صبرت ماشاء الله تبارك الله
ننتظر تكلمت القصه