مذكرات يوم الاربعاء

انا ابدأ
الاربعاء الي فات ماكان عندنا حصه سابعه وبما اننا علمي يعني مافي امل يكون فيه حصه فاضية
فجأة اكتشفنا انه معلمة الدين غايبة من زود الفرحة سوينا ضجه وطلعنا كل طاقاتنا الكامنه لانه جانا خبر انه الي ماعندهم سابعه يطلعون الفناء الخارجي(مصدقه نفسي قاعده اكتب تعبير انا وجهي خ)المهم من زود ما استهبلنا طلعنا كلنا من الفصل يعني الفصل كان فاضي تماما وشوية الا نشوف خيال الوكيلة طالعة الفصل ونجيك هاربين طبعا البعض طاحوا على الدرج والبعض انحشروا عند الباب الرئيسي المهم كلنا وصلنا في وقت واحد الفصل ومع دخلتنا الفصل شوفنا المديرة والوكيلة واقفين بالعصا ومعاهم دفتر التعهدات
طبعا البنات الشاطرات قاموا يبكون ويسون حركات ماصخه ويحلفون انهم ماسو شئ عشان مايكتبون تعهد
فقررت المديرة تعاقب الفصل كله
ايش تتوقعون العقاب
انا اقلكم قالت لنا انه من يوم السبت الي هو اليوم كل حصه سابعه ناخذ مساحات ومناشف وصابون ونغسل فناء المدرسة الداخلي
اكيد البنات سووا دلع وقالوا لا ومانبغى وايش هذا الكلام
وبعد هذا كله قررت المديرة نكتب كلنا تعهدات ومانطلع حصه سابعه نهائيا
وهذا كله من زود الهبالة نصيحتي الي تقرا موضوعي اي هبالي لاتسون مثلنا لان العاقبة كانت وخيمة زي ماشفتوا

يعطيك العافية ولي عودة

بنا ات
تدرون
انه
اليوم
الاربعاء
يعني وين مذكراتكم يالله عاد لا تطنشوني

اليوم ربوع و القلم مرفوع والضرب ممنوع
##############################################
والله اليوم جيت المدرسة بدري ........المهم الحصة الأولى تطفش.........
والثانية رعب >>>>>>عشان عندنا ابله فيزياء جديدة تخوفك تصيح و تطالعك بنظرات غريبة.
الثالثة أحلى حصة..........رياضيات
و الفسحة .........مملة((((((((( مدرستنا المحترمة و الذكية الله لا يحرمنا من ذكائها الزائد إذا دق جرس الفسحة البنات ما يطلعون لين تنزل لهم ابله و تطلعهم و جابوا فكرة غبية أنهم ما يدقون الجرس يطفون الكهرباء >>>>>لا تحسودنهم على الذكاء ........
المهم .........
الرابعة فراغ بس ما قدرنا نطلع من الفصل المدرسة مليانة موجهات عشان سنة اولى عندهم درس نموذجي و في دور كامل فضوا الفصول بس فصل واحد و هو الفصل اللي في الدرس و مسوين حركات و بوفيه و معرض........
المهم ........
الخامسة برضو حصة حلوة رياضيات ..........
و الحصتين الأخيرة مواد العملي >>>>>>>و غرف التفصيل و الفنيه و التدبير في هذا الدور اللي فضوا منه البنات المهم زميلاتنا اللي في الفنيه و التدبير ابلاتهم قالوا لهم خلاص ما دام ما في غرفة ما بنعطيكم درس و اقعدوا فراغ
و احنا التفصيل ايهئ ايهئ ايهئ ايهئ (خلوني اخلص بكاء بعدين اكمل)ايهئ ايهئ ايهئ ايهئ
خلاص خلصت .............هاهاهاها
احنا الأبله بتعطينا درس بالقوة
شوفوا ايش سوت الذكية >>>>>>>اقولكم مدرستنا ذكية جدا الله لا يحرمنا من ذكائها..........
طلعنا ماصات في الأسياب ..........وقعدنا نشتغل و نخيط قدام اللي رايح واللي جاي بالله موفشلة ........
و ابله الرياضيات حضرت معانا حصة بتشوف شغلنا((((طبعا في السيب))))
والحمدلله انتهى هذا الأسبوع على خير يعني ما في اختبار السبت..............
و معليش اذا طولت عليكم .............
و تقبلوا مروري ..........

اختي وصايف موضوعك روعه والاروع لعبكم واحسن مافي لعبكم عقابكم<<<<<<الكاف تحكي عندي@@. والله العقاب حلو وفله نبربس بالمويه ونتزحلق ياسلام مافي احسن من كذا ياليتي بمدرستكم كان كل حصه هاربه علشان اغسل الحوش عاد البس بتطلون علشان اخذ راحتي بالتسحلق خ........ حنا مدرستنا لو اجيب كيس احمر اصطروني قدام الطوابير الصبح<<<<<يالله صباح خير... قدام الله وخلقه....... والي يشوفك واقفه يقول هذي مسويه جريمه تقل هاربه من المدرسه بالمره.....واللي تتكلم بالطابور لا تلوم الا نفسه يعتبون هذا قلة ادب وكالمعتاد يصطرونك قدام الله وخلقه<<<<<<<< اظن مدرستنا اذكى من مدرستكم ياعطاء الزهور ولا........

تسلمين على موضوعك الاكثر من رائع ياوصايف ذكرتوني بايام الثنوي والله كنا كذا مع انو مديرتنا تخاف من الوكيله شفتو مدرستنا خطيره بس انتبهو اقرو عليها لاتجيها عين >>>>>>>الييسمعها يقول باقي بالمدرسه
بسوالله ايام الدراسه رهيبه وممتعه ورح تذكرون كلامي لما تطلعون منها
تحياتي لكم اختكم @همس الغصون@

يوم الاربعاء مر علي كانه يوم خميس تدرون ليه
لاني غايبه

يوم الاربعاء طبعا وناسة لو كان كله اختبارات بس لانه اربعاء من يوم السبت واحنا ننتظره
الحصه الاولى ...حلوه فيزياء الحصة الثانية...احلى واحلى انجليزي
الحصة الثالثة ...حلوه رياضيات الحصة الرابعة...قران (((الفسحة طبعا وناسة لانه فيها طلعة من الفصل))) الحصة الخامسة ...اثقل حصة على قلبي تاريخ
الحصة السادسة ...طفش توحيد الحصة السابعة ...امتحان جغرافيا
اليوم كله باختصار كان مقبول والحمد لله والشكر خلص الاسبوع

فديتكم ع الجية والطلة الحلوة
اما انا هذا الاسبوع اقصد اربعاء هذا الاسبوع سويت حركة مالها داعي الي هي
طبعا الحصة الثانية والثالثة كانت حاسب المهم المدرسة حقت الحاسب دخلت علينا معصبة ومرفوع ضغطها واحنا من الهباله زدنا رفعنا ضغطها اكثر بس بسرعة رجعنا راضيناها وخليناها تعطينا الدرس في غرفة مصادر التعلم طبعا فلة ووناسة لان الغرفة حقت المصادر في الدور السفلي يعني بنمر على صحباتنا في الادبي ونمر على فصول الحبايب خ المهم يوم نزلنا ماقدرنا نروح عند فصول الادبي لان المديرة كانت في الساحه فسوينا احترام وادب ودخلنا المصادر على طول بس لمن خلصنا الدرس وجينا طالعين الفصل سويت نفسي انه رباط الجزمة انفك علي(الله يعزكم)وكان باقي من الحصه ربع ساعه طلعوا البنات والمدرسة لكن انا وصاحبتي بقينا تحت وماطلعنا ويوم جينا نطلع شافت صديقتي المدرسة الي تحبها عند اول ثانوي قامت تستهبل عند الباب عشان تشوفها لكن مااعطتها وجه عصبت وحلفت ماترجع الفصل وقلت في نفسي مادام مابقي الا عشر دقايق بنقعد تحت لمن الفسحه وبس دق جرس الفسحه وجينا طالعين انا وصديقتي الفصل عشان ناخذ فلوسنا الا ومدرسة الحاسب في وجيهانا والله وتاخذنا انا وصاحبتي الى الادارة وخلتنا واقفين قدام باب غرفة المعلمات كاننا زينة من الغرفة .....
انا عصبت وقعدت اسب وادعي على صاحبتي لانها راس البلاء <ملاحظة تراني من البنات الي ماتعرفهم الادارة الاوقت التكريم يعني البنت مسوية نفسها شاطرة>
رجعت البيت وعلمت امي الي صار وقلتلها تجي معاي يوم الثلاثاء ( شين وقوي عين)
طبعا مستغربين ليه يوم الثلاثاء بالذات لاني يوم السبت والاحد والاثنين مسافرة بروح جده غير فديتها
ان شاء الله ماطولت عليكم بس ههه
فديتكم باي