مساعدة الزوج لزوجتة في المنزل

اللي يحب زوجته وحنون معاها طبيعي يساعدها
لأن الحياة مشاركة في كل شيء
ولو الزوج يقدم مساعدة بسيطة لزوجته في بعض أمور البيت لا شك إن هذا بيدلل للزوجه على حب زوجها وحنانه
ومو حلو إنه الزوجه تطلب من زوجها!!!!!!!!!!
يعني غسل الصحون... رتب ملابسك ...الخ
لا هي تقوم بشغلها على أكمل وجه إذا عنده ذرة حنان لا شافها تشتغل ومرهقة هو بيقوم يساعدها بس المفروض على الزوجه هنا
انه ما تحسس الزوج انه هذا واجب لا لا جاء يساعد تقول لا حبيبي روح ارتاح انا لا خلصت شغل جيتك
وهو يحاول وهي تحاول طبعا كلامها مو من قلب بس حركات حتى يصر انه يساعدها *_^
وطبعا لما يساعدها تغرقه بالكلام الحو
الله يعطيك العافيه

بصراحه انا زوجي الشي الوحيد الي يساعدني فيه النشافه لانها عقدتي لاحطيت الملابس بالنشافه قعدت الغساله تخض الين توصل الصاله خ لاكن لاحط هو الملابس بالنشافه تزبط معاه مدري ليه وش السر بس خلاص صارت هاذي وضيفته بس غير كذا ماعندك احد ههه

والله بصراحه انا اشوف انه نادر مايكون هناك مساعده الرجال لحرمته بالبيت او ان ساعدها مره بالعمر مرتين ثلاث عشان مانظلمه والباقي هي اللي تكرف هذا اذا ماكان عندها شغاله
عموما اسوا شي الطريقه اللي تربو فيها شبابنا ورجالنا تربو ان الغلط منهم مباح وحلال والكل يسامحه
تربو انهم من وهم صغار رجال شورهم بايدهم ولا احد يقدر يناقشهم بقرارتهم بينما الحرمه تربت على القمع وانها عوره وانها من بيت اهلها لبيت زوجها لدفنه
تربوا على ان شغل البيت فقط لنساء وانه ينقص من رجولته اذا ساعدها او انه لو فكر يساعدها ممكن الحرمه تركبه زي الحمار
عشان كذا مفهوم سي السيد بالبلدان العربيه له برواز كبير ومعلق على اغلب جدران بيوتنا

زوجي يحب يشتغل ويسااعد اهله فتنضيف البيت
بس انا مرتين او ثلاث
وماعمري طلبته واذا شاف الغرفه مو مرتبه تعالوا شوفوا وش يقولي
مع انه موالله موذاك الشين
ويارب حنن قلبه علي

اني بعد يساعدني
اللهم صلي على محمد وال محمد لا احسد رحي
ويم حملت بعد صار
عادي يكنس ويمسح ويطبخ احيان ويكوي
بس اني بعد بصراحة ما استغله اذا بيقوم يقوم من نفسه

زوجي كسول لكن مايحب يزعجني احيانا يتسبح ويغسل ملابسه وانا انشفهم واكويهم
واحيانا يسوي لنفسه قهوة وام واحيانا يرتب السرير...
انا صراحه اشوف انها عادي..
لان الزوجة بشر تتعب وتمل فما فيها شي اذا سوى له كم شغله حتى لو بسيطة..

الحمدلله انا من يوم تزوجت الى الان ولي 3 سنين وزوجي يساعدني في كل شغل البيت ان كان ترتيب وان كان تنظيف وان كان غسيل حتى احيانا اذا نسيت الغسيل في الغساله وخرجت ادق عليه واقوله يخرجها يارب لك الحمد
حتى لما امرض مايقصر وانا وهو كل يوم في المطبخ نسوي العشا واكثر الاوقات هو لوحده يسويه وانا اجلس
حتى اذا قصرت بحاجه في البيت يقوم يسويها بدون اي كلمه

عادي.زوجي.يساعدني.يطبخ.بس.مودايم.حسب.مزاجه..
واوقات.يطلع.ملابسه.من.الغساله..وودايم.اذا.دخلت.اطب خ.يقول.انتي.اقعدي.جنبي.وانا.بسوي.كل.شي
الله.لايغير.علينا..
لانو.قبل.كان.يساعد.امه.كثير.