مساعده يا لغاليات

صباح مساء
الورد الجوري والياسمين,,,,
المداخل أحد العناصر الهامة في مساكننا لذا نوليها رعايةً واهتمامًا عند تأثيثه وذلك لأنه أول من يستقبل الضيوف .
لننتقل لبعض الأفكار البسيطة التي يمكن لها أن تضفي شيئاً من الجمال المرحب بضيوفنا وهي:
1- مدخل تعلوه لوحة جميلة تستكمل الألوان وذلك على الجدار المقابل للمدخل مباشرةً .
2- يمكن وضع كرسيين بجانب المدخل في حال كان هناك مساحة تسمح بذلك، أو أن يوضع الكرسيين تتوسطهما طاولة مستديرة وهذا خيار بديل للعنصر الأول .
3- إذا كانت مساحة المدخل واسعة يفضل وضع طاولة مستديرة بقطر يقارب المتر وارتفاع 78سم في وسط هذه المساحة، ويعلوها باقة من الزهور في فازة مناسبة .
4- للإضاءة دور جميل حيث ننصح بوضع إضاءة خاصة باللوحات في حال وجود لوحة أو وضع قنديلين معلقين في الجدار المقابل للمدخل .
5- الثريا تعطي الإحساس بقوة المكان والترحيب كذلك لذا وجودها في وسط مساحة المدخل سيضفي غنىً له .
6- السجاد من العناصر التي يمكن توظيف جمالها بوضعها في وسط مساحة المدخل0.
واليكم بعض من صوور المدااخل .¸¸. .¸¸. .¸¸. .¸¸.

منزل مبارك

هلا اختى اتمنا الصور تفيدك وعندنا محلات بلدمام فيها حركات منها محل سومر فى حى الجلويه وفى سوق الحب فى الزاويه مقابل الاماره وعبد الطيف للتحف فى حى الجلويه قرب المخابز الاتوماتيكيه كانك رايحه طريق رامز بس هو اقرب بكثير وعندك ايكيا طبعا وهوم سنتر انا شريت مدخلى منه موديل الموديرن وحتى سوق الحراج فيه

سنابل ..
الله يبارك بعمرك تسلمين ..
ام جوان وجنى ..
ما قصرتي الله يعيطيك العافيه . ..
بس انا شريت المرايا المموجه اللي من ايكيا .. ومحتاره بجوانب المرايا ..
العبداللطيف فيه بالخبر .. اعرفه من زمان .. عنده مناظر روعه . .. والفازات القزاز روعه .. هو راح اسوي اضافه .. بالديكورات .. لكن محتاره بجوانب المريا ..
ما قصرتي ..

هلا اختى محل العبد اللطيف للتحف موللمفروشات وان شاء الله عرفتيه
اما المرايا المموجه اذ يناسب حطى على يمينها ويسارها ارفف صغار من الخشب سوء بنفس الارتفاع او وحده على اليمين مرتفعه والى على اليسار انزل بشوي انا شفتها فى ايكيا معروضه مع اطقم الكنبات ولونها بنى غامق تقدرين تحطين عليها تحف بسيطه مثل فازه صغيره داخلها حجر ملون مثلا و شموع انا حاطه بمدخل البيت مدخل بنى محروق من الخشب والجلد ومعاها مرايه بيضاويه طقمها من هوم سنتر وشريت من كيكا مناظر مربعه الشكل ضغيره معاها رف من زجاج لتعليق العبايات وبعد حديد مشغول الفرويجيه فيه حامل للشموع وثلاث مرايات
(وفى موضوع من مواضيعى عن محل فى مجمع الظهران عنده تعليقات وشموع غريبه انا شريت منه اشياء ادخلى موضوعى وراح تعرفين المحل)

فيه مداخل حلوة مرة وجاهزة في محلات الأثاث مثل هوم سنتر
وما تحتاج أي إضافات إلا بعض التحف أو الزرع
والبنات ماقصروا

مشاء الله ( اللهم انزلها منزلاً مباركاً وانت خير المنزلين )
تتهنين فيه يارب ,,
حابه اقولك انو فيه بفؤاد سنتر محل اثاث لسا فاتح وعنده اشياء مرره حلوو مميزه هذي لك لفه فيه يمكن يعجبك
وهذي بعض الصور الي عجبتني ان شاءالله تعجبك وتقتبسين منها شي ,,

بالتوفيق