مسكينه تكسر الخاطر والله ساعدوني يابنات تكفون ماعندي حل لها

1. صباجك خير وسعاده وحب وكل ابو شي ...


2. باى الله عليكم هذا زوج ؟

صباجك خير وسعاده وحب وكل ابو شي ...

بنات ابي اقولكم شي بنت عمتي صديقتي قريبه مني حيل هي كبري يعني عمرها 19 سنه متزوجه من سنتين ماشاء الله ...المهم ...من اول ما تزوجت وهي باين عليهاآآآآآآآآآآآآآآآآآآآآآآآآآآ انها تعبانه وضايقه ومتكدره وحتى بان على صحتها!!!!!
السالفه انها تفضفض لي بس انا مو عارفه وش اقول لها ماعندي غير الصبر الصبر ....احسها طفشت مني انا صراحه
زوجها اكبر منها بكثير اكبر منها 15 سنه وزجها طبعه غريب الله يعينها صراحه غريب مره وبارد ويزهق الي ما يتزهق ...تخيلو مو معتبرها انسانه ابد مهمشها لو تحط له القمر في يد والشمس في يد ما تعجبه دايم يحطمها المسكينه والله يحطمها عليه حركات قسم با الله تقهر ...من اول ما تزوجها وهو كذا حاولت معه كثير ما فيه فايده هي حلوه ومافيها شي واسلوبها حلو ومضحك البنت مافيها شي مدري وش فيه عليها مسكينه خواتها كلهم متزوجات والحمد الله عايشين وطلعات وكل يوم بمكان وهم مو احلى منها بشي ...واي شي ينزل جديد يشترونه وحالتهم حلوه ...هي المسكينه زوجها راتبه ماشاء الله زين ولا عمره جاب لها شي تطلبه يقول لها مالي شغل والله يابنات عمرها ما جت وقالت لي طلعنا ولا تمشينا حابسها في البيت كل ما تقول بطلع يقول لها وين مافيه وييهاوش تقول صرت ما احب اطلع من هواشه مايسمع لها ابد ...والله محشوره ما تطلع ابد حتى اهلها با الموت يشوفونها
وغير كذا اذ طبخت ونظفت واشتغلت قال لها لا انتي ما تسوين شي والله تقول يقولي انتي عمرك ما سويتي شي بس نوم ؟؟؟!!! وهي البنت تنام معه وتصحى معه كانت تجي عند اهلها مرات وتنام اقولها ليش تقول ما اشبع نوم في البيت انام شوي واصحى على شان ما يقول تنامين كثير
وغير كذا هي تدرس ومبهذلها معه حيل والله ...المهم مره من المرات راحت عند اهلها طيب ..تعبانه خذت اسبوعين ويوم رجعت له حصلت اهله ساكنين معها جابو اغراضهم وسكنو عندهاآآآ ..وهم عندهم بيت ملك ترى ومابينهم وبينها غير شارع بس يقولون ان بيتهم صغير وبيت ولدهم كبير المشكله حتى ماقال لها ولا عبرها تقول انصدمت يعني معتبرها ولا شي مااخذ رايها ولا كلامها ولا قال لها شي .....راحت قالت له ليش ماقلت لي على الاقل البيت بيتي ومن حقي اعرف ؟ قال لها البيت مو بيتك بيتي انا عاجبك اهلن وسهلاً مو عاجبك روحي بيت اهلك ؟
تقول سكت وقلت لا اكيد اذ شافني راضيه بيتغير ويقول ماشاء الله عليها رضت ان اهلي يسكنون معي وماقالت شي .....بس ما تغير ابد ونفس الحال لا وبعد صار يقول لها روحي عند اهلك كم يوم عادي ترى والله تجي عند اهلها اسبوع ما يجي ياخذها تدق كل يوم بكرى بكرى ......؟

باى الله عليكم هذا زوج ؟

البنت تكسر الخاطر تجلس معنا في الجلسات نص البنات متزوجات وامس طلعنا وامس زوجي وداني وجابني واشترى لي وهي ماغير تطالع فيهم ؟؟؟؟؟؟وش ناقصها عنهم تحزني حيل ....
انا محتاره معها مدري وش اقول لها هي تصبر بس الى متى اذ في هذا العمر ما طلعت واستانست وسافرت اقل شي الكلمه الحلوه ما تسمعها والله يابنات تقول اسمي ما ينطقه الا اذ يبي شي مني يعصبيه بعد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حرمها من كل شي وربي من كل شي .....اهلها يقولون لها اصبري اصبري بس مافيه فايده تقول حتى اذ جيت بتناقش معه يرفض يقول سكري الموضوع مافيه نقاش عاجبك اهلن وسهلا مو عاجبك باي
حتى الرسايل جربت معه كل شي مافيه فايده ..........................................؟
عطوني حل حتى لو كان الحل الفراق بس اهم شي حياتها ودراستها مسكينه متعذبه والله لو تشوفونها بس استغفر الله ....ساعدوني الله يرزقكم الزوج الصالح ويسعدكم ويريح بالكم