مسويه حفله لزوجي 000وابغاكم تساعدوني بأفكاركم الحلوه

فكرة المطعم حلوة ، بس ما يحتاج تعزمين وايد ناس ، بس المقربين واللي يرتاح لهم زوجج
وإطلبي كيكة على شكل قلب وخليهم يكتبون عليها عبارة جميلة يفاجئون فيها زوجج بعد العشا مثلاً ، لكن لا تنسين السهرة الخاصة فيكم في البيت ، يعني تكونين مجهزة كل شي قبل ما تروحون للعشا أو الغداا
بس سؤالي ألحين ،، إنتي قلتي مدعويين .. هل المعازيم خلط رجال وحريم ولا بس حريم ؟؟؟ لإني أخاف إذا تفاجئين زوجج ما يحب لو عزمتي الحريم ويا أزواجهم يمكن يتضايق إلا إذا كانوا محارم لج
وعسى إني توفقت بإقتراحي

أختي ام عبد الملك سوي علب فيهم حركات حلوة وحطي فيهم عود الأسنان علكة وغيرة ونسقيهم بشكل جميل في سلة مزينة ووزعيها على المعازيم بعد مايخلصوا العشاء ولا تنسي دورك أنتي في البيت مثلاً سوي لزوجك درع وكتبي فية تهنئة لزوجك بمناسبة النجاح وممكن تفتحي بعض مواضيعي السابقة وبتحصلين فيها شغلات ان شاء الله انها تعجبك وبعد ممكن تفتحين المواضيع اللي حطينها في بداية منتدى الحياة الزوجية وبتشيفين اللي يعجبك ان شاء الله
تحياتي لك ام عبد الملك

حلو تكون الكيكه الخاصه بالاحتفال عليها صورة زوجك والكيك ممكن يعملونه محل الحلويات مثل حلويات القباني
وممكن تكون الشكولا اللي راح توزعيها عليها استكرات عبارات وتبريكات لزوجك وممكن عليها صورته او صورة الاولاد
ولاتنسين نصيبه وهديته قدميها في البيت قبل او بعد الاحتفال او في نفس وقت الحفل ولاتنسين تقضون الليله هذي في فندق والاولاد خليهم عند الاهل
الافكار كثيره لكن ما اعرف امكانياتك وحدودك وهل فيه وقت كافي امامك قبل الحفل او لا وكيف طبيعة الحفل وهل النساء منعزلين عن الرجال او كيف
واذا حابه اساعده اكثر ممكن تراسليني خاص لان ممكن انسى ولايكون لي عوده على موضوعك

العقيق
ومحبة اولادها
ودلوعته
تسلمون على افكاركم الحلوه 00000

طبعا اختاري هديه من جد تكون رروعه وطبعا الحفله زهبي لها زهاب عدل مثلاا قدمي للمدعوين تذكارات صغيره اناا سويت حركه مره لزوجي من جد استغربو كل الموجودين منالحركه شريت برواز على شكل نافذه قديمه وهو حجه كبير وكبرت صوره لزوجي بحيث تكون بحجم البرواز وهو من جد كبير وانتي طبعا تقدرين تفتحينه وتسكرين النافذه وحطيتها يم ريلي وهو بيمووت يبي يعرف شوو داخل هالدريشه بعدين ليمن بدينا الحفله فتحت الدريشه الاا صورته واستانس مووت والكل اللي بالحفله استغرب واعجبوا بالفكره

تسلمين يا بنت الجيران
وفكرتك جداً حلوه

ام عبد الملك وين ساكنه ؟؟؟؟؟؟؟؟
اذا الرياض اعرف محلات كثير تخدمك وتساعدك في تنفيذ طلباتك
واهم هديه قدمتها لزوجي وهو يقول افضل شي جبتيه
هو القرأن الكريم وهو عباره عن مجموعه مكونه من
مصحف التجويد
تفسير القران
المحفظ طبعا عباره عن مصحف الكتروني مهم للسفر ويساعد على حفظ القاران
ومجسم من الكرستال مكتوب عليه اية الكرسي والفاتحه على شكل مصحف
وطبعا الكرت كتبت فيه عبارات تدعوه للحفاظ على كتاب الله اذا تبينها ممكن ابحث عن البطاقه واعطيك عباراتها

تسلمين يا دلوعته والله تعبتك معاي
وفكرتك جداً رائعه وهي الهديه الي ان شاء الله بقدمها لزوجي

عندي اضافه بسيطه
اذا حابه يكون جو الحفل غير
بالنسبه للاطفال استأجري نطاطه يكون حجمها حلو وشكلها حلو لانهم راح يفرحون فيها ويبعدون عنكم شوي
بالنسبه للبنات والنساء اذا تحبون الرقص اكيد المسجل ماراح تنسونه او حطي دي جيه تغيير عن المسجله وهذا يعتمد على الامكانيات الماديه
فكرة بنت الجيران حلوه وممكن تعملين صورة زوجك على قالب شوكولا لكن المحل اللي يسويها بشكل ممتاز موجود في الشرقيه فقط اذا تعرفين احد هناك ممكن تطلبن منهم يوصلونها لك او الكيك لانها متوفره في محلات كثير
بصراحه انا احب الحفلات واحب ابدع فيها لكن دائما تعتمد على الميزانيه