مشاركتي في مسابقة بوح صورة

{ تضيق الدنيا بعيوني وأحس العمر كله ضاع
وليامني تليت آيات ربي راحت الضيقة ..}
{ مصحف وسجادة و ركعات بخشوع
تسوى سنين من النجاح المزيف ..}
{ إنت الوحيد إلي به القلب يرتاح
يرمي همومه عند بابك ويسجد ..}
{ على صوتك يام دفعنا فطر مسلم وصام سنين
وصرت الحين ذكرى صوتها مانسمعه ضايع ..}
{ للعيد فرحة يوم كانت وكنّا
وألحين صارت كلها أيامنا أعياد ..}
{ النور فانوس والجدران طين وحصى
واليوم فلة ومسبح بس وين القلوب ..}
{ لاتشنقون الورد مازالت قلوب
تحتاج لوجوده وتطرب لشمه ..}
{ بعد ماتاهت الخطوات جمعنا غصن ذبلان
نفضفض والقلوب من الوله بالحيل عطشانة ..}
{ على خد الورق شفت الندى يحمل صفات إنسان
يشيل جبال من همه ويضحك لجل يرضيني ..}
{ يمه إبي صدرك من الوقت مليت
مهما كبرت أبقى بحضنك صغيرة ..}
{ كنا صغار وكانت أحلامنا إصغار
ياليتنا بأحلامنا ماكبرنا ..}
{ بدري على الحزن ياأغلى من سكن قلبي
ماعاش من سيل الدمعة على خدك ..}