مشاكلي في سبع سنوات

الله يكون في عونك اختي ويفرج همك
وبالنسبه لزوجك ممكن هذي شخصيته حاولي تشوفي الجوانب الاجابيه فيه واكيد بتكون كثير حاولي تجذبيه وتحسسيه باهتمامك فيه وكثير رجال طبعهم السكوت وانتي سوي اللي يرضي ربك وان شاء الله بترتاحي
وعندي نقطه حبيت انبهك لها بعد اذنك انتبهي انتبهي تقارني بين زوجك واي شخص او تقولي له شوف اخوانك او فلان وش يسوي لزوجته لان هالشئ نتضايق منه احنا الحريم فما بالك بالرجل انتي امدحي الاشياء اللي يعملها لك ولو كانت بسيطه وان شاء الله بيتعدل يعني انتي اذكري لها قصص معاملة الرسول مع زوجاته وسيرته فهو قدوتنا لكن انتبهي من المقارنه مهما كانت الاسباب وزجك ولو كان سلبي من ناحية النقاش ومن ناحية المشاعرلا يأثر هذا الشئ عليك وعلى ثقتك في نفسك ابدا اسئل الله ان يسخر لك زوجك ويجلك في عينه ويصلح حاله
تقبلي مروري وتحياتي

الله يعينك اصبري واحتسبي , بس تصدقين ان مره سمعت حديث للنبي صلى الله عليه وسلم يقول :
من راى في زوجه خلق لم يعجبه فليذكر ما احبه منه ,او كما قال عليه السلام . وهذا للزوجين الذكر والأنثى الله يحفظك

الله يسعد كم ياغاليات والله ريحتوا قلبي الله يريحكمبالايمان وطاعت الرحمن

الله يعينك ويسخره لك
انتي لاتحاولي تقارني بينه وبين اي احد ثاني الرجال مايحبون هدي الصفه انه يكون احد احسن منهم بالذات من زوجاتهم
وكمان حاولي تبيني انه احسن شخص في نظرك وتمدحيه ولاتكثري من الكلام مايحبون كثرة الكلام بطبيعتهم ويكرهون العتاب
وماعليك منه فالطبخ اطبخي وارسلي لاهله حتى يمدحوك عند زوجك يمكن بالاسلوب هدا يتغير
واسلوبه فالنوم هدا شي اكيد انه مرض لانه طريقته في النوم ماهو اسلوب انسان سليم والله يعينك ويصبرك عليه وحاولي تكثري من الدعاء والاستغفار وسورة البقره والاذكار والرقيه

والله مدري ايش اقولك بس الله يفرج همك انا احس انو سورة البقره علاج سحري لاي مشكله بعد اذنه سبحانه

شوفي حبيبتي اطبخي وامدحي طبخك ولاتخلينه يهز ثقتك بنفسك من يكون هو وبعدين ادا قالك هالكلام قولي سبحان لله الاكل مرا لذيذ بس الناس اذواق
وطنشيه واطبخي اللي نفسك فيه وتفنني بالطبخ مدري عن طبع زوجك بس ادا يحب اكله سويها وادا جا اكلي الصغار قدامه وكلي وبيني انه مرا لذيذ بطريقه عفويه
وحتى لو مافاد وما عجبه عادي لا تهتز ثقتك ولا شي لان يقولو اللي يتربى ع اككل معين ادا فقده يشتاقله حتى لو كان الاكل مو داك الزود يعني العيب مو بنفسك ابد والله يوفقك يارب ويسخره لك

الله يفرج همك ويهدي سركم

انا عندي قناعة دايم لكل تصرف سبب بس احنا مانعرف نتعامل مع السلوكيات
يعني نشوف الخارج بس لكن من داخل ليه زوجي يسوي كذا ماندري شي طبيعي ماندري عن اللي بداخل الشخص بس لوعرفنا تنحل المشكلة
عشان كذا يمكن النوم شي نفسي ويمكن مرض
ثاني شي مثل ماقالو البنات لاتقارنين لان زوجك اكيد احسن منهم في حاجات ثانية وادري من حرتك تبغينه يتحرك قمتي تقطين كلمات قوية وهو ولاتحرك
يعني صراحة مدري وش اقولك لصمت زوجك اسباب كثيرة
يمكن زعلان - يظن ان السوالف مع الحريم مو ممتعه - مايشوف في كلامك شي يحمس - يمكن تعود على هالشي من زمان -....إلخ اسباب كثيرة
حتى نومه بغرفة ثانيه انتي قلتيلها اذا بخاطره شي يبعد عنك يرح بمكان ثاني
وطبخك مثل مايحط حرته بالنوم ومن اي شي ينام انتي حطي حرتك بالطبخ لاتخلين ثقتك بنفسك تنزل
واخيراً نصيحتي لك
ادعي ربك يهديه ويسخره لك وينور عليك كيف تتعاملين معه
اجلسي مع نفسك جلسة مصارحة في هدوء
قولي احب زوجي اكتبي صفاته الحسنة والحلوة فيه >> هنا تتغي مشاعرك وتتجدد من جديد
اكتبي صفاته اللي مو عاجبتك فيه >> في اشياء تتغير مع الزمن
قبل هذا كله ابدي بنفسك
شوفي صفاتك الحلوة اللي اهملتيها وهوايتك مثل الطبخ رجعيها
شوفي وش يتمنى زوجك منك >>اكيد 7 سنوات حسيتي ان زوجك وده تكون زوجته فيها بعض الصفات
صدقيني احس مشكلتك بسيطه لكن يحتاج لها صبر وحكمة وانتي مو كاتبه تفاصيل كثيرة
اقري في النت اقري كتب ابحثي عن حلول انتي ادرى باللي تحتاجينه ويناسبك
بس لاتطلبين الاهتمام منه والحب اجذبيه انتي بسلوكك وتعاملك للاهتمام والتغيير والحب تجاهك
وربي يوفقك ان شاء الله ويسخره لك

زوجك شخصيته شكلها باردة ....واعصابه ثلج....وماعنده اسلوب
عادي
اريح لك ياشيخه
عيشي حياتك
بيجي وراك صدقيني
خليك زوجة كامله ومتجدده ومنتعشه
وحلوه الصراحه باسلوب هادي ورايق
الله معك