مشغل بن بشر ومشغل دار الجمال

احزااااان

17-10-2022 - 11:49 pm

بنات الرياض الله يخليكم انا ابي اقص شعري واصبغ بس محتاره بين مشغل بن بشر ومشغل دار الجمال اي وحده مجربه هالمشغلين تقولي وكيف اسعارهم ومن الافضل تكفون لا تطنشون

التعليقات (8)

مااااسه

18-10-2022 - 03:16 am

انا حبيبتي جربت دارالجمال يطلع الون الي تبغي بس بعد مايلعن ابو شعرك
وبتجربتي انا واخواتي وبناتهم والقص بعد مايعرفو الا مدرج شاطرين في صبغ الحواجب وتنظيف الوجه
من جد حلو بن بشر ماقد سمعت فيه انا عن نفسي اروح لمشغل اسمه تغريد الرياض في الدخل روعه
عندهم وحده اسمها ساره فضيعه تطلع اي لون تبغيه وشعرك يصير حرير ماادري ايش تسوي فيه
صبغة ليه بني بندقي وخصل زيتوني واختي زيتوني كامل والله الكل سالنا عنه
لو تبغي الرقم اعطيك على الخاص وصف مااعرف اوصف ؟؟؟

شواره فسكيه

18-10-2022 - 04:17 am

ابعدي عن دار الجمال كذامره والله رحت لهم شفت بنات يتهوشون مع الفلبينيه عن الصبغات فاشل
وحده احترق شعرها
اقصد المشغل الي قدام الرياض مول

احزااااان

18-10-2022 - 05:18 am

مشكوره ماسه وياليت تعطيني رقم المشغل

احزااااان

18-10-2022 - 06:19 am

مشكوره ام تروك انا اقصد دار الجمال الي قريب من جامعة الامير سلطان

أحلى بنت في العشرين

18-10-2022 - 07:20 am

أنا صبغت شعري بدار الجمآل وصار يخقق بس لاتروحين لأي وحده فيه هنآك وحده شاطره بالصبغ
وصبغت ب 250 مع العلم أن شعري تحت كتفي

(شموخي بذاتي )

18-10-2022 - 08:21 am

انا عن نفسي اروح دار الجمال مره روعه في القص والصبغه وتشقير الحواجب

موكا حالي

18-10-2022 - 09:22 am

انا مايعجبني دار الجمال ابدا ومستحيل اروح له
والقص اقص عند المبدعات بحي الورود قبال الخيمه مباشره عند وحده اسمها خديجه لي اكثر من 3 سنوات ومااقص الاعندها خلاص تعودت عليها بس للامانه ماجربت صبغتها

دار الجمال

18-10-2022 - 10:23 am

السلام عليكم
دار الجمال تغير مكانه، وأصبح الآن بشارع الملك عبدالله ( مخرج 10) لمن تهمها الأمر من الفراشات الجميلة هذا هو رقم الهاتف: 568393498 (966+) اسألن عن فاطمة.
إذا كانت لديك أية مشكلة في العثور على عنوان المشغل، لا تترددي في مكالمتنا، وكذلك أية استشارة في مجال الزينة والتجميل...
السلام عليكم ورحمة الله.

ساعدوني ملمع للشعر←
لصاحبات الخبره في الصبغات→